無思分享 -- 性感部份
夏天到，女生都為左令自己吸引而努力，有無成績就真係好見仁見智，但我發現，性感，都有分年齡層，唔同既年齡，有唔同既性感。
露事業線，原來已經係看似最唔使努力既性感，因為佢可以托，可以夾，女生多多少少有點肉地就可以。
但真係對自己有要求又做到D成績既，瑜伽衫褲露出整個body是常識呢，我覺得著得好睇，真係可以好好睇，而大前題，係真係要著得好睇，如果唔係，腰位就真係出賣晒。
至於嘛，早前因為一個巧合，去了一間fitness studio，果度全部清一色中學生後生女，我估最老就係老師，但佢都唔過25，個studio係以跳時下最hit既kpop為主，因為跳舞，佢地唔會性感著瑜伽褲，但個個最少都露出小蠻腰，真係無一個有多餘贅肉，fit到爆晒燈。係係，我承認我有幾秒鐘唔知自己對眼放邊度好，而D後生女見到我呢個大叔係度都照樣落力跳時，我反而有少少尷尬，好彩我只係路過，亦唔係D大肚腩樣衰衰既中年大叔呢。
