張太嗰邊本來有得諗嘅，不過最近問佢借錢咁唐突，會影響佢對我嘅觀感，加上佢班手下係唔易搞啲人，做生不如做熟，冇乜大單嘢都係唔好郁住，同條靚妹叫做關係改善咗，不過佢就食住上，成個晏晝點到我陀陀擰，叫我落街買文具唔一次過買，而係諗起一件買一件，足足行咗六次咁多，搞到攰到抽筋，好嘞放工嘞諗住走得，條女又話要加班做嘢，叫我請佢飲咖啡，咁小事咪幫下佢囉，點知星記放工人多到嘔，來回結果用咗九個字，到買到返公司靚妹仲怪我，話咁耐佢已經做完晒啲嘢走得，杯咖啡留番俾我自己享用喎，頂你真係想即場吊九佢，頂住道氣唯有忍，後尾佢陰聲細氣又溫柔同我講拜拜，我已經縮晒，再見佢條短裙仔飄下飄下，大脾又白又滑，當堂乜嘢怨氣都冇晒，仲主動同佢講：唔緊要，係我唔啱咁遲先返，下次再請過你吖。唔怪之得話英雄難過美人關，我唔係英雄，更加過唔到啦！

出嚟做嘢多年，都抵擋唔住靚妹一担沙糖一担屎，最攞命係離開公司前竟然對我回眸一笑，我有乜嘢法子唔一褲都係，食咗屎都覺得心甘命抵，講番正經嘢，遲咗個幾鐘放工，不如就附近茶記晚飯搞掂，豉椒排骨飯加凍茶食到飽一飽，返到屋企乜都唔做，第一時間搵秋仔問件重要嘢先，秋仔死下死下語氣好唔耐煩，我問：喂秋仔，有冇問Amy點解叫我能樣咁侮辱呀？我冇乜得罪佢喎。秋仔語帶諷刺話：唉！講嚟講去咪話你死性不過改囉，成日掛住周圍𥄫女，條裙着得短啲就想偷裝人底褲，話喺台灣已經成日搏佢懵，返到香港死心不息，同你行埋一齊覺得影衰佢，加埋嗰日離譜到話我燒炭，把口賤到嘔，佢仲話同我比，我品格高尚過你好多，起碼識得咩叫尊重女性。聽完我笑咗出嚟，我話：高尚過我尊重女性？咪L玩啦，成日周圍溝女，唔理好醜只要就手，講嘢呀？秋仔反駁話：係呀！我鍾意溝女呀，起碼我堂堂正正先吖，唔似得你閃閃縮縮咁，Amy直頭話你好猥瑣，再係咁，以後唔使旨意有friend做。唔係嘛？咁大鑊，茵茵姐你冇份㗎？

諗起啲頂癮嘢我又問：喂Amy成日都喺你嗰度冲涼，啲底衫褲點處置呀？秋仔嚴正話：你條Pk諗親都係衰嘢，Amy鬧你係能樣係冇鬧錯嘅。我反駁話：有咩咁大件事呀？知下唔得嘅。問一問反而挑起咗秋仔話題，佢話：不過講開又講，Amy啲衫褲鞋襪全部係我開洗衣機幫佢洗嘅。我問：咁奶罩同底褲都一齊洗？秋仔答：胸圍就胸圍啦，奶咩罩呀？胸圍就揼落洗衣機，底褲佢就自己人手洗，洗完晾埋，可能佢唔想俾我點，或者唔好意思掛。我笑住話：嘻嘻！頂唔頂癮先？秋仔俾我撩起咗話：話時話，現代女性真係犀L利，Amy啲底褲冇一條唔係T-back，又喱士又幼帶，有啲得前面塊三角布仔遮住下，全部性感到暈，最初同啲胸圍一齊晾喺騎樓外面，之後唔得了，我發覺上下隔離左右，成日有啲麻甩佬伸個頭出嚟装下裝下咁，於是我叫Amy唔好晾外面要晾番入廁所，之後到我唔掂，我都係麻甩佬㗎嘛，一入廁所就對住佢條T-back點頂得順，唯有一路冲一路打囉，唔出火根本瞓唔着，唔係點呀？

