講開飲酒，師兄又有無去美酒節呢??我覺得識飲酒既女人會加分，即唔係咩Q都飲入口叫叻，唔醉叫識，而係飲得出隻酒既香醇程度，係享受，而非灌酒。

有些美女係好識飲酒。很多年前去過一次，依家冇去啦

講開美女，Halloween，師兄會唔會出去玩下。
頭先同朋友食飯，見好多索女，已打扮定，但明明聽日先係Halloween喎，聽朋友講，呢個扮野又可以抄熱氣氛既日子，已經唔會慶祝一日咁簡單。
都係既，我見到4個女生，2個本地2個內地，嘩，真心索到爆，呢D如果今晚出去玩，真係搵到食。

應該唔會出去玩啦
早幾日已見有商場佈置好裝飾


香港地靚女多

師兄，去老蘭走轉，今晚搵食比平時易好多。

HIHI，Happy Halloween。

係同大家吹水之前，見今日呢個日子，又分享下先。

回想Halloween真係唔係咩大日子，只不過係鬼佬諗出黎既一個活動，但今時今日呢?政府都搵佢黎招徠，就可想而知呢D可以搵錢既活動真係要成日舉辦。

以前外國讀書，當到呢一日時，學校都會有裝飾，同學呢?當然會扮下野，喂，有咩好玩啊?我想講，係超好玩，首先要記住，大家都係香港人，係外地又凍又可以放學一齊扮野一齊玩既日子，其實係好難得。而且仲有好多唔同國藉既人呢?想同女生玩又或表白，就真係呢個係好時機嘞。

我好記得其中一次過Halloween，果時我已入住左老友屋企，佢係住3層高既獨立屋，雙車房，超正。而當日真係夜晚會有小朋友入黎問Trick or Treat，咁我地就會派下糖果既。

記得果日既中午，大家仲係學校時，有個日本妹約我老友夜晚出去玩，我當然叫佢去馬，而最搞笑既係，個日本妹居然叫埋佢朋友出黎，果時我以為會錯意，聽我老友講，原來個日本妹係想叫埋我出黎，咁我果期甩左拖，無興趣識女仔住既，但反過來老友就講，日本妹想坐佢車，但知我一個人，就叫我都開埋車，車佢朋友，咁認真講，其實我係想老友出去，自己可以玩下自閉，但又唔想掃興，我地4個人就當晚一齊出去玩。

我唔知大家對其他國家既男男女女係點，而小弟對日本妹既認識其實唔好意思，大部份最初都係黎自日劇愛情動作片.......

所以當年見有日本妹對老友有興趣，我係好開心又當戲咁睇既，HAHA...... 當然，相處落，原來日本妹真係好乖好斯文，講真，娶左佢地真係正，但我聽講，份糧係要俾晒佢既........   

OKOK，講番轉頭，當晚我地就玩得好開心，而且老友開一架車，我亦開一架車，唔知大家想唔想像到個情境，又真係都chill，係公路上扮下鬥快，到目的地時食下野，再一齊玩下煙花，我覺得有心，真係可以溝死女。

咁結果有冇下文？😬

結果有冇溝到女?