引用:
原帖由 一夜狂歡 於 2024-7-13 19:17 發表
望下個鐘成十點有多,Amy話:廢話少講,快啲上去秋仔屋企睇下佢喺咪度。去到閘口冇密碼,我原本諗住call管理員,結果Amy自己撳咗,咁都得?管理員似乎識得Amy,主動問候佢話咁夜放工?Amy客套回答話多嘢做,百思不得其解,太多問題喺腦海中 ...
孤男寡女共處一室,隨時一撻即着,秋仔你就過癮啦,夜夜春宵,真係唔得你死,不過小心操勞過度,精盡人亡呀! 準備撳鐘之際, Amy又話嘞:我有鎖匙等我開門。嘩連鎖匙都配埋, 咁咪即係同居?我問:你都有鎖匙嘞,自己上嚟都得啦,做咩仲要我陪啫。Amy有啲㷫話:咁依家係咪好難委你先,係嘅話你可以即刻走,我以後都唔會再麻煩你。死囉衰多口得罪女神添,我即刻賠笑臉話:對唔住我唔係咁嘅意思,我只係覺得奇怪,妳都上慣嚟架啦,點解呢次又要人陪呢?Amy一臉擔心話:秋仔一向都同佢保持聯絡,從來唔會失拖嘅,今晚真係有啲QK, 所以咪搵你嚟陪下囉。我咭一聲笑出嚟話:莫非妳擔心秋仔一時睇唔開,燒炭自殺?Amy即時反駁話:頂你啦燒炭自殺,佢有咩咁睇唔開呀?癡L線。我同意話:咪係囉!依家啲炭咁貴,秋仔條孤寒鐸點捨得買先得架,佢寧願唔死好過。Amy唉一聲話:睇吓你吖,秋仔識着你啲咁嘅朋友真係67,行開啲啦,咪阻住我開門呀!