勇眼光👍🏻有利膽材☕😁

看決賽心情似坐過山車。

先速講頭場。佳尊三田草頭馬級數高，前仗應贏但坐包廂，今日用潘頓殺雞用牛刀，有冷腳就做膽。腳拖2、3、8。

尾場紫雲冰的疑點是前仗同程第三轉泥地第二，草地評分開始吃緊要在泥地才夠爭勝？越駿知己未盡又不怕檔差，就算長路有盡時，目前仍會是前列份子。


我另喜歡第五場。心想事成及胆大威猛上次在田草一千分列季殿，距離亞軍的水晶酒杯在一馬位內而壓倒魅力一丁，實力高於谷草原班馬，心想事成且排一檔，沿用上次放頭跑法，可期一放到底。胆大威猛終於見復甦，上次排於不利一檔，末段算仍有勁，今次檔位不差，跟隨領放的心想事成及電路七號，形勢尚可，疑問是欠十磅仔之利，若狀態再進亦有力挑戰前駒。保險腳取回快一步，勝在準繩及檔位，至尊高飛多數三疊，不易反先快一步。

跑星期六 又講三場
第六場四班二千 特醒嚟到今季居然大反彈 雖然中班中長途水準普遍比短途低 但上場初跑谷二千二大勝一場係咪搵到出路？今場雖然加磅換班德禮但檔位有利 Q難飛 配腳都要返近期準繩金獅大將 起碼沙田場個績唔失禮 116磅跑二千會好跑 呢啲馬又係無保留
第九場三班85分泥地1650 禪勝寶駒同無心睡眠兩隻終於等到呢場三班突分首本路程 計路程兩隻跑泥地實力可能差唔多 但機動性明顯禪勝寶駒可以跟前會勝一籌 無心睡眠勝在有布文 至於盈嵐個分應該差唔多係有個一檔 至於上場初出同程唔差嘅爽快跑左場上力 檔位好過上次會係今場伏兵
尾場型佬全三隻各壇勝場 瑪瑙表面條件差但上場彈甩贏姿態太輕鬆 嗰場保羅承傳改用中置後上居然有驚喜 而天駟呢個分孭標準磅時刻都有入圍機會 再包馬房T唔意外 包裝必勝初上千六而排一檔 尾場開哂燈而臨場步速如果一堆馬塞埋一舊有塞車可能 膽就一定唔敢 至於美麗宇宙上場居然搶口搶到傻 一個月之後到底有無改善好難講

[ 本帖最後由 KIRIN688 於 2022-12-24 05:42 編輯 ]

第九場三匹熱門上季尾在相若負磅下曾對壘，當時無心睡眠勝而禪勝寶駒及盈嵐分列三四，無心睡眠今季似乎還有輕微進步。上賽衝得勁的爽快轉排好檔當可加入戰團，幾匹感覺頗接近，目前1-2-4-9的F4是15倍大熱門。


另講兩場。第四場四班千四，先揀善傳萬里，上季回到四班跑谷草即勝，今季首仗回到四班則在同程入Q，上兩仗在三班與實力份子接近，狀態一直保持，現又回到四班同程，前列份子。紅鬃烈馬今季見進步，前次贏同程，對手其後有贏有位，賽事有水準，上仗增程路長而直路仍有勢，洗底後回師千四兼檔佳，肥葉應會把握出擊機會，兼顧。紅運泰斗上仗出到莫雅入位而輸得比較遠，今仍排外檔恐怕仍是近而無威脅，保險腳寧揀太陽拍檔，上季展現可上三班潛力，其後傷腳休息，今次屬久休熱身後次仗，亦回到表現最佳的千四，操練積極，若復起則可一網打盡。


第五場四班泥地千六，雙天至尊季前曾心律不正，上仗已回復水準，在路長的千八僅敗，今次鍾換黃少五磅減磅但回到正宗路程，對手只得美麗喝采夠快但多數找遮擋，預期雙天至尊可控制步速，已夠贏，首選。綠登早前兩仗第三水準頗佳，上仗檔劣留後衝得不俗，今次排好檔會守好位，前列份子。幸運天賜近戰已穩定，泥地表現更佳，上仗同程稍早出頭但有勢，多一次經驗會再進，可望反先當時一心爭Q的日就月將。

