見今日得閒，講樣搞笑野同大家分享 -- 無思分享，艾草?
艾草其實係一種非常唔錯既藥草，療效亦有好多，其中就係驅蚊同埋可以按摩油咁用，詳細大家可以上網搵。
近月我仍然為自己既目標努力，打拳，戒口，少糖，因為想令教練更認真、唔要佢太從容不迫同我打，我每星期都加操左，咁操多左，身體自不然好多時就會出現疲勞，我好鬼懶做運動後既舒緩伸展動作，咁話說我返左國內搵我位相熟既技師按摩。呢個技師樣我唔肯定好唔好，因為佢戴口罩，但手指就纖幼有力，皮膚亦滑既，因為佢某程度算係我既專用按摩師，所以如果無人情況，我就會除剩條孖仔俾佢按全身，其實除左SL，我真係好少俾其他女生望我body。而技師技術好好，真係每次都俾佢按到我瞓著，我試過有次瞓左，但瞓瞓下感覺身邊有人，原來阿女經理走左入黎問我加唔加鐘，但佢又唔出聲，理由係怕打搞我瞓，當我醒左時我好似個女人咁即時搵張被遮住個身，跟住佢大驚小怪咁笑我佢咩都睇過晒，但其實佢擺明係玩野，因為加鐘，平時技師㩒機就可以，唔使佢入黎。
咁話說今次我肩背真係有D疲勞，技師按到咁上下我又有入睡feel，跟住佢就講，既然你每星期都運動同咁攰，不如下次早D黎同你"做愛"啦，"做愛"舒服好多架。我聽完即時醒一醒: 吓??早D黎"做.....愛"?
技師: 係啊，你每次夜晚先黎，唔夠時間，下次一放工黎左先，就可以夠時間"做愛"..... ( 佢一臉正經，我知佢唔係講"做愛"既，但我已忍唔住笑。)
我: 點解而家唔做，要早D黎做。
技師: "做愛"時間要長D先好做，你而家唔夠時間啊，而且我"做愛"都好拿手，做完包你覺得個人放鬆晒，好舒服好好瞓。
我: 乜原來"做愛"咁好架咩??
技師: 係架，你下次早D約我，我準備定艾草油等你黎做啦。
我: 啊...... 係做艾....... 要用艾草油.....
技師: 係啊，唔係聞果D架。
我係度笑，佢仲不明所意....... 以上對話，有部份係用普通話，尤其做艾呢句。
