引用:
原帖由 katieW 於 2023-11-7 19:32 發表 
妳猜到我想說什麼？
哎呀老婆大人扭吓個屎忽都知你想點啦
所以不妨坦白咁講, 我唔會話完全冇, 但真係少o左好多好多!
性愛史分享得七七八八啦, 分享吓第二d 野正好大老闆小葵或者都用得著,
工作壓力冇咁大, 多d 時間搵個男朋友拍吓拖!
當年升職加薪, 老細要我少掂d technical 野多d 做HR 野, 皇上賜o左14個字俾本宮:
"刑上究, 賞下流", "用人唯才", "信賞必罰"
頭六個字係出自一本叫尉繚子o既古代兵書, 意思就係懲罰同責備, 貴在向上尋找目標人物,
出o左事首要任務就係向d 地位高o既人(包括自己o既親信以及自己本人) 追究責任, 而唔係一味blame d 細o既
至於表揚同賞賜則調返轉, 目標人物地位愈低愈好, junior 又好 temp 又好仲有兩日就last day 唔做o既暑期工都好,
有過貢獻就必須要論功行賞, 重視最最最基層o既人員
跟住用人唯才, 就係完全拋開私人恩怨, 對人材O既任用以至推薦,
唯一o既criteria 只可以係該人o既才華, 呢樣我自以為已經做得唔錯
即係之前講我情願請張白紙返o黎花自己時間去train, 皇上話咁樣係唔錯但係未夠,
佢之前有冇野得罪過自己, 甚至同呢個人三觀不合都好,
只要佢做得o野就必須重用, 時機適合再向高高層recommend 呢款人
有能力o既人落在你手上見到會有出頭之日, 咁樣假以時日, 有真才實料o既人自然會凝聚o係你身邊, 爭取表現
最後信賞必罰, 咁都唔識解o既人士自己除褲俾我打屁股啦
就係訂好講好o既賞罰準則, 一定要切實執行
皇上當時教訓本宮o既原話大概係咁: 你哪怕連底褲都忘記著, 你講過話要獎勵/ 懲罰o既人物/ case,
你都必須要全部記得, 原原本本一字不漏咁有所行動
唔得讓付出過o既人空歡喜一場, 亦唔得俾有過錯者莫名其妙咁逃過一刧
到呢度你可能都會有本宮當年同一疑問, 就係第二part 入面,
重用o左有能力但心術不正o既人點算? 皇上話呢個就係御人之術o既精髓所在
有才華o既人就有佢本身o既價值, 同一把鋒利o既刀一樣, 把刀最後切到你想切o既o野定還是切損自己o既手,
純粹取決於你點樣用, 你唔可能因為把刀鋒利, 有危險, 就揀過一把鈍o既o黎切o野
刀就係員工, 鋒利係佢o既價值, 你係揸刀人, 識得運用唔切損手呢個則係你o既價值
呢樣o野唔可能step by step 咁同我清楚解釋, 只能夠透過具體操作自己去心神領會
但概念就係用前六字同埋後四字, 力度到位+言出必行o既獎與罰, 去操控同塑造該人成為你想要o既果個人
唔知點解我會講呢d
就係強調冇錯我偶爾係仲有大大力咁插人,
但都係有目的有目標有原因有規矩咁去插囉
而唔係發泄脾氣亂咁發炮!
