即場先揀大千世界，試即閘仍好。帝豪寶寶兩亞追得好，兼顧。智勝龍初出不俗，保險腳取之，博其再進反先勇敢夢想。

步履如風入Q一場對手包括牠再出全軍覆沒，上次雖三疊但與紅楓勝景距離不變，感覺影響小。電氣戰士實實在在贏過牠，我的其一選擇，加州威勝有十磅仔就好，另外亦續取金馳，縮回千二亦有力開齋。

呢場爆到通地玻璃 但金馳又唔覺得有乜跑錯 啲馬難賭 星期三同年三十都係縮注算數
星期三單棍最後三場
第七場三班1650 預計智勇神駒同增程四百嘅銀進會有支持飛但兩隻都毫不穩陣 智勇神駒到依家都未搵到最好跑法 對上兩場腎虧潘用放頭隻馬上哂口唔受控 即使今場用布文但距離上場得兩星期唔見得由蟲變龍 銀進之前試千六大閘備戰係幾有誠意 但嗰組馬好多好水 例如縱橫十六係五班馬 得意醒直頭仲未知競賽為何物 對著呢啲馬何堯都要騎咁我對呢隻馬跑1650能力好大懷疑 對賭攻擊 先要確妙星 呢組馬見智勇神駒 維港奔流喺度應該有步速就好追 周仔騎開知點跑 另一隻天天得樂上場真係該打 唔記得呢隻馬跑谷戰同程上名率唔低咁就走雞 重配贏馬拍檔田雞馬房要爭取頭馬護級
第六場四班1650 香港會杯 四平八穩躡景追飛 當然上場受讓悅風雲十磅贏少少確係未夠說服力 但本場水準同上場相差無幾 換返操控更好而少死磅嘅布文 三甲應有一席 另一隻主動跑法又好檔合夥年代計死數買QT無奶油唔要佢 熱食過關都要拖
尾場三班一千快鬥快場合 估計加州得力 華麗活力同靚蝦女呢三強佔大部分彩池 鐵角唔抵玩 單Q嘅話就決定加州得力同靚蝦女呢條翻版Q 加州得力有一檔好跑 蝕底在要孭134磅但距離上場有一個月時間消化評分 蔡仔唔知幾時復出霍阿仔當然唔敢怠慢有得贏盡贏 靚蝦女勝在機動咬好位又得 留後一格又得 呢場幾隻快馬輗多福 泉龍駒 人和家興步速一定快拉散馬群 上場輸俾加州得力其實全程望空形勢不利返嚟都係輸少少 隔七星期又上埋從化做嘢 重配賀銘年都係搏

[ 本帖最後由 KIRIN688 於 2023-1-17 20:29 編輯 ]

金馳只負3/4馬位，其實表現尚好但爆炸力不足克服外檔及慢步速。非凡之星上次只負兩個馬位，已可兼顧但類似馬多，60倍則過冷，越褪飛越嚇人，驚唔去。


第六場躡景追飛短距離贏後縮程，我有懷疑，既是熱門，我就另選他駒。合夥年代有績有檔，繼續要。久久為攻上次過早發力，前次大外欄衝過合夥年代，仍要選。祥華孝寬上次在不大可能位置衝入一席，今次轉排好檔，過去見過前速，易中置守好位，亦有贏面。


第四場電訊飛車前次好檔走勢不俗，只負越駿知已個半馬位，上次沿途三疊敗可理解，今落班抽好檔，已夠贏，首選。淺草飛上仗終見較好表現，時間不輸蝕於同日較高班，三班近過，回升四班仍有機。旭日光前次同程有勢，上次田草出頭過早，落班有優勢，有運來則上次久休復出重見生氣入Q，但兩馬分別排最外兩檔，我會博冷拖腳。

