皇帝金轉第一個彎想頂蘇兆輝點知就撞欄咁就收工 龍船狀元放咁快都唔知做乜
今週跑星期六 揀5,7,8呢三場 最後兩場全無賭頭 留啲子彈等星期日嘅日本賽女皇伊利莎伯二世杯
第5場三班直路賽繼續要龍騰飛翔 連同上兩場四戰直路賽未甩P 今場搵鍾仔減十磅又執貼看台13檔 望佢走位醒啲 上場96場次同程爆冷嘅怡心聲上返三班睇往績未有證明 不如搏下八月嗰陣腎虧潘已經攞嚟操嘅百發百中 澳洲嗰邊只係跑場喺鄉下馬場嘅賽事左轉千二輕勝似係攞夠資格運嚟 今季試三個大閘反覆試準 執埋12檔更好跑
第7場老牌贊助賽一班讓磅千四米 告仔一對應該控制大局 中華盛景同霍阿仔合拍 負磅只係128仍然有利 馬少易走位 自己友綫路之星上班孭105磅好好跑 前置主動跑法靠千六氣量合哂十磅仔發揮 第三勢力就係有好檔而同程上名率高嘅北極光
第8場三班泥地1650 先要極速飛彈 上場79場次同程雖然俾盈嵐同禪勝寶駒彈甩但當時隻馬中段望空左形勢不利 入到位置似乎泥地性能唔差 今場際遇好啲嘅話贏面唔低 另一隻要跑形勢就係安遇 草地評分有阻力轉泥地無可厚非 官方血統簡評認為呢隻馬泥地都可應付 檔位算唔差而火車潘攞返嚟騎隨時回馬槍

[ 本帖最後由 KIRIN688 於 2022-11-11 20:51 編輯 ]

星期三千八那場以為會慢步速結果極快步速，跑出上次看好而後上不及的多多勇駒，皇帝金被夾就沒有辦法，巴度因此停賽。另外一千一場沒有提供，後來速看英雄豪邁及輗多福於上賽分列三四甚接近，後者同程穩定，既然前者勝望高，後者Q腳應該也是篤定了，中單Q。

星期六賽事回應一下。第五場龍騰飛翔大熱亦反映機會，正路。百發百中潘頓試第二個大閘，推騎亦乏力，第三個閘則稍進，感覺不似巴閉哥般一早見好。較正路兼好分頭的配腳是精彩勇士。第八場比較接近，怪獸奇兵及幸運傳奇上仗負於禪勝寶駒不多，賽績與極速飛彈差不多。皮具之星近三仗皆出色，如日方中，也是惡馬。


另外講兩場。第四場四班泥地千六，愛馬劍與大道至正對上一仗皆負於皮具之星而壓倒綠登得第二，賽績相若，一併選擇。其中前者換贏馬拍檔後上第二姿態更好，狀態回起在此夠惡，此場有快馬拉快步速更合，稍為秤先。綠登兩仗第三亦與前兩駒接近，保險腳。雙天至尊上季一落四班用周俊樂減三磅即勝，今次用黃皓楠情況類似，實力最強，惟早前試閘心律不正，狀態有疑問，考慮形勢合往往跑出好水準，我會補一注。


尾場有三匹季內剛勝之馬，但個人甚懷疑目前實力及進度，大膽放棄，選了另外三匹上季名氣馬，包括遨遊氣泡、美麗奔馳及美麗滿滿，遨遊氣泡上季尾外檔初跑同程即贏，操足而臨，首選。美麗奔馳上季尾千二一衝而過姿態勁，增程未知數但或更合，雖趕工夫未夠亦有力一爭。美麗滿滿上仗算是久休復出兼賽前試閘普通，路短下後追甚佳，熱身後再加天然成長，有權一網打盡，兼顧。

話咁快嚟到日本女皇杯 其實JRA之前有計劃將今屆女皇杯加名為慶祝事頭婆登基70週年 最後當然係事頭婆身故作罷 兩場心水
黃菊賞 兩歲跑二千 首選李慕華揀騎嘅照天下 出自神威啟示 初出同場同程贏得幾輕鬆 隔左一個月出嚟繼續跑阪神同程而出自練大賽有一手嘅友道康夫 先選 Q腳之中要野田拼得純粹係買擺莫雅上去跑高好多

