6/10

頭場五班跑千八 揀兩星期前同班泥地1650跑三四嘅豐盛多彩同喜悅一生 呢兩隻至少證明有競賽能力而草地同程又上過名 同樣抽好檔唔駛留咁後 單Q

第六場四班千四第二組 又見到友瑩仁出嚟 呢隻馬上季贏馬後接二連三跑到一無是處 上場已經縮落谷千二雖然話有籍口大外檔而輸 呢啲無投注價值嘅馬就係最好攻擊對象 先揀一定掂 上場雖然走有利場入Q但都證明馬有進步 今場十檔對後追影響唔大 另一選五班上嚟嘅桃花多 雖然升班但本場整體水準唔高 靠118輕磅已經有競爭力 而馬房是日陣容有搏殺手影


第七場三班直路賽不可擋上返三班加埋得一招放頭跑法頂多接近 估計唔係舉步生風嘅對手 舉步生風繼續攻直路賽腎虧潘唔玩嘢嘅話坐二望一 Q腳方面寰宇豐采上場初跑直路沿途望空都追返個第三算唔錯 本來對黎昭昇呢個未開齋馬房無乜信心但又整返個貼看台13檔 不得不考慮

尾場二班泥地1650 有電訊巴打 保羅承傳 嘉應傳承呢啲前置放頭 買哂告仔三隻算數

[ 本帖最後由 KIRIN688 於 2024-10-5 21:58 編輯 ]

凱旋門賽日
馬女G1歌劇錦標跑二千 正路之選今年法國橡樹盟主爍爍多 上場跑紅寶錦標哩半路程明顯不合 放棄凱旋門落返嚟中距離嘅馬女二千米順理成章 古摩兩隻莫雅騎依蘭芳菲今年得個近字 蘇仔騎嘅滿足就二千嫌短 成熱當然對賭 半冷心水就係有一檔之利嘅一日伊始 五月先開始上陣無跑一千堅尼同橡樹但越跑越有 鞍上人黎景輝夾熟哂又有一檔係黑馬
戲肉凱旋門大賽今年亂局 全場無一隻馬係壓倒性 日本方面派出20年凱旋門盟主設計名師全細佬真命新帝 東京優駿後立心以呢場為目標 之前喺愛爾蘭冠軍錦標重重受困下跑第三表現出色 肯定左呢隻馬跑歐洲啲地仲好過日本 哩半能力唔需要懷疑係擔心坂井面對咁多高手會輸蝕短兵相接 但點都要揀 至於其他選擇就喺兩場前哨戰尼爾錦標同紅寶錦標埋手 睇埋檔位後最後要左紅寶錦標包Q嘅才情麗驥同遊歷萬里 近年凱旋門大利內檔馬匹而呢兩隻馬女又有受讓 至於三重彩四重彩腳就加尼爾錦標入Q嘅國民樂派

[ 本帖最後由 KIRIN688 於 2024-10-6 01:13 編輯 ]

第 7 口孖寶
R 7 ：7 舉步生風 (連贏 3-5-7)
R 8 ：1 時間寶

[ 本帖最後由 月影偷情 於 2024-10-6 10:41 編輯 ]

9/10 集中下半場賽事
第五場四班千二第二組杯仔場合 型佬全開埋齋 唔計游達榮遲派馬得返黎昭昇未開胡 連雪茄鄭季初都手起刀落贏五W 黎昭昇有幾大壓力想像得到 今場耀寶駒季內跑同程失手即刻換布文上去 戰意無疑問 Q本來有諗跑同程輸得近嘅漣心星但又一次十檔 唯有要返擺明跑形勢有好檔嘅光輝所願

第六場四班千二第一組 幾日前快活谷有大閘就繼續向內檔馬埋手 精英至尊四平八穩又好檔都唔需多講 Q揀賢心星 上場一落五班得米 雖然上返四班布文造唔到磅換湯普新但又有二檔 仲要拆三組水準拉低 論機會唔差得過上場

第七場三班1650 連埋負磅因素估計係黑桃火箭 堅闖 駟跑得同我做到呢四隻機會比較高 先揀就要檔位之利嘅我做到 幾場抽外檔都跑得好 呢次個二檔可跟守好位係前列份子 伍仔另一隻堅闖執十一檔就比較麻煩 隻馬拉士爆發力麻麻 加上已經交代左隨時呢場係放頭幫我做到開路 餘下兩隻都係後追馬 揀返鴻兄上次中嘅黑桃火箭 贏馬開左竅上返三班就搏繼續反彈

尾場三班千二田雞又有隻牌面馬飲杯 上三班輕磅又一檔 機會係點唔駛多講 Q會搏下季內初出同程輸近嘅金牌活力 改用跟前跑法而際遇麻麻返嚟只輸個幾馬位 董明朗繼續騎而呢場有前速馬唔算多 前置二疊有cover嘅話 並非毫無勝算

[ 本帖最後由 KIRIN688 於 2024-10-9 00:29 編輯 ]