聖誕後第一個賽日 講1,2,9場
頭場五班千八神仙隻美麗新星跌到嚟五班上場加程總算有啲走勢入P 再加程又一檔換埋更硬淨嘅賀銘年 首選 無敵精英上場用到莫雅開齋 加分後腎虧潘攞返嚟騎P居多 冷門心水新降落五班龍船快 季初場四班千四其實唔算太差 之後三場檔差索性遊馬河全力部署落五班 雖然初跑谷戰但對手實在太水 本場至少有一半馬匹都毫無戰力 只要際遇好啲已可一爭
第2場二班二千二首選神經馬柏林探戈 典型神經質但明顯跑谷戰好過沙田 上場騎師賽當晚嘅千八佢走內欄唔算有利場地都係輸少少 再增程二千二秤返上季香港杯跑第六輸唔遠 擺落呢度橫掃 當晚同場第四同舟共濟都係場地不利位置不保 呢場有長力根據馬唔多而佢係唯一一隻贏過呢個路程 Q點都要返
尾場四平八穩點都係燊榮之星 上場十磅仔一檔無馬走焗住放頭始終唔係最佳跑法 換返熟手腎虧潘會好啲 又龍串鳳係fit但加到133磅檔位外移個人覺得止於一席 反而上場四班贏馬威威鬥士雖然升班但本身嚟香港都係75分起步 依家贏返上去不過64分肯定仲有水位 路程首本好檔又蘇兆輝 三甲要預佢一席
PS：澳洲傳媒報道 喺當地搵食嘅前香港冠軍霍達因為心臟出左問題要開刀 宣佈掛靴

[ 本帖最後由 KIRIN688 於 2022-12-28 15:57 編輯 ]

霍達可算是上上代騎師，能夠保持活力至今已難得，縱使健康出問題而掛靴，超額完成了。


星期六黑仔，泥地一場敢講跑下去，30倍Q必然收錢，兩大熱門已處於極下風位置，當然，忠心馬快步速死了就更慘。而另一場臨場見健康有過問題的太陽拍檔偏熱就懷疑值博率，一度考慮要不要改初出的日日友，落地跑千四難度高，晨課後追不差而未敢言好，最終無補飛，揼心。

今晚頭場比較平均，幾匹都是機會馬，無敵精英難得贏一場，加分兼增程就覺難入Q，龍船快近兩場四班千六負於興高采不遠，當不能小覷，但我較看好是亞洲力量，兩場路短兼跟得急，往績看必須留後才跑得好，排9檔更可能迫使留後便合何尺，以其四班表現跑此程應有優勢。另外赤子雄心上仗排大外檔敗不作準，以早前兩Q表現始終是上風馬。混亂場合太熱就多數觀賞。

尾場，燊榮之星就算抹去上場其實今季也失望，潘頓的一場贏只是其後再輸的天寅合一，前仗第三相同跑法負於又龍串鳳，只是計死數似乎可反先後者，保險腳又沒有更好選擇。我看好極速飛彈，兩場在非擅長的泥地負於好手，表現不差，狀態已在，三次田草千六皆排12檔輸形勢而只負兩個馬位左右，路程沒有問題，現轉到谷草而有中內檔，有望攝入好位，憑級數可一網打盡，首選。友港友笑上仗連捷，準繩馬過去在66-68分之間屢次入Q，加分後仍有可為，跑法機動，縱使檔位稍差亦易入二疊，前列份子，兼顧。威威鬥士上季四班贏馬升班後同程只得兩個第四，上仗恰如其分不似特別進步，我看是爭三三四四之馬。


