又係星期一大清早，更新時間又到～
那些年，星星同學會 第97話
阿星望住Grace，一時之間都唔知點俾反應佢好。Grace係行動力好強嘅女仔，當佢決定咗去做，就會好努力咁去逹成，亦都唔俾你有太多空間去爭議，就已經要跟住佢嘅方式去執行。Grace見阿星唔出聲，就兀高啲即刻錫咗阿星個咀一啖，然後笑住話：「唔使日日嫁，你邊日得就出嚟啦，不過唔好話我知，我想要驚喜！」
真係唔慌唔驚喜，你叫到出面要俾驚喜你，唔通阿星就咁要俾你勾住嚟行？之但係咁樣攬住Grace又真係好難拒絕佢喎。阿星都叫做係一個血氣方剛嘅年輕人，而且Grace爽朗嘅外型，拖住佢行出街又真係令人好鬼羨慕，況且佢身材又正斗，又係咁用佢嘅34D嚟到力壓阿星，你又叫阿星點樣拒絕Grace呢？
錫咗阿星一啖之後，Grace突然間陰陰咀笑，跟住話：「你曳曳啦！」
真係唔知講咩好，小星星喺呢啲時候走出嚟搞搞震，喺阿星同Grace之間力撐。平時睇唔到摸唔到都有得呃下人，家陣攬住Grace，佢成個人捱實阿星，小星星有乜風吹草動即刻走唔甩佢嘅手掌心，更何況…………更何況係Grace嘅兩腿之間呢？呢次真係俾你累死啦小星星，你有冇咁剎風景㗎你？
Grace雙眼凝視阿星，輕輕咁對住阿星講說話，一路講，一路吹出一陣又一陣嘅香氣，阿星絕對有理由懷疑Grace係用花露水之類嘅嘢嚟𠺘口，真係令到阿星忍唔住要再錫返佢。
待續😬