年三十跑馬 大機構擺明睇錢份上

兩場二班賽出馬少 頭場二班泥地千二勝意龍必成衆矢之的 一檔其實唔太好 睇起步何堯係咪立心唔要欄 唔塞車嘅話應勝 計路程本來嘉應精英要揀但132磅係致命傷 單Q搏隻星耀王者 上場轉伍仔初出幾乎入P表現唔差 之前試兩個泥閘似模似樣 呢場雖然6隻但光頭蘇出埋經典之星肯定拉快步速 如果呢隻泥地OK有得爭
第三場二班千六 型佬全兩隻主力必然係戰績穩定嘅美麗在線 雖然排外檔但跑法多變 又跑過同程上名 Q難飛 單Q駿馬快車 282場次跳程跑谷二千二大敗擺明唔夠氣量 縮返嚟千六換埋巴度又好檔賺形勢隨時變身

第九場三班二千 告仔一對始終都要返錶之五知 跑返大場沙田再抽一檔而布文近期戰意十足 據傳會留低到季尾 必然繼續大打身價波 本場有四隻馬喺316場次碰頭 揀其中兩隻 本來龍船狀元有考慮之列但馬本身血統嚟睇似乎跑一哩會更合 不過告仔一再安排隻馬跑千八二千可能認為隻馬死步頭均速 但跑法無殺著而再孭134磅難睇好 嗰場跑第四嘅驚喜形勢不利下幾乎入P 跑返有上名根據嘅二千如果留到搵COVER有一爭 冷門就係嗰場跑第五嘅三江飛輪 明顯留後追好過跟前而負磅再減好跑 際遇同驚喜一樣搵到 COVER生位唔係無得爆
PS：細摩返嚟澳門拍住阿仔孖倉 成70歲仲返嚟做乜？

[ 本帖最後由 KIRIN688 於 2023-1-21 11:41 編輯 ]

感覺摩加利沒有怎麼走過，我估計朋友及主要人脈都在港澳，他又喜歡熱鬧。

第九場木火兄弟跑此程似乎好過千八很多，但揀了就賠率低，機會就看俏。此場純欣賞。

尾場永遠美麗當然要，理由同上次一樣。連連歡呼落班應有優勢，上季同程入Q，該場水準或不高，但今季二班千四輸近，有點進步，此組餘下對手亦不特別。第三匹是初出不明的怡勁力，試閘感覺頗佳，有得爭。

連連歡呼呢啲真係擺明水馬 木火兄弟俾老香港咁品題話馬主同練馬師會報打比笑到噴飯 之前一五老兄老早話隻馬唔應該報四歲系列 我都覺得不如留返泥地爭取頭馬 今日又係輸唯有屢敗屢戰 初三又賭三場 賀年杯嗰場1至4號呢四隻喺之前華商會杯齊齊輸俾金鑽貴人 不過呢四隻全部唔要 買三隻全部孭中下磅 形勢最賺個人覺得係北極光同綫路之星 北極光呢個分有阻力但個二檔大大有利 始終千四呢個路程十戰得一場不入前四不得不揀 綫路之星同樣勝在跑法機動而上星期嗰場馬受制檔位同重磅返嚟所輸個幾馬位實在唔差 匆匆再戰告仔忽然擺個無乜交收波仔呢條柒頭上去肯定搏你唔信 跑法簡單嘅馬啱哂佢發揮 另一選就係包裝智威 依家二班孭130磅以上基本上係無運行所以對上兩場孭重磅而輸係有籍口 今場孭返124磅好跑得多 何堯攞返帥權試埋大閘有誠意 唔多like柒頭公子不過佢鐘意威又係事實 QT實在難飛
第六場四班千八 三週前元旦同班同程311場次有八隻再碰頭 以當日走勢經過負磅調整後嗰場頭馬翔龍再現即使加多五磅仍然有條件再贏 仲有一樣就係雖然13檔但估計用返上場喺後面扔出去追 尋日所見外面啲地唔太差去到中段場次隨時飛出去追更好 對手之中上場一降五班即贏嘅龍船快會係其中一隻 以嗰場孭重磅都一樣橫掃咁睇嚟跑千八二千可能更好 威哥是日佈強陣唔講得笑
尾場待續

[ 本帖最後由 KIRIN688 於 2023-1-22 16:40 編輯 ]