第三場，2-5-7-11四匹曾展現實力但近況差，剔走。餘下先選鼓浪精綵，上仗二疊二卡跑第四不過不失，今次同場欠快馬，容易放出，排檔相對問題小，有力複製前仗贏馬跑法，當時所贏對手包括健康心靈其後仍有好表現，水準相當。精明勇駿上兩仗檔差不作準，季初同程走二疊只負兩個馬位，又與健康心靈接近，今次一檔一疊，預期比該仗表現更好，對手減弱，亦有贏面。超悅明駒田草重磅例輸，田轉谷則有機賺級數，前仗外檔第四水準在此或已夠爭，保險腳。健康之星上仗追得不俗而輸得遠，蓋早段極慢，今次檔位轉差，不期望追得及。

新年元旦繼續講四場
第七場無乜好講 神仙翻版Q算數  
戲肉G3華商會杯千四米得返六隻跑 先劃走一對頂磅馬美麗同享金鑽貴人 呢啲場合孭到135磅重要之前跑國際賽 過往數據跑過國際賽後跑華商會杯多數叮 雖然金鑽貴人喺短途錦標係塞車 但隻馬喺嗰場谷到頂點 難以保證係咪KEEP到 千四雖然贏過但當時喺二班輕磅 預計無分頭不如搏佢叮 其他四隻 佳運財上星期六孭重磅撼包裝必勝 隔得一星期跑似為跑而跑 風火戰駒季內兩場尤其上一場俾莫雅咁樣砌法隨時走樣 所以寧願搏隻無跑國際賽 一心等呢場讓磅千四先出嘅衞冕盟主健康愉快 磅位實在有利 隔七星期休息而上從化做哂嘢 又主動跑法 首選 另外嗰隻中華盛景呢個分長期孭重磅好蝕底 終於嚟到呢場G3輕磅出戰好好跑 雖然換個無乜點交收嘅班德禮都難以忽視
第十場三班直路賽 又見到上場同程大慢閘輸死好多人嘅巴閉哥 計檔位本應有利但值搏分頭欠奉 要返同樣有檔位之利另外兩隻 英雄豪傑以上場大勝水準嚟計三班同程應該仲有喺手 怡心聲上場騎師賽跑谷千二全程望空都係差少少有P 抽貼看台14檔更好跑
尾場先要新力高升 國際賽日上三班又加程難度高都贏真係有進步 加左磅都係124磅仍然有利 Q腳方面夏主席隻紅運帝王十日前谷千二遊馬河終於轉沙田增程 本身都唔係千二咁短 蘇兆輝之前幫同場初出PP雪山神駒試閘但最後都騎紅運帝王應有見地 神仙全日手馬唔太差呢隻有突擊本錢

[ 本帖最後由 KIRIN688 於 2022-12-31 20:33 編輯 ]

新年快樂

速寫第二場(13:00)，辣得傲若負磅能力正常，以前仗同程四班水準已夠贏，冷膽。添有運上仗劣檔表現不差，今弱組變好檔加已熱身，應是前列份子，次選。勁弗上兩仗谷草千二追得不俗，增程到千四可望再進，亦有勝機，兼顧。神舟時代同程往績佳，惟久休復出後千二或以上都大敗，傷患可慮，潘頓未操過就跑，似戥腳，值博率低，放棄。

第三場Q太熱，反而久久為王W頗吸引，賭孖寶亦可，下射第四場勝利才子或鑽飛龍。

稍後講第九場。

前面跌了眼鏡

第九場永遠美麗一枝獨秀不用多說，賭Q就乏味，直接作T膽。餘下首選就增有，季初入Q，次仗走樣，上次千四中上組別直路有勢，最後力弱而所負不遠，今回到千二最合，布文發揮亦令人有信心。另選傑出漢子及旭日光，前者上次初出同程在檔劣下表現不俗，預期會再進，一席不難，後者上次谷草一檔亦展現競爭力，轉場而對手非明顯增強，馬房第一選擇，可爭前列，同廄第二選擇啱啱好過去千二普通，千四千六表現似分盡，若非好檔加蘇兆輝都不太怕，邊線但排不到。