19/10
呢日英澳又有賽事 小弟對澳紐馬賽事無興趣只集中寫英國嗰三場中長途G1 古摩又有幾隻出但講真除頭場長途杯隻饒舌達人壓倒性外 其他場次都各有缺點

第三場冠軍馬女錦標哩半 形勢混亂 古摩兩隻滿足喺歌劇錦標大敗 而蘇仔騎嘅知恩上場贏皇家地錦標但兩隻同樣抖得兩星期 一於向冷門馬埋手 先揀老牌練者衛爾德拍阿加汗嘅雪霧霞 三歲尾先出道跑得少 之後上哩半潛力盡現 上場小休復出蓋達靈錦標跑第四 熱身後直指呢場 另一選皮士高爵士拍莫萊斯嘅蹄風麗 雖然近勝不過係德國賽事但贏到三場點都有啲實力 勝在可跟前跑而如果場地偏爛更好 冷門就係前騎師薛寶力訓練嘅關達姑娘 上場過多維爾贏G2相當輕鬆 柏士祺騎兩場都入Q人馬合拍

第四場女皇伊利莎伯二世錦標跑一哩直路 今年彈起嘅一哩王卓倫谷呢場將會係告別戰 上場隆尚磨坊大賽俾本族主義偷雞得米實屬不幸 告別在即戰意無疑 Q揀返喺傑克莫華大賽輸俾卓倫谷嘅都會


第五場戲肉冠軍錦標跑二千 外圍佬開出經濟學同南加名城係熱門但呢兩隻有危機 經濟科上場愛爾蘭冠軍錦標力拒多產巨匠表現出色但同時認為跑得好盡 而初出輸嗰場就係變化地 而南加名城就唔明岳伯仁諗乜 睇嚟睇去起碼都要哩半以上均速馬 兩星期前搏完凱旋門就縮落嚟二千唔知係乜玩法 所以對賭攻擊要左一對法國公公格倫島同鮮紅葉 格倫島早喺愛德華七世錦標大勝而之後朱德望錦標撼名戰古城入Q彈甩後面馬群 場地越爛越有利 而鮮紅葉同樣會賺場地因素 本身跑開哩半對著雅士谷上斜二千只會更有利


日本戰線三歲三冠尾關菊花賞跑三千 亂局一場但點都要返東京優駿盟主野田分位 父系出自13年呢場冠軍神威啟示 對著同齡馬跑三千應該問題不大 抽埋四檔更好跑 其他馬之中揀多兩隻其一就係上場神戶新聞杯車前倒後大熱倒灶嘅更加好 之前一場贏小倉二千六米相當輕鬆 出自中長途好手高尚駿逸增程八百更合發揮 小弟雖然唔鐘意川田都要揀 揀多隻就係蘿蔔會嘅拯救者 雖然出自中距離好手統治地位但都出過17年菊花賞盟主神業 騎開嘅李慕華結果揀名城潮流 不過戶崎算實而不華唔敢忽視

[ 本帖最後由 KIRIN688 於 2024-10-19 01:14 編輯 ]

23/10 全泥戰

第三場四班1650第二組 雪茄鄭喺泥地向來搏殺主場 呢晚算強陣 桃花多跑過場同程喺上季尾得第四至少證明合跑 草地呢個分似乎無乜競爭力唯有跑泥地 對手之中揀返開始上力又有同程根據嘅客家之光

第四場四班1650第一組 年年友福上場同程贏馬加磅後都係孭128磅 新哥騎到熟哂仍然有前列機會 Q方面又揀獵人成隻堅有利 雖然返四班但輕磅又一檔又無理由唔揀


尾場三班千二應該都係喜至寶又撼勝意龍呢條翻版Q局面 上場事後睇唔要勝意龍係超錯 呢次又有二檔又有大老撾福國寶 嘉應喝采呢幾隻快馬擺前面開路好好跑 喜至寶同樣賺步速


第七場待續

[ 本帖最後由 KIRIN688 於 2024-10-21 14:07 編輯 ]

