引用:
原帖由 dragonbone 於 10/1/2023 14:05 發表 
我記得第一次係見一位空姐，落雨時落巴士，一人拎住兩個喼，果時想幫，但怕被以為咸濕大叔，就無行動。
及後一次返屋企，見到一個小姐又係無遮，行得唔快情況下我上前遮埋佢，大家仲住埋同一棟大廈，原來佢就係平時係gym room間唔中 ...
哈，原來龍師兄都有呢啲故事。阿星都曾經經歷過，總會有啲時候會見到有女仔冇帶遮企喺街邊唔知點算，阿星都有試過offer小姐太太師奶一段短短嘅旅程。
不過過往嘅經驗話俾阿星知，阿星太高，而小姐太太師奶們又生得比較嬌小，有時甚至有打橫發展嘅傾向，令到阿星原本果把算係大把，可以遮到阿星同一位纖瘦女士嘅遮變得唔夠兩個人，或者叫做阿星一個加一個半打橫生嘅小姐太太師奶遮雨。
最衰好心做壞樹，呢位小姐太太師奶嘅半邊身因為得唔到阿星果把算係大但係又唔夠兩個半人擋雨嘅遮嘅掩蓋而濕咗……………半邊身，仲要俾呢位小姐太太師奶鬧，話阿星唔得紳士，遮一半唔遮一半，搞到佢濕咗………………半邊身，真係好心難做，阿星做唔好😬