我講其他場次。

第二場大熱兩匹上仗激鬥得二三，今次檔位大幅外移，內側馬夠速度層層頂，預期三疊就不如博冷門。背背龍四班千二表現不俗，落班縮程有可為。連連勝利過去田草一千表現最好，上季中起減分，季尾落班谷草千二稍起入位，試準谷草性能落一千，爭勝份子。佳景臨門在肥葉手以此程最佳，抽一檔應可急追一段，保險腳。

第四場揀皇帝英明、怡昌精神及天威。前者有遠績，三班時見進步。後兩者質新初起有表現，可期再進。

13/10
第三場三班突分跑二千 腎虧潘攞返神仙隻安騁 打比後重頭做起 試大閘睇表面似返到八九成但始終係試閘 初出孭頂磅跑二千係一大問號 可以贏哂又可以影都無 穩陣啲都係要非惟僥倖 同ME.BEAN合拍而今場係三班突分有安騁出嚟變相減磅好跑 跑左場千六開氣後會更好 對手之中奮鬥心連續幾場追得近而受制重磅又後追不及 今場終於上嚟二千換埋布文磅位有利要防

第九場三班千四 預計大熱應該係初上千四鑽石星空 勝在機動可前跟而石哥可用兵源唔多 肯加程出戰唔會打無把握之仗 Q方面搏還看今朝 兩星期前初跑同程中段墮後直路又曾經被困都係輸俾頭馬半個馬位 反映隻馬依家跑千四可能更好 受讓鑽石星空十磅差距隨時係勝負分野關鍵


戲肉G2讓磅沙田錦標越駿歡欣退出得返九隻 神仙全日屯重兵而呢場出永遠美麗同紅運帝王又嚟同室操戈 功夫做哂而呢場出馬唔多 走位上有更大彈性 最強對手當然係上季尾連勝兩場G3嘅錶之銀河 分頭欠奉最多T腳

[ 本帖最後由 KIRIN688 於 2024-10-12 20:26 編輯 ]

16/10

尾場先 呢場同第六場另一組三班千二嘅混亂程度相比 明顯係家樂龍駒 瑰麗人生同競駿非凡呢三隻撼 鐵角就唔化算 睇臨場
第五場四班千二第一組 兩隻新勝馬精彩駿將同椒椒醒加磅後碰頭 睇埋形勢跑法秤高精彩駿將 至於椒椒醒個七檔相對未必好跑 單Q搏下初跑谷戰嘅金榜之星 雖然到依家未贏但之前喺沙田千四入Q級數計擺呢度已經有用 今季初出頂磅望空放頭輸唔遠唔算太差 呢次比上場減六磅抽埋個三檔守好位會好好跑

第七場三班1650 又見極速奇兵孭重磅雖然好檔但繼續唔要 正路當然係爭金奪冠 後上馬啱田雞發揮 半冷心水太陽勇士 以上季453場次際遇差情況下同陽明天空話你知呢啲馬撼都係輸少少計三班唔會輸蝕 英國嗰邊賽績已經贏到千八 十日前嚟課谷閘試準 跑法可以前置有出冷條件 另一選再追多次星運少爵 沙田過嚟谷戰賺啲級數 11檔係難搞但換嚟分頭拖埋

[ 本帖最後由 KIRIN688 於 2024-10-16 03:30 編輯 ]

第七場三班1650，我上次就在太陽勇士身上輸錢，閘前落飛似乎有風，可推斷狀態有準備，但縮程太促，表現不如千六幾仗，現在熱身後回到千六而轉谷草賺級數，前置馬有好檔易適應亦易形勢好，同場乏超級對手，夠贏。為免走甩，極速奇兵及爭金奪冠都一併做腳。星運少爵兩場田草千六皆好檔，水準較低一場中置落第，水準較高一場留後追得第三，趕過我做到屬好表現，向來留後才好，今次11檔被迫留後有好無壞，看際遇能否及時在短直路追上，可拖。另我再補一票上仗輸錢的勁進駒，外地一放到底贏千六，今次1檔亦有機會。

另外第一場全揀內檔馬，包括隼閣、電子精彩及朗日雪峰，其他有飛有能力之馬往績逢排外檔就差一截。

太陽勇士俾手到再來咁樣放死但都係差少少無P 俾多次機會
20/10


第五場手機錶霸雖然初上千六又排最外檔但準繩又好難唔揀 Q搭話你知


第九場繼續追將義 俾返艾道拿更好 對手方面和平波上場唔要就跑出嚟激到彈下彈下 至於42場次包Q嘅都靈星球同明亮天下磅同檔調整後死數計明亮天下有反先之力 至於三連勝千四米嘅金勝名駒初上千六對手強一截仲要抽個易被困嘅一檔 機會無上場咁高


尾場三班千四 64場次前三馬再碰頭 評分 磅同檔調整後秤先非凡之星 當時處境就同還看今朝一樣內欄打困籠 一望空就如飛殺上跑第三 還看今朝再出入Q咁非凡之星呢場際遇好啲嘅話隨時贏得 Q方面本來對寶妮妹妹騎後上馬無乜信心但快搏上場喺佢發揮下跑得似模似樣 呢場外檔必然難搞但搏分頭就係要冒險 留得到隻馬要入P唔係無機
第七場待續

[ 本帖最後由 KIRIN688 於 2024-10-18 02:58 編輯 ]