都好正喎！😬

總有好多靚女仔喺附近，睇下發唔發掘到啫😬

發掘到又未必溝到！😂

點會呢，真係好容易，令到個女仔打開心扉就得😬

就係點先可以打開心扉！😂

越係娘娘，越要遠離；除非你有萬全把妹之策，有本事令到女仔自動走埋嚟，唔使用錢單靠把口，就可以令到女人一路笑住鬧你打你。

送花送禮陪行街聽心事一概唔做，你唔係玩具熊按摩棒，唔開心想人安慰先揾你，下場只有死路一條，除非你想做步兵，成日喺娘娘左右捕住。

令女仔步入自己格局，令佢跟隨你規矩做事，踩入佢格局只會令你死咗都唔知咩事。

當然，做男人都要有返啲風度，對女伴要體貼，要明確有帶領嘅風範，女人都對有自信而且風度嘅男人有一定程度嘅喜愛，對你放心，自不然乜都聽你講。啱唔啱聽呢？😬

尋晚發生咗件事，阿星今日心情非常之靚，更新多一話先得～


那些年，星星同學會 第92話

諗到呢度，阿星都差唔多行到返屋企，大概兩點幾，望下部龜仔手提電話，都係時候開返部佢。電話一開，即刻有人打嚟，冇錯，係Grace，查實點解唔係Joyce呢？

半夜三更個電話響成咁，鬼殺咁嘈，都係快啲接好。

「喂？」

「你有冇搞錯呀！做咩關咗電話呀？你知唔知我好擔心你嫁？你有冇事呀？」
電話嘅另一邊傳嚟Grace焦急嘅聲音。好明顯，佢又嬲，又擔心，呢啲情緒全部喺佢嘅聲線入面清清楚楚咁傳逹哂俾阿星。

「哦，係呀，梗係頭先喺巴士度瞓著咗唔小心關咗部電話啦，唔好意思。阿星冇事，唔使擔心。」對住Grace，呢啲藉口好容易就有，而且佢又唔會質疑。

「你呀，喺巴士瞓覺都小心啲呀，唔係一陣俾人打劫你呀。」雖然長氣，不過掩飾唔到佢關心阿星嘅態度。

「哦，係嘅係嘅，咁你唔喺度，阿星冇嘢做梗係瞓啦，你喺度就話同你傾偈啫！」呢啲斗轉星移嘅技巧，阿星都略識一二嘅，要氹下Grace其實都真係幾容易。

「依～～～好衰呀你，尋日你冇對住我講嘅～～～」

「好啦，阿星要入屋啦，攰死星啦。」

「咁………好啦，你早啲瞓啦，搭車唔好瞌眼瞓呀，你要同我傾偈嫁。」

都係早啲返入屋，冲個靚涼，打舖靚機先講。

待續😬

啱聽，不過冇咁嘅本事！😂

點會呀，師兄應該都識唔少女仔啦😬

識啫，冇本事引到佢哋埋來！😂