講講下秋仔反問話：你條死仔打嚟就係問呢啲？俾你帶咗遊花園。我話：順便問啫，其實仲有一件緊要嘢，唔知你方唔方便，想問你度住幾皮嘢。秋仔驚訝話：唔係嘛？要度水，唔似你喎，做咩啊還賭債呀？秋仔問原因，唯有以誠相待，一五一十話俾佢聽啦。秋仔聽完搖頭話：難怪Amy鬧你係能樣，一啲啲都冇鬧錯，咁猥瑣都做得出嘅，呢次上得山多終遇虎，嗱多我就冇，呢排轉新工駛多咗，底薪又唔高，頂籠兩皮嘢，要唔要吖？大佬𦧲飯應啦係嘛，我話：多謝你都嚟唔切啦，患難見真情，我欣賞你夠義氣，為咗回報你，我決定唔同你爭Amy，你放心去馬啦。秋仔訕笑話：你咁講法豈不是我要多L謝你，肯放我一馬，你咩斤兩呀？想同我爭Amy, 嘥9氣啦，單手都嬴你啦。為免刺激秋仔改變主意，我隨口話：係嘅，冇得爭，冇得爭。秋仔繼續話：仲有，借錢我要收利息㗎。我問點計？秋仔話：見係friend 收順啲，一分息啦。仲話friend要計息！我話：冇問題呀！年息一分好合理呀。秋仔糾正話：咩年息呀？月息呀！

有冇搞L錯，月息一分你唔好去搶，我話：你咁狼死仲話係friend ，個個月收我兩千蚊息，你轉行做大耳窿呀？秋仔寸寸貢話：好老實講，我自己呢排都大把地方用錢，見你咁等錢洗，老友一場即本借住俾你先，難保到我需要嗰陣咪又係要問外面借，唔講其他，你估銀行或者財仔啲息平呀？咪差唔多，賺你嗰少少就牙痛咁聲，你覺得唔扺我咪收番囉，點呀？到底借唔借先？唉！逼上梁山，唔借都要借啦，秋仔再寸咀話：你依家仲未止到咳喎，仲差一大截喎，睇怕你都一身蟻，隨時俾人告到甩褲。秋仔把口係賤但講出事實，得嗰四皮嘢仲差五萬，我問：我想問Amy借錢，佢依家咁憎我，你覺得點呀？秋仔話：Amy ! 佢有啲鬆動嘅，你低聲下氣啲囉，一萬幾千都有商量嘅。一萬幾千有L用咩，我差五萬呀，最後秋仔話：喂你呢排唔好再搵我，我曰頭返工夜晚仲要上幾個課程，全部都要考試，痾尿都唔得閒，係咁先。

從未試過打俾Amy係咁緊張嘅，心跳聲同電話聲一齊同步，點知電話冇人聽淨得留言，連打幾次都係咁，諗住打俾秋仔問個究竟，死人秋仔劈頭一句：打得少，當我說話耳邊風呀！仲打嚟？我話：冷靜啲，Amy電話冇人聽喎，搵唔到佢點算呀？秋仔不耐煩話：梗係啦，佢去咗旅行吖嘛，Happy 緊仲聽你電話咩。我有啲唔順話：你正話又唔講，咁佢幾時先返呀？秋仔臭寸話：嘥9氣啦，講唔講你都搵唔到佢㗎啦，好似星期五返掛。死仔咁Q寸，玩下你先得，我話：Amy姐咁過癮有得去旅行呀，乜唔係同你一齊去咩？秋仔沉默冇回應，我繼續話：咁你知唔知佢去邊度玩？同邊啲人去？男定女呀？秋仔俾我問到口啞啞，支吾以對話：冇…冇呀！唔知岈！佢都冇同我講。我故作驚訝話：唔係嘛！你溝緊人個喎，你條女嘅去向你都唔知，點做人男朋友呀？Amy樣靚身材正又玩得，好多仔埋身㗎，你唔跟緊啲好失策喎，萬一呢次係同條仔去你咪玩完。秋仔顯得急燥話：唔知我真係唔知，你唔好問咁多啦。

