第五場泥地三班1650 美麗系屯重兵但兩場大賽應該輪唔到佢地 尤其美麗宇宙 一出即贏後就連續兩場失望 雖然用麥道朗都難睇好 呢場隻美麗喝采早已經覺得隻馬唔差但要到上場四班同程先爆 上返三班但分數比起當初喺香港初出仲有一截低位 先揀 Q腳方面鵬哥兩隻就要輕磅又好檔皮具之星 連續幾場受制檔位但都有段追 今場個一檔大大有利 機會唔輸蝕比自己友盈嵐
尾場三班千四又係大混戰 全場得隻縱橫天下今季三W但再加到134磅 就算檔好睇怕未必贏到 位置機會高 紅衣震撼就檔位麻煩跑法受制 上場落四班即贏嘅宜春火力勝在有好檔但由布文變返希威森未必交出同樣水平 一於扒冷搏一對美麗系初出 神仙嗰隻愛爾蘭PP日日美麗早已經係郭家所有 之前腎虧潘試哂所有大閘但偏偏就唔試草閘似教馬留力 愛爾蘭贏兩歲G3水準參考價值唔高但距離依家無上陣超過年半 馬主肯運呢隻過嚟而神仙少有肯收英愛PP 相信有啲前景 麥道朗順便搭單接嚟騎趁有分頭買一票 同系人特別美麗喺澳洲只跑一場兩歲表列賽入Q就運嚟 68分評磅員都幾睇好 早熟程度同日日美麗應該差唔多 之前上從化都整三個大閘去試 當然揀佢都仲有個理由就係捧下賈傑美 硬淨程度同杜苑欣不惶多讓 今次再嚟騎六隻反而尾場倒有啲期待
經典一哩待續

[ 本帖最後由 KIRIN688 於 2023-1-27 18:03 編輯 ]

經典一哩賽又係一場混戰 最高分嗰隻叫蟲草成名但啲績全部跑千二樓下 連千四都未跑過 幾乎肯定季前個plan高佬新根本無諗過跑呢場 一星期後百周年紀念杯又見到佢 雖然可以主動退出但都抹殺唔到跑埋嘅可能 排位一出第一隻劃走 至於評分排二三嘅瑪瑙同包裝必勝計選擇本來應該要揀但都要面對同樣問題就係檔位 呢兩隻都係前置先行 七同八檔點計唔算太好 尤其包裝必勝 上次唔係個一檔幫好多賺盡形勢已經輸得 八檔隨時被頂出三四疊望空 瑪瑙就勝在可以留後一格 三重彩腳就揀佢 至於成場馬 個人覺得最賺形勢一定係魅力知遇 三星期前317場次嗰場四歲預演完全係輸磅位 135磅要讓頭馬飛鷹翺翔成25磅唔輸先奇 早有長力證明而神仙聽日屯重兵叫埋莫雅又抽好檔 Q就第一隻揀佢 至於腳就係嗰場跑第四 又係同樣輸135磅嘅爆熱 嗰場布文喺直路階段都係順著隻馬無死砌明顯留以有待 今場平磅角逐著數到暈 結合血統同法國嗰邊賽績睇二千長力打問號 所以呢場一哩隨時先下手為強

[ 本帖最後由 KIRIN688 於 2023-1-28 19:06 編輯 ]

我的看法稍不同。年輕馬當然隨後會進步，但此組馬在這一刻的虛分程度有限，蟲草成名比瑪瑙已高11分，比其他對手則更多，近期雖無上名但輸得不遠，亦有追勢，如果這場是千四，相信取勝機會高唱入雲，現在則比千四多二百，縱使再增加疑問，但機會仍在，而且已跑過17場，作戰經驗豐富，增程四百相對難度較低，頭三我會留一席；當年喜蓮之星原本無意出戰打吡，因駿駒排位前傷腳退出，賓康讓喜蓮之星頂替上陣勝出——並非刻意部署但與能力沒有關係。


瑪瑙上仗135磅兼13檔，遠比今次惡劣，平磅排中檔已夠坐位望贏，包裝必勝上仗受讓14磅兼一檔而硬拼贏前駒個半馬位，今次平磅兼比前者排更外檔，頗大機會會被反先，當然亦要看進度及多一次千六經驗的幫助，若覺兩馬接近似乎仍要一併兼顧。魅力知遇及爆熱上次同場，就算當作輕磅馬不存在而跑一二，與其他中磅以上馬匹的距離亦接近，在平磅下對前兩駒比較下風。不明份子則是知足常樂，上次贏得輕鬆，疑問是縮程二百是否夠爆炸力，尾千六頗快時間，博冷可以兼顧。

