引用:
原帖由 dragonbone 於 15/2/2023 16:44 發表 
師兄，大過30都唔係問題既，你有keep，體能仍然可以唔失禮，問題係對你黎講，後生女又屬於咩年齡層遮。
廿歲樓下，對我黎講，直情係細路女，我當小朋友咁睇，儘管佢身材已夠秤。
但後生女要啱傾，其實都唔易。
...
哈，曾經有次阿星同個唔夠二十歲嘅女仔傾偈，傾多幾句佢知阿星兩個星期之後會由榴槤國飛返香港，即刻話要約阿星去食嘢見個面，言談之間暗示有下文。不過最後阿星都冇應約，因為真係年紀相差太遠，阿星做得佢爸爸，雖則佢話中意叔叔，而且中意叔叔嘅品味。
咁阿星又唔係精蟲上腦嘅（well，家下唔再係啦，以前就…………）雖然都有認證過聲音同見過樣，不過大家都知家陣啲軟件真係咩都做到，一個唔留神就會睇錯，個靚女就會變成老太婆，乜都俾佢呃哂，包括錢，感情，心機，時間，就係果日嘅貞操冇呃到，唔知係好彩定唔好彩喇。
其實好多女仔都好省鏡，身材好嘅又多，成個樹林入面就大把，阿星中意遠望，欣賞下啲美麗嘅花朵，眼看手勿動就最好，查實邊動得咁多吖。所以都係睇下就好，除非真係好正好吸引，如果唔係都真係唔好搞阿星。
其實俾女伴話都係三兩次啫，不過既然有幾個女伴都咁講，睇怕都唔係假嘅啩。😬