喺巴勒斯坦平民區😁😁😁😁

秋仔俾我搞到心神恍惚，仲邊有心機讀書吖，咁好玩實行落重料玩大佢，我再問：喂有樣嘢想問你，你知唔知Amy同色慾男散咗未㗎，你有冇問佢？秋仔話：關你叉事咩，問嚟托柒呀。我扮嘢話：關乎我老友你下半身幸福喎，唔關心點得呀。秋仔停咗一陣話：問過下咁啦，不過佢話唔知點講，叫我唔好再問咁多，咁我唯有收口囉。我打蛇隨棍上話：咁你呢次仆街喇，嘅不承認亦不否認，即係點呀即係藕斷絲連囉，好大機會舊情復熾，分分鐘呢次旅行就係同色慾男去都似。呢下大鑊，秋仔情緒極受牽動，佢死撐話：咪亂9咁噏，冇啲咁嘅事，我日日同佢一齊，佢番兜色慾男我唔知？我寸佢話：係咩，你喺公司梗係見到佢啦，咁星期六日同放假有冇約佢吖？秋仔話：Amy話平日返工已經成日見，所以週末放假佢會約會其他朋友。我寸佢話：咁咪即係Amy放假同啲咩人一齊，做啲咩你都唔知囉。秋仔無言以對，我再寸佢話：咁咪即係佢個個星期同條仔扑嘢你都唔知囉，係咪？

呢一刻秋仔情緒大受波動，我梗乘勝追擊啦，唔加鹽加醋更待何時，我話：仲記唔記得喺台灣嗰陣，兩條友直情當我地冇到，日日糖黐豆連體嬰咁，我哋就跟住佢哋後面做電燈胆，色慾男唔理我地感受，成日摸住Amy patpat , 得閒摸兩嘢又搓兩嘢，Amy好似故意表現得enjoy咁, 擺明有心整蠱，好似向我地示威咁，睇到我哋流晒口水，好想摸埋一份，佢哋除咗食飯瞓覺，淨係掛住做愛，根本唔係嚟旅行，一有機會就鼠番酒店扑嘢，最慘一到夜晚，隔住牆都聽到張床俾佢地鋤到澎澎聲，Amy叫床聲銷魂蝕骨，我哋兩個dry到唔dry, 仲慘過行刑，要輪流入廁所打飛機先瞓得着。我講到繪形繪聲，諗住秋仔一定大受打擊，但係秋仔語氣平靜：你唔好枉作小人啦，想打擊我信心？諗都唔駛諗，你講嗰啲全部已經係過去，Amy我擸硬。

仲以為秋仔中招原來扮嘢，佢再話：以我身經百戰咁有經驗，點會咁容易俾你呃到先得㗎，Amy我知佢拍過唔少次拖，同幾多人玩過我唔知，肯定唔少，不過我唔介意，最緊要係我鍾意，娶妻求處女呀？你發夢啦，不如你搵件俾我睇下，你以前條女都大把料啦，你又溝佢？我勸你嗱嗱聲搵番件好過啦，咪Amy唔受溝你又屎忽痕，阻住阿叔搵食先得㗎，唔同你講咁多，唔好阻我我大把書讀，等我考番個牌，咁就可以揸正牌溝佢，到時晚晚同佢玩通宵，諗起都開心死。我捉住佢話：你條友講嚟講去咪又係大咸濕，咪又係想同Amy上床，同以前溝其他女有乜分別呀？秋仔反駁話：呢次我好認真嘅，識佢一個就夠啦，以佢功架技術加埋惹火身材，我唔腳軟都算偷笑啦，乜仲有力吊第二個咩。死仔晒命格，我寸佢話：咁我祝你早日油盡燈枯精盡人忙，早登極樂。秋仔再反駁話：死仔你咒我死？你同我定，我哋呢啲係鋼鐵身材，頂得住有餘，到時係Amy嗌晒救命至真。