昨日我又病了

今次第二及三場都是幾匹同場馬再對壘而頭馬不在，評分改變少就容易開翻版，第二場是星火燎原及高明力量，第三場是客家之光及歡喜福星，預計機會較大但會頗熱；第三場桃花多上季尾同程得第四在五班不算好，似乎千六稍長，要過前兩駒較難，但已算是第三勢力。

第四場年年友福及堅有利兩匹新勝馬之戰，前駒上次馬少取位無遮無掩馬上發揮本來水準，今次仍馬少，形勢類似而對手減少可再勝。堅有利早顯示特擅泥地，過去在四班47分及49分得第四，上次五班如期輕勝，今次回升到42分仍有贏面。餘下多跑之馬難以寄望，若博冷可兼顧一鹿歡騰，上季尾千四一仗有追勢，近期試泥閘反應不俗，或可變身。

隻一鹿如果跑泥地千二可以搏下 但一出就1650泥有啲難度 個人觀望

第七場三班1650 都係睇檔位揀馬 腎虧潘攞返都靈福星落三班但換嚟135頂磅 可贏又可以無影 四平八穩當然精英雄心 上場事後睇都承認隻馬跑千二真係追唔切 返嚟1650 啱哂 次選方面扒下燉馬馬房競駿光輝 雖然上季爆嗰場同程喺四班但之前兩場草地都係包尾 泥地可能跑高啲 雖然遲到依家先出但暑假已經開始做嘢 燉馬馬房家陣似足當年夏志信咁以串大熱門馬QT為目標 不明係整蠱專家 上季到港後場場輸條街 暑假索性閹左佢重新做起 今季復出雖然都係三甲不入但輸唔夠五個馬位喺主馬群返嚟已經有明顯改進 呢次再跑泥地好檔而馬房強陣 肯定有分頭預一票

[ 本帖最後由 KIRIN688 於 2024-10-22 22:57 編輯 ]

季內初出跑1650當然難度不少，單Q目前有9倍非大熱，第二及三場類翻版Q則大熱。

另講第六場，良駒好友上次贏馬一仗，今次有六匹再碰頭，良駒好友加分多，估計與宇宙動力接近而稍低，機械騎士該仗未跑出水準，其後跑草地表現有提升，再回到泥地，有望反先對手。首選則取郎善好施，上季負重磅後一直近而未再勝，目前草地實力屬班中前列而不超，今次季內初出轉跑泥地，對手似乎比草地一批弱，二月時曾贏泥閘以1分9秒2高速完成而壓倒頂班馬紅運帝王，更早試泥閘亦贏，預期甚擅泥，羅廄馬今季配梁家俊表現好，梁兩度赴從化親試草閘有好走勢，不再試泥閘估計避免張揚，準備好之馬，可望一放到底重開勝門，有分頭之馬膽。腳配上面三匹。

恭喜中 不過又激死上次買嗰幾隻全部跑哂入嚟 伍仔包T又係自認眼拙

星期日谷戰日馬


第二場三班千八 大千氣象加到頂磅係有壓力 但三檔買Q好難唔預佢 其他馬之中再追赤馬雄風 雖然已經八歲但今季仲有兩腳 又同徒孫合拍 依家守好位衝一段肯定更好



尾場二班千二 今次跑C欄跑到尾場中外欄啲地估計會好跑 追返著褲城隻舞林密碼 到依家係得呢個路程贏馬 之後上千四同千六都係無功而回 終於跑返贏馬路程 雖然11檔但睇在著褲城逢出必拼份上就押落去 其他馬之中搏隻久休復出嘅精算暴雪 上季四月退出後索性上從化由頭做起 睇試閘似乎神仙指示教留效果唔差 呢場表面排十檔不利但合夥奔馳同八駿巨昇要讓佢八至十磅拉勻返而預計有步速 神仙用艾道拿肯定火燒唔熱隨時係英勇快車2.0

