大家都唔捨得？

阿星唔捨得Joyce，Grace唔捨得阿星，至於Joyce捨唔捨得阿星，到今時今日阿星都唔知😬

但仲有同Joyce聯絡咩？

冇嚕，之前撞過Grace，知佢住邊度嘅😬

大風乳，更新下先～


那些年，星星同學會 第114話

Grace講完，喊住問阿星想點做，有乜點做？阿星自己都唔知。返到屋企成三點幾，果晚冇乜點瞓過，諗來諗去，都諗唔出咩結論。對Joyce，阿星念念不忘，對Grace，佢對阿星有情有義。其實阿星有咩咁好？值得你地兩姊妹為咗阿星咁？

最後阿星同Grace疏遠咗，唔想自己諗太多。佢日日都會打嚟，有時甚至坐車山長水遠嚟揾阿星。開車唔塞都九個字，坐英國啲死人老爺地鐵就要差唔多兩個鐘，你話啦，咁嘅女仔喺邊度揾？二十歲，做咗人地愛的替身，兩姊妹為咗阿星嘈交，諗下自己一事無成，睇唔到自己將來，混混噩噩。

讀唔成書，老竇講，揾份正職學下手藝啦，成日淨係識打機，打機揾到食咩？都係嘅，成廿歲人，錢又冇工作又冇，同Joyce同埋Grace又搞到咁，諗落都有啲冇癮。咁啱阿哥公司請人，咪商量求職囉。做PA，助理呀。阿星想上工前返香港行一轉，探下阿星媽，然後趁Joyce放暑假喺香港揾佢傾清楚究竟大家嘅關係點。

大家唔好見怪，當時阿星個豆豉腦入面只想到Joyce，冇想過Grace，依家諗返轉頭都對Grace有歉意。

待續😬

感情嘅嘢係咁架啦！係有啲傷感嘅！

師兄咁快手😬

𥄫住你架嘛！😬

咁好𥄫咩😬

睇吓Grace點吖嘛！😬