祝各位馬運亨通 大發橫財
尾場新力高升預計成大熱但上場千四對著添濼意雖然受讓九磅但贏得唔算輕鬆 個分開始有阻力 再加磅上千六實屬一大疑問 仲係上場2.幾W呢啲分頭嘅話寧對賭攻擊 同樣開心寶貝上次贏都靠檔 今次1檔變12檔未跑已經死一大半 要返重落三班醉眼光 連續幾場忽長忽短 跑完千八就縮嚟千四 之後大幅跳程跑谷二千二擺明想落返三班郁手 抽正1檔啱哂佢跑法 呢啲馬以神仙手法唔會有得留 至於半冷Q就係威哥另一隻威武覺醒 上場同程實在唔差而今場13檔唔駛諗肯定有咁出飛咁出去追 合哂蘇兆輝騎法 如果仲想爭四歲系列入場券一定要贏馬搶分

[ 本帖最後由 KIRIN688 於 2023-1-23 18:55 編輯 ]

祝大家財源廣進龍馬精神

尾場新力高升增程雖是未知之數，但千二普通就較有可能更合千六，仍有機會。開心寶貝外地贏過1550米，增程亦合，上次面對兩名氣熱門馬票數硬淨，自視甚高，贏來亦姿態好，12檔換來賠率，不妨追寶尾。當然最可靠是醉眼光，三班同程三次一冠兩亞，有1檔是正路首選，揀三匹最熱，開最冷就不俗。威武覺醒上場追得不俗，表面蝕慢步速及外疊，但慢步速亦有利其跑慣短途的衝刺，前仗谷草走位較大力猴王有利而未能拋開後者，今次13檔則不敢樂觀。



另講兩場。第十場，鹿鼎記上仗升班仍輕勝，今次又有好檔，紅運帝王上仗第三與新力高升及添濼意拋開第四名，表面條件較佳，Q則太熱，雙膽賭T。首匹配腳彩虹千里，前仗初出第三負於鹿鼎記，跑出相同水準已甚有機，能跟之馬排外檔亦有望早段切入二疊，上仗增程早段被夾而隨後持續搶口，敗不足據。忠肝義膽及駿龍駒上仗同程與紅運帝王同場，分列四五，正路配腳選擇。


第二場，玉樹臨風早前同程強組第三所負不多，之後三場千二路短得以減5分，重臨此程抽好檔，夠贏。綫路暉華早前谷草千六一冠一亞，是有用之馬，上兩仗谷草千六搶放收工，上季四班實際千四表現最佳，今縮回千四有中內檔，中置重用留前鬥後跑法可施回馬槍，次選。安寶前仗或更早期大後上追得不俗，上仗好檔稍跟前反而末段不多，今次檔位普通被迫留後，此場有快馬，步速不慢，有利其追趕，保險腳。燉廄馬大紅心超此群，有本錢可兼顧，但近仗差得離譜，似乎為減分將狀態搞得極差，預期不可以馬上撳制。

董事杯三強會師全無賭頭睇馬算數
反而其他四場高班賽有投注價值
第三場二班千二發叔杯 神仙出三隻都係要電源之駒 佢啲作風唔怕密密跑 準開繼續追 腎虧潘揀心之行仲要一檔預計成大熱但評分已經無利 搏下隻縮程賺級數 隔離版傻友yin成日追嘅知道必勝 205場次孭133磅跑第三水準擺嚟呢度只要搵到遮擋足以一戰 獵人成對著隻馬仲多過佢老婆點會唔知隻馬性能 搵埋周仔減磅比上場孭少9磅有利 如果爆出嚟傻友yin真係顏面掃地😆

[ 本帖最後由 KIRIN688 於 2023-1-26 20:33 編輯 ]

董事杯三強會師帶來話題，金鎗六十檔位好但要看何是否能把握，過去多化優為劣。浪漫勇士則如日方中，尚未見頂，檔位亦機動，我較看好。

發叔杯看不通，但速看則覺發叔會的新境界狀態復起而對手轉弱，已有勝機。明天再講該場。

另提提潘頓上日極恐怖，除頭場外，每匹馬像被落降頭，舉步維艱，連鹿鼎記都失P，我的單T也就此泡湯