真係唔識講 好爆唔爆就呢隻遨遊贏 自勝者強入Q 點計數真係計唔到瑪瑙跑平磅居然未到二百段柱就散哂
星期三玩兩場 尾場純金酒杯跑谷戰真係高一皮 好難唔揀 上場309場次輸俾佢嘅金莊令係跑fit 嗰場一檔box sit位反而都係騎落得咁多 留後一格追似乎更合 越駿知己又係檔位麻煩 呢場應該爆唔出樣
第六場三班千八義勇軍杯 黑桃火箭仲未贏馬算欠運 但上場布文跑真係好好心機隻馬跑得舒服 臨尾幾步越衝越勁掟甩後面 加多百五米仲好衝 Q腳方面爽快337場次蝕哂形勢之下都係輸個幾馬位 雖然初跑谷戰但檔位有利 呢隻可能係香港少有雙槍將 不明份子係天池怪俠 跑兩場唔啱路程田草但喺馬群堆過終點證明退化不大  減分成功落返三班惡到暈 檔位形勢有利有力突擊

[ 本帖最後由 KIRIN688 於 2023-1-31 19:30 編輯 ]

或者對手看不起遨遊氣泡因而早段讓其輕鬆放頭，減五磅僅快三線，只是跑回上仗水準，自勝者強千四實力強，過去千六稍長，有內欄鬥衝一段入Q反可理解，瑪瑙就奇怪，我還懷疑流鼻血，過去爆一段造過22.95，彎位走地當時以瑪瑙及蟲草成名最似樣，後者似乎再拉長二百就欠長力，只保第四。

第六場黑桃火箭外地贏更長路程，當時是發財先鋒剋星，增程有望開齋。爽快上仗見能力，如今次是一哩則惡極，惟擔心長力，外地放頭三贏千四，血統則應付一哩或以下，目前賠率偏低。天池怪俠則擺明是此程好手，三班更是6戰2冠2亞2季包括今季，有好檔屬坐位望贏，1-4Ｑ頗正路，昨晚13倍很高興，但現在只得8倍。


另講兩場。第七場正氣青驅上仗檔劣但後上幾乎追及早段已入二疊好位的皇帝英明，今次換好檔兼會再進，預期會反先，正路首選。善傳香江上仗在田草以稍留跑法贏二話不說，有突破進步，再回谷戰對手較弱，檔位不差預期再守好位在直路突圍，有機連捷。凌厲上仗其實已切入二疊但不明地走樣，暫且當作大外檔影響，重獲好檔兼有賠率就跟一次，保險腳。皇帝英明繼續外檔，內側多了快馬，不易輕鬆切入二疊，加分後不易入Q。


第八場，電氣騎士上仗失P雖失望，轉谷草對手減弱有好檔，有望一放到底，首選。風繼續吹及嫡愛心一對上仗不同場次追實穿甲鷹之當起馬皆排外檔，表面形勢差，但兩者上仗皆留後二疊，今次不會太差，換回賠率值得博，一併兼顧。

星期日布文雖然得六隻騎但份量十足 攞佢四隻搭同場另外一隻串射連贏 分別係英雄豪傑 多巴先生 顯心星同步大威猛
第七場G3 百週年紀念瓶單Q都係繼續發財先鋒 主動跑法而今場最大對手就係得多巴先生 爭取連續三場G3都贏有一定機會 三重彩腳加返健康快駒
第三場三班直路賽布文再騎英雄豪傑表面排一檔好似麻麻 但另一角度睇反而覺得比貼看台外檔更好 易走生位減少塞車風險 Q腳就係上場同英雄豪傑同場跑輸三個幾馬位嘅喜喜任務 澳洲嗰邊跑十幾場已經全熟 嚟香港跑第一場出閘被夾喺後面追返個第六算唔差 再對英雄豪傑仲未夠條件反勝但要殺入一席難度唔大
戲肉百週年紀念杯 呢個杯同主席獎根本就唔應該出現（短途）呢兩個字 簡直係多餘 如果係咁嘅話三冠次關香港金杯係咪要改名（香港中距離金杯）尾關遮打杯係咪要改名（遮打長途杯）？講返馬 應該係1234呢四隻撼 之前要布文嘅顯心星 再諗多隻搏Q最終要金鑽貴人 兩個原因一買肥文好鬥志 二就步速形勢除好眼光可以放頭外都無真正快放馬 雖然抽最外檔反而可以避免起步被夾風險開順步慢慢切入 重演國際賽內欄塞車機會微乎其微
尾場本來步大威猛應該會有啲飛數俾金馳分左 但金馳退出就變成焦點 338場次前三名再碰頭但估計步大威猛都會係大熱 上場個三檔反而害左佢 今次八檔以布文穩打穩紮作風好大機會留後一格好似上星期極速飛彈咁跑 上次贏佢嘅識贏因為告仔唔放人焗換 雙重加磅第一隻劃走 嗰場跑三四嘅吉龍同大才論走勢大才更吸引 跑到尾場內欄啲地踩到八八九九可能中外欄仲好追 拖Q就呢隻