第六場四班千八 龍船快同皇仁福星又碰頭 今次仲加埋同樣放頭嘅符號呢隻新勝馬估計有步速 先要大將 開始起緊而上場季內初出第四 睇落要跑一場先上力 步速形勢加埋個二檔好跑 Q方面揀盈益善 上場轉游達榮初出有驚喜 雖然個第二對勁好運無威脅但都跑贏其他馬 上千八係合理部署 馬房要省招牌贏馬肯定好鬥志

第七場老牌杯賽廣東讓賽杯四班跑一千 黎昭昇隻極光彗星上場退出但好快又出得 之不過馬房成績差而啲拉倉馬一隻又一隻咁贏 對呢個馬房無乜信心 寧願信神仙嘅鴻圖新星 布文繼續騎有埋一檔更好跑 Q方面紅海風帆雖然到依家未贏但分數跌到落嚟41分已經有反彈餘地 純跑際遇呢個三檔好跑

日本賽事秋古馬三冠頭關G1秋季天皇賞跑二千米 呢場買三重彩同四重彩 今年15隻跑 睇形勢個人覺得係四至五隻機會比較高但就無上兩年春秋分咁壓倒性 爭取六年內第五次贏天秋嘅李慕華今次就騎上年香港瓶慘敗嘅生活格調 俾佢接手後連勝葉森杯同產經賞 東京場係未甩Q但今次執14檔十分難跑 東京場二千米起步後百幾米就入彎 唔想過早望空就唯有縮喺後面跑 如此形勢之下加埋排檔反而對橫山家兩兄弟騎嘅寶徠歌劇同初日高升就有利 尤其寶徠歌劇本身跑法機動 有其他馬放頭可以守好位 而初日高升都係留守中間恃機而動 呢兩隻先揀 另外兩隻機會馬自由島跑完司馬經典後久休復出直指呢場天秋 計馬本身係三甲之選但川田將雅有時發揮就係神經刀 加上前一個星期墮馬雖然可以照騎但話無影響就肯定無人信 三重四重拖還可以 另一選野田猛鯨 11戰只贏兩場勝出率極低 但喺G1賽事周不時跑得接近 呢啲咁難搞嘅後追馬最啱杜滿樂發揮 三重四重拖保險票

[ 本帖最後由 KIRIN688 於 2024-10-26 00:59 編輯 ]

尾場舞林密碼低分時贏千二因辛苦而增程，千四僅敗於神虎龍駒其實出色，亦應是最佳路程，但該仗就一招了，其後表現下跌，我看縮程亦不夠爆炸力應付，再加11檔兼方仔日谷效應賠率低，不值博。精算暴雪方興未艾，神仙馬腳傷抖夠操好再出，正路首選，潘頓道義上騎合夥奔馳而不騎就更好，好分頭也。華麗再勝上仗第三落後氣勢不遠，在此亦足爭勝，次選。八駿巨昇上仗遇強敵早段受影響走得不順而直路又坐包廂只能收韁，大敗不作準，前仗實實在在壓倒合夥奔馳，今次仍有好檔，可施回馬槍，兼顧。


另講第五場，五福星及你知我得上仗同場跑二三，檔位亦轉佳，正路選擇。可破壞者是電訊龍駒，實力稍高於此群但流過鼻血，典型肥葉馬，今次操練積極，試閘亦有好走勢，蓄銳兼抽得一檔，若跑出水準則贏得，冷門值得兼顧。

30/10


第四場五班跑一千 算少有將呢場五班短途擺三T場合 但估計爆唔出樣 先揀有檔位之利嘅連連勝利 三週前轉游達榮初出同程入位 一檔又可跟守好位而馬房鬥志旺盛 而嗰場贏佢嘅飛躍凱旋執十檔難跑得多 呢條翻版Q開出機會唔大 Q腳就揀越跑越短嘅電子精彩 唔跑星期日場谷千二原來要讓路俾辣得架勢 不過馬本身都夠前速 前面有同滿滿鑽飾翺翔開路幾好跑 係時候交代

