Cheers mate, love to know there are someone out there who feels the same as I do😬

星期五更新下先～～～


那些年，星星同學會 第93話

Grace一早就嚟敲門，揹住一大包嘢坐minicab嚟阿星度，喺阿星仲未起身，老頭子同大媽細媽哋喺樓下飯廳食緊早餐嘅時候，佢已經喺度㩒鐘。晨咁死早又嘈醒阿星，你都真係冇乜太過。Grace三扒兩撥已經同阿星屋企嘅大人都傾到好熟，樓下咁嘈，搞到阿星都醒埋，正喺度猶豫要唔要落樓下去睇下整乜咁嘈，大小姐已經打開阿星嘅房門衝入嚟。

「星星，起身啦，我嚟陪你食早餐啦！」阿星當場俾佢嚇醒，瞇住對眼望下佢，都真係睇唔到佢係邊個。戴返副眼鏡先睇到，原來Grace又嚟阿星屋企搞搞震。阿星一於唔理佢，嚟個星斗神拳奧義：無想轉身繼續瞓。不過Grace大大話話都係一個夾硬要闖入阿星人生嘅人，並唔會因為阿星次郎嘅星斗神拳奧義就咁容易放棄。正斗聖拳嘅兩個繼承人之一嘅Grace嘅包容力真係唔講得笑，喺阿星次郎嘅無想轉身繼續瞓施展出嚟之後，即時以正斗聖拳嘅包容力，跳上床度。知唔知上得床嚟會做咩？就係上得床來掀被冚。

正斗聖拳嘅傳人，果然真係深得奧義嘅真髓，呢招上得床來掀衫冚真係無械可擊，直頭可以用行雲流水咁順暢嚟到形容。Grace冚好被，即刻由阿星次郎嘅背後出招，左手攬埋嚟，用力攬實，然後用泰山橫壓嘅正斗娘娘拳嚟到令阿星次郎感受下咩叫真材實料。泰山橫壓真係令到強悍嘅阿星次郎都為之暈得一陣陣，阿星次郎嘅弱點，位於星斗七星嘅死角～死小星星，就咁樣，俾正斗娘娘拳嘅泰山橫壓壓多兩壓咁整咗出嚟。

晨早流流，玩啲咁嘢呀你？

待續😬

小星星咁快失手？😬

有咩快唔快吖，阿星同小星星失守有幾咁出奇呢，話晒阿星都係一個快人😬

果然快人快語！最緊要唔好快槍手！😬

咦，睇嚟師兄真係當時在場，連阿星係快槍手都知道😬

我都想睇下Grace全相！😬

30年前係仲未有智能手機，連數碼相機都仲未有嘅年代，要睇Grace都只能夠喺阿星個腦入面揾下有啲咩可以回憶。

放張類似嘅相止下咳啦😬

好正吖！應該一早就上啦！😬

上咗就變成咁啦喎😬