[ 本帖最後由 KIRIN688 於 2023-2-4 18:30 編輯 ]

星期三再度被突然復勇的戰熊三千殺Q，不瞑目

關於盃賽名字，十幾年前我也講過一次，當時批評主席獎畫蛇添足：
http://greatplanhorseracing.blogspot.com/2011/08/blog-post.html

第七場馬少欠分頭，可留意是，發財先鋒上次贏得比預期辛苦，可能是千八非二千，而今次更大障礙是重磅，過去此駒負重磅打折扣得很厲害，所以一直無法在二班贏馬，132磅很可能超越其極限，比起上次負於健康快駒時讓磅由7磅加到16磅，相當大壓力。


布文除了你講四匹，第九場的烈風都是前列份子，上仗遨遊氣泡贏馬一場僅負一馬位跑第四，今次檔位更大幅內移，有力與上仗同場僅負的越駿歡欣串Q，暫時賠率不俗，贏面就始終後者較高。飛鷹翱翔及大紅袍上仗皆慢步速放返贏馬，兩駒加了分兼跑法相沖，一併放棄，保險腳取佳福駒，上仗千四衝入第三，外地其實兩勝都是放頭，均速轉後追，有望比來港前進步，可以一博。


第六場旺旺神駒及勇敢夢想上仗皆有進步表現，尤其是前駒，是正路選擇，賭Q則太熱，我博縮程的紅運泰斗，來港至今最好其實是上季三班千二兩場，皆與指標馬連連有盈接近，今次負磅僅比當時重5磅，在此班至少應QT可爭。

唔考慮烈風嘅原因就係135磅 越駿歡欣同佳福駒算正路選擇 不明份子就係家品劉新貨浪漫風采 今次中PP籤而運呢隻過嚟  勝在跑得少而試閘算有嘢睇 之不過一出就千六難度不少 如果咁都近甚至贏埋喺打比又有機會鏈下
PS：原來摩告聯婚已經覆磅完畢 派彩作實 恭喜😆告仔隔離嗰兩位係咪佢另外兩位公子同千金？？

[ 本帖最後由 KIRIN688 於 2023-2-5 12:03 編輯 ]

星期三噏兩場一班
第七場1650名義一班但最高分柏林探戈都係二班頂分 重配布文係天仙配 檔又好 疑點就係1650短少少但信布文 Q腳方面柒頭公子一對之中包裝智威對佢無乜緣中 上場已經無乜跑錯騎落唔多 同主唔同倉包裝大獎好檔而腎虧潘攞嚟騎 唔出古惑嘅話坐三望二
第八場嘅千二幾多快馬 近績計本來駿馬風采應該要但加到132磅而上場G3直路用力極多 型佬全啲馬上個賽日全線走樣呢隻唔排除P都無 買哂中置後上嗰啲 齊齊友福明顯等呢場高班谷千二 今季上陣少純粹二班谷千二少賽程 抽好檔唔駛留咁後 另一選星耀王者上場大漏閘當然輸梗 之前分析轉伍仔後嗰場谷一千係跑得好 今次谷千二係射程範圍買Q難飛 另一選其實上場見布文騎應該揀嘅艮志騰雲 就係俾前一場一棟都無又氣管多血唔敢買 今次揀返嘅理由就係呢場幾隻過百分馬喺度拉高磅位 只孭123磅非常有利 呢啲馬又係無得保留

[ 本帖最後由 KIRIN688 於 2023-2-7 21:49 編輯 ]

上文提到摩告聯婚，我不知告東尼有多少個孩子

今晚後面場次大熱Q往往只得4倍幾，認真乏味，唯有賭前面。

頭場五班，噴火龍上仗落班入Q，今次仍有好檔，正路選擇，捷報該仗贏前者，尺寸馬當時把握特定步速，加分後已不見影，其餘原班馬已似分盡，因此揀兩匹贏過的落班馬，東風壹號及幸運飛彈，前者季初此班贏同程，馬房近日屢有馬減夠分換人落飛變身，後者之前勉勉強強亦算有追勢，若態到則超班。

第二場首選鑽石福星，四班同程能手，前領跑法不怕外檔，之前不夠三班爭逐但所負不遠，狀態維持，回到四班有權再贏。躡景追飛及但求快活屬正路選擇，亦以前者較佳，不贅，冷門馬揀不上手。