第七場三班1650 三隻今季新勝馬之中喜蓮勇略上場中但今場加到135頂磅 想連捷肯定無想像中咁易 另一隻我做到有檔利但上場賺盡形勢都係僅僅贏 再加幾磅評分開始有阻力 至於餘下嘅勁好運一俾腎虧潘就贏到無得跑 上場贏馬第二嗰隻盈益善再出補中 排埋二檔又係好跑 Q方面追多次太陽勇士 上場俾手到再來放死 今場又同手到再來同場而換火車潘 排一檔如果肯留後多一格唔係無機會

尾場揀無可揀 一二檔Q精選威搭駿步騰飛算數

[ 本帖最後由 KIRIN688 於 2024-10-29 21:31 編輯 ]

星期日朝兩場美國賽事

BC草地跑哩半 向來呢場馬都係歐洲馬對日本馬 而主隊美國馬喺草地中長途嘅水準可能比澳紐稍好 先揀呢場上年跑第三嘅大帝 明顯遠征能力比起同場同主嘅利森名園為高 今年喺德爾馬跑抽埋三檔更理想 杜滿樂騎到熟知點跑 另一選就係終於搵返FRANKIE嘅上流貴婦 今年未贏整體未算突出但上場跑紅寶錦標第三而頭二馬才情麗驥同遊歷萬里再出凱旋門再包Q 雖然第一次過美國但睇在FRANKIE份上無辦法唔揀 至於前年盟主桀贅之戀勝在準繩又習慣週遊列國 只係今次個12檔幾難跑 三重彩腳


總獎金700萬美元BC經典賽泥地二千米 今年除日本隊外古摩軍團都派出名戰古城出戰 呢隻馬跑埋今場就退役收山打種 無疑戰意十足但始終初到美國跑泥地 同喺基地操練嘅膠沙地係兩碼子嘅事 太熱唔值 首選當然要返喺美國證明泥地合跑嘅日本馬青春永駐 喺肯塔基打比表現出色 之後就抖到上個月頭日本泥地經典熱身 目標當然係今場 雖然練馬師話排個一檔唔好但起碼比名戰古城有更多證明 次選方面要得青春永駐就應該要埋喺肯塔基打比先佢過終點嘅寶礦獅山 之後跑三場全數入圍表現準 柏列特連上場馬會金杯贏馬嘅高地飛瀑都唔跑有誠意 勝在機動 至於三選幾亂 日本另外兩隻取勝秘技今年跑唔返 至於盈寶奇嶽上年呢場慘敗 似乎比較適合中東啲泥地 搏大霧要高多芬美國陣營嘅高地飛瀑 雖然柏列特唔騎但個檔好跑 Luis saez都算係喺美國跑泥地老手又有主場之利 QT選預埋
https://m.discuss.com.hk/index.php?action=thread&tid=31743684&extra=page%3D1&page=1

鴻兄 隔離有師兄刮返你八年前講馬王嘅帖（當然又抽老香港） 不如你又搭幾句

[ 本帖最後由 KIRIN688 於 2024-11-2 02:46 編輯 ]

星期日本地賽事

第九場三班千四第二組 腎虧潘繼續騎盈妍威楓但132磅始終係難題 雖然排檔比上場好但一定無錢分 搏唔入Q 反而之前佢一路摸住嘅燉馬馬房新貨優才做哂功夫 睇澳洲個績跑十場再進步機會唔大 但搏頭幾場有貨交就唔奇 而馬房又配合大至尊出擊 用艾道拿仲好 另一選要返回氣一場隨時又嚟了嘅風繼續吹


尾場三班千四第一組 又見到友瑩仁但就係唔想買 三班未證明過係勝在二檔主動啲 三星期前中還看今朝而今場雖然12檔但曾經試過後追上名 換艾道拿無乜所謂 對手之中本來有諗遙遙領先但初上三班唔知夠唔夠進度 搏下隻初出南莊堡 試三個大閘明顯留後追威力最強 當然愛爾蘭嗰邊未跑過好快地唔知點但勝在只跑四場搏有進步空間

戲肉婦女銀袋待續

[ 本帖最後由 KIRIN688 於 2024-11-1 17:01 編輯 ]