一個"健康"嘅關係，係雙方嘅，你覺得你想挽回，又或者你想改善，你就要主動同你主人溝通、協調，但呢個世界，唔係你付出咗，就一定會有收獲，有時更會差咗添，始終你同你主人嘅關係，只有你自己最清楚，你先知道點樣做最可以幫到你哋大家。
但如果做哂你可以做嘅嘢，都無好轉，你就應該要退一步、諗清楚，你究竟要繼續等、抑或要放棄，無話邊個一定啱，只係選擇你自己覺得最舒服，及最唔會後悔嘅就得。
你認為你值得繼續去等嘅，你就唔好再自怨自艾，試下搵多少少興趣，去消磨你等待嘅時間，讓自己心情上唔好太消沉。
但如覺得，都係時候分開，就應該更加積極去試多啲、做多啲你自己本來有興趣，但之前無時間做嘅嘢，擴闊社交圈子，入返個森林入面，去搵下一棵更好嘅樹，可能下一個先係你嘅終生主人呢，唔好覺得失去呢段關係就係損失，你同而家嘅主人，所有嘅經歷，都做就好而家嘅你，令你有更多唔同嘅經驗，可能就係為下一段關係所準備的。
總之，要積極面對，要對自己好，令自己過得開心。
