引用:
原帖由 艾拉傑 於 18/10/2023 09:24 發表 
以小弟所知應該唔係, 師兄你成九千以上, 佢個 level 同埋得40分只係想俾個手指公師兄你, 自己又慳住用而已, 使成十個鐘一日一邊自我增值一邊每個 po 遂個一分一分扣咁好心機, 我哋用幾分鐘完成嘅嘢又係 hea 啲嘅, ...
其實等佢俾個向下手指公扣阿星1分都好嘅，等阿星有啲危機感，可以學下發糞塗牆，寫多啲故仔。
不過阿星從字裡行間睇得出好多怨氣，而且喜歡將怨念發洩喺其他人身上，根據精神分析學鼻祖阿弗乜鬼德講，所有嘅行為舉動都係有關於欲望嘅，有行動，背後就有欲：例如不停灌水，背後嘅欲就係擦存在感；冇樹冇幹走出嚟鬧人，都係擦存在感。
以阿星睇咁多鹹書學埋學埋咁多假狗理論，擦存在感其實都好次要，裡面最深層次最赤裸裸嘅關鍵係一個字：孤獨……………咦，應該係兩個字先啱。
冇錯，係孤獨。成晩不停咁增值自己，好明顯係除咗呢件事之外，再冇其他事可以做，而如果唔黐住呢件事不停擦存在感嘅話，就會變得好孤獨。
或者會有師兄問：「咁多嘢做唔去做，夜晚睇下電視打下機同屋企人過都會好忙啦。」係㗎，其實或許仲有好多其他嘢做，不過當眼中只睇到一樣事物而且將佢無限放大嘅話，其他嘅人事物就再睇唔到。
由呢度發爛渣到俾人扣分，再去到出面論壇用其他師兄嘅名開户，發覺仍然冇辦法立足，要返嚟靜雞雞扣低分會員分數令佢地冇辦法發言；一切嘅舉動都話緊俾大家知：好孤獨。
依家有人互動，有返啲生機，唔使以為自己係條鹹魚或者透明人，有返人生意義，夜睌又可以重用有限而無聊嘅時間去做一啲自己覺得有意義嘅事，充實下自己，其實大家都公德無量。
阿星呢度丢書包，講多句：地圖不等於疆界。你所睇到嘅，並不代表事實。例如，大家都知道地圖上面銅鑼灣同埋灣仔嘅分界，但係實際上嘅分界，係肉眼睇唔到嘅；每個人都用自己嘅標準嚟判斷事件，但係其實件事又係咪只如你所睇到嘅樣呢？惡人冇樣睇，越惡越唔出聲。咁究竟係惡好，定唔惡好呢？😬
