無思分享 -- 國家
話說今次去旅行,感覺都唔錯,講真,日本人係真係好有禮貌,唔係特登,但幾次問日本女生路時,佢地都好用心去幫,我估呢樣野,好多地方真係都做唔到。當然當然,問日本既男人,我覺得效果一樣好既。
咁我就會問小朋友,其實我問我朋友都有,就係如果有機會揀出身地,會想係邊。
好有趣,佢地都非常鐘意日本,但都唔會揀出身係日本,去旅行,始終見到果個國家,果個地方最美麗既一面,但生活,真係完全另一回事,呢樣係真既。
我好鐘意和歌山,輕井澤,溫泉水一流,男湯有男湯既浪漫,我地唔識對方,但男人就係有一種大方,無出聲都係一種交流,香港人,日本人,其他人共浴時,好搞笑,你可以浸溫泉既熱水,過一過凍水,唔出奇,但冷水呢??極凍既冷水,真係唔係人人浸得起,但當時我見一位上左年紀既大叔反而面不改容,我地一眾"較"後生既都無佢呢份本事,佢真係只剩頭未落呢個冷冰水,我自問都唔得。
我鐘意當地文化,固有儀式感,小朋友更嚷著下次要來,是不是很投入?又不是,當我們回大阪,又或東京的新宿,入夜了,看見很多年青的日本男男女女仍不回家,男定都看出有些是有力人士,女的化了妝,性感衣著叫賣,感覺又是另一回事。
我想了想,香港是比以前差了,但就像大病,感覺是一定會好起來。而如果差就走,好就留,那麼根在哪呢?我沒什麼大志,修身齊家仍是我畢生志願,希望簡單開心就夠。