國內短篇集(1)
應承左師妹，寫一下小弟國內生活點滴既一二，會有別寫緊既日誌，以短打為主，唔好下下只係我講，想有個探討性，睇完既朋友，如果你係我，你又會點做?
如果大家心水清，應該知道小弟往來中港非常頻繁，驛馬星動既生活亦非常適合小弟坐唔定既個性。係呢個真人真事短篇，我簡單講下自己，小弟樣子唔突出外表亦唔係特別討好，頂多都係傾得玩得轉數快，係云云港男既其中一個，簡單講就係你我他級數而已。
今次既女主係酒樓經理，係國內，我手頭上只有3、4間相熟既酒家經理的聯絡資料，主要用黎同客人又或地方部門打交道時用。今次講既呢位係中式酒家既經理，我笑稱佢叫大媽，大媽年紀比我大，目測點都60，去佢度食飯，往往係同較年長既地方部門阿頭食飯才去，可能因為係局長，最鐘意係我叫一個，佢帶十個下屬黎一齊食，因為威，所以我會訂大房，飲酒多過食飯，我唔食煙，已唔夠自己友，所以我一定會飲酒，咁大家先有投入感。係國內，你飲酒再叻，都唔好衝動同佢地鬥，因為聰明做法就係你出酒，佢出命，每星期隨時一、兩次呢種聚會，我有幾多條命可以出。還記得大媽非常幫得手，我會叫佢大媽，唔係無原因，主要係佢知我係埋單果位，即果刻係佢老細，我去得佢度，由手機訂房，到安排坐位，再黎叫菜，陪酒陪笑陪玩，佢都非常識做，氣氛亦拿揑得好好，但大媽年紀大了，就會安排手上幫得手既囡囡接力，有次佢係我自己人既飯局中，俾手頭上既小妹機會去表現一下後，就介紹了幾位小妹叫我揀，叫我揀即邊位較啱我心水，因為大媽佢稍稍退居幕後再升一級，而再入房同客打招呼就會由佢手既既一班廿來歲的小妹負責:
游游: 件頭大但夠高，識開义裙去表現長腿，對眼有少少勾魂feel，你會知道佢戰鬥格又貪玩，眼神似那位陳雅倫，
蜜兒: 小肥但大胸，有點轉數唔夠快，但鐘意笑夠開心所以令人往往手下留情，有D陳瑋琪 feel，
小柔: 樣靚、腦筋快、皮膚白滑身材嬌小加上談吐得體，貌似陳嘉慧，高唔夠游游高，胸絕對無蜜兒大，但識低調處理事情同安排，
小柔係近幾次都負責我既一位，穿上旗袍制服的她們亦是師承大媽思路，我同大媽講依我喜好佢揸主意就可以，佢應該揀左小柔跟我，所以在晚飯場合上都會較多佢出現，小柔識進退，人多時，她尤如半個女主人一樣的完全配合到我。國內有幾個地區係我地公認出產靚女的，來自四川的小柔就是其中一個，說真的男人在外應酬，有個幫得手的女人非常緊要，我的心不期然對小柔多少有點心動，但往往到晚飯完時埋單找數，我就會清醒，因為小柔禮貌式的: 多謝X生，歡迎你下次再黎。我腦裡就會知這是純粹出於賓主關係。直至……
有次醉了，記得在酒家同對方說再見後，在小柔扶攜下我留在飯廳內設的洗手間嘔，是飲醉?又或可能晚聚完了整個人一下子放鬆吧，我居然行唔到就睡在房內的梳化上，我想我只是睡了片刻，但醒時是枕在小柔的大腿上，她在掃我的頭髮並打圈，粉臉白裡透紅的小柔好看，她照顧我直到醒來，我倆對望，多少已存在暗示，要有下一步接下來其實只看我想不想，最搞笑是那刻給清潔阿姨打搞了，因為她不知就裡的打開房門，開燈: 哎呀，原來你地仲未得架?我諗住入黎執野架喳。被阿姨的搞笑式切入，什麼氣氛都一下子弄破了。
那時只要我去那酒家應酬，小柔必然負責我房的一切需要，男人會理智說那是工作，小柔對自己再好都只是工作需要，但心底還是多多少少會有些過了線的思想。尤其飲酒時，佢幫我擋酒，又或打點一些細節位，男人在外忙，多了一份女性的溫柔和關懷，實在什麼可能性都會有。而且在玩在傾時小柔貼身的照顧，遞水，挽手等等身體接觸，那刻是真是假係男人世界都被看似已成一對。那次埋單，她亦轉了口吻: Dragon，今次張單既XX無計架，大媽唔知我平左俾你，等你唔使次次開公司條數都咁大嘛。
沒多久，小柔已升為經理，同時她亦有點打破我的內心牆壁，雖然我倆仍只是曖昧既多，就看有沒有踏前多一步的機會……
直到有次我忙，兩個多月沒去大媽的酒家後，再去時，小柔已無做。失落是有點，大媽看見，她就說: 佢屋企人催婚，回鄉後就說要嫁了，不回來了，激死我，佢好幫得手架嘛，我仲好鐘意佢添…….. 大媽醒目，她知我多少有點失落，已第一時間推游游同蜜兒給我，而其實究竟我同小柔有沒開始?這是開放式集結，我的結果不重要，只是想分享在看的你/妳，設身處於我身份時，你/妳又會是什麼選擇，可以不用說我知，心裡想想就夠。
完
