咁阿星都叫做係一個大叔啦嘛，丁屎咁多多風度都有嘅，係冇啲標準大叔好似馬神同40吋胸肌叔叔兩位咁型，況且叫得做叔叔，就梗係要令人感覺到你真係一個叔叔先得㗎嘛。

上次阿星入醫院做檢查，交低張身份證喺櫃檯，然後有個醫護人員大嗌：「阿shu…………」成個大堂得阿星一個，咁叫阿叔就梗係叫阿星啦，即刻擰轉頭應：「喺度！」點知佢都未shu完就改口：「shu………先生！跟我入嚟啦！」真係，阿星都應你係阿叔啦，你又改咩口呢？搞到氣氛幾尷尬，好似阿星夾硬要認係叔叔咁。

其實女仔俾唔俾綠燈真係好容易睇，咁但係俾咗綠燈又真係唔代表應該去馬喎，正所謂身如柳絮隨風擺，歷劫滄桑無聊賴，鴛鴦扣，宜結不宜解，苦相思，能買不能賣，悔不該，惹下冤孽債，怎料到，賒得易時還得快。

一個唔覺意人地動真情你就周身唔得閒，況且大家都明白，叔叔係一種好另類嘅生物：冇咗後生仔嘅衝勁同無限復活；多咗一份滄桑，仲隨時多咗個收唔埋嘅巨型小肚腩，好似阿星咁，件恤衫前面兩粒鈕永遠都係扣得唔多好睇，遮唔到個中年嘅發福，所以其實阿星又唔多擔心後生女會對阿星叔叔動真情。

而且阿星又冇錢，仲要食一餐都計住埋單可以食幾多個碟頭飯必要時考慮埋加唔加$3飲凍飲，你話一個咁両両計較（用斤斤計較應該形容唔得到阿星）嘅叔叔，又點會唔小心行事呢？買個dum dum最好都係AA制喇，大家一齊爽，大家一齊俾錢，果幾毫子唔好同阿星計啦😬

咁都仲有後生女同你食飯，証明你一定口技了得！😉

阿師妹，好多人中意踩低人地嚟抬高自己呢套方式去表現自己嘅優秀，講笑嘅時候當然要講到自己有幾孤寒同斤斤計較，不過對於人嘅基本尊重，縱使佢係一個打掃嘅姨姨或者一個瞓街嘅露宿者都好，都應該受到别人嘅尊重。

自己優秀，唔代表别人冇優秀嘅地方，亦都唔代表有人能夠恃住自己喺某啲地方比人優秀就踩低别人。當然，阿星咁講，仍然有好多人會照做，個社會強調弱肉強食，真係令阿星非常之悲傷😬

阿星吹水唔抹咀就必然啦，唔係點樣催眠人呢😬

所以先有咁多後生同你食飯！😉

想阿星教佢催眠啦嘛，一個二個後生仔都係想催人地啲女仔上床，諗住請阿星食餐飯就想學催眠啲女仔，等阿星催眠你攞張銀行咭出嚟㩒啲錢俾阿星食飯先啦😬

浄係食飯？😉

後生仔喎，請阿星食飯都唔好搞啦😬

師妹，所以有無錢同當事人既為人可以無關架，HAHA.......
其實我都鐘意識呢D人，當見識下嘛~~

HAHA.....肉償得嘛?

其實後生都有正野既，我識既男士大部份都有風度同埋會量力而為得黎又會肯為女生出錢出力。
所以我先唔太明大叔有咩野會比後生優勝遮，當然，大叔見多識廣，有品味又或細心風趣，呢D就係各自修行番黎。