戲肉女皇杯二千二 想講下謀勇兼備今年傷後出返嚟表現不過不失 上場產經賞騎師歸咎場地問題但產經賞歷嚟水準都唔算高 今場加埋新世代三歲師妹角逐 係勝在檔位唔差 但頂多三三四四 秋華賞包Q嘅高野友和一對先選 艷玫華彩數據幾強勁 阪神場四出三勝 配坂井更加三出全勝 係十檔比較麻煩如果順利泊到有cover就幾大勝算 加上獲大機構邀請跑瓶 戰意無疑問 自己友匯兩川其實都算準 三冠馬女雖然櫻花賞跑第十但實際只輸兩個馬位 之後優駿牝馬同秋華賞都有位置證明隻馬遺傳到父系無敵先鋒嘅長力 橫山武史今年跌左WATT只贏三場分級賽算失望 今場成敗真係睇佢 三選方面Sunday racing另外兩隻用到莫雅同杜滿樂應該有支持飛 但都有隱憂 吉典娜出自滿樂時加貴婦人血統一流 但跑落無想像中咁勁 上場產經賞靠內檔慳哂先爆 今場整個18檔係咁先 指環魔力往績都係跑千六到二千 初上二千二血統理論上係得 但始終初跑 搵莫雅都係盡人事 所以第三選就搏下自從飛雪仙蹤後第二隻外隊馬出戰呢場嘅神奇湖 貴為愛爾蘭橡樹盟主計卡士當然同飛雪仙蹤無得比 約克群橡樹對著登山英雌 戰神日唔夠揪算正常 因為對手實在強勁 登山英雌之後贏凱旋門而戰神日贏BC馬女草地 所以夏寧敦夫人索性將目標擺呢場 距離上場有三個月時間有足夠FRESH 霍禮義之前有喺日本搵食知道點跑 抽五檔仲要跑阪神內回對前置有利

[ 本帖最後由 KIRIN688 於 2022-11-13 07:35 編輯 ]

腎虧潘中招 被迫停兩日 預賽無法上陣 但啱啱好布文殺到可能分到啲馬
PS：依家有風吹出嚟話星期日賽事可以照入紙 但加後備騎師 星期六日如果check左無嘢就照跑 另外布文仲有無黑啲 屋企人確診成為緊密接觸者 星期三又出唔到 講最後三場
第七場越駿知己計近績無疑係好 但上場贏馬形勢配合哂都贏唔甩增有 加磅又檔位外移 機會止於一席 增有跑谷戰真係特別醒 跑法係被動W唔駛買但Q點都要拖 另一隻Q選美麗邂逅 用徒弟減十磅再抽埋最易跑嘅一檔 咁都輸得嘅話唔該返屋企反省下
尾場都係要兩週前打風取消同班同程嗰兩隻燊榮之星 幸福老撾 當中燊榮之星真係一波三折 打風無得跑之後再出腎虧潘中左換布文 點知布文屋企人中埋又無得出家陣換未跑過谷戰嘅麥利奧 有利條件係呢場過半馬匹孭磅都過130 對佢嘅影響減低 另一方面估計換呢個人隨時分多幾蚊
第八場柒頭公子出一對 包裝智威一換馬雅就爆激到彈下彈下 但加到134磅又初跑谷戰 連谷閘都無太多變數 不如要返同主包裝大獎 起碼路程有根據 好檔 負磅唔重 馬房要贏馬護級戰意一定有 Q腳方面搏下上場初出跑谷千二後上唔差嘅星運子爵 跑完一場上力就跑首本路程 二檔更有利佢跟前跑法

[ 本帖最後由 KIRIN688 於 2022-11-16 07:53 編輯 ]

兩場五班非常緊湊，對比一下就見至少五匹極接近，第五場打落更難以放棄大熱Q但又非極穩，都欠吸引力。第七場越駿知己跑法機動，外檔未必影響大，不抹煞機會，增有上次走雞，但未知是否穩定，美麗邂逅計死數屬正路，但三匹互串就沒有幾多回報。


第四場，目前大熱是金獅大將，準繩但受制於跑法及檔位，同程三檔入Q，外檔止於三四，今次六檔半桶水，或可再近但賭Q仍覺應放棄。何澤堯棄前駒揀師傅的精彩非凡，上次有回起跡象，但不甚強的尺寸馬抽外檔，也放棄。瑪神滿紛上仗極差也難再跟。悅風雲上仗熱身後受惠於快步速變身贏馬，實力稍超，仍會有快步速，要選。翡翠綠上仗後追甚多，落腳稍慢，是時候回到較長路程，過去谷草兩敗都是大敗後翌仗不能作準，檔位不差，可博。得勝多近仗稍失望，但千八肯定比千六好，檔位好，兼顧。紅褲之王上仗路短表現不俗，評分已低於同程入Q，必須留後之馬，排七檔可算焉知非福，邊線馬，有本錢就四匹互串。

何良D 包裝場場去
馬真係 估你唔到

要護級都唔會容許玩燉馬

國際賽預賽雖然無外隊但騎師陣容算係近年最勁 三場G2之中一哩嗰場睇馬算 其他兩場算有投注價值 另外心水頭場同第三場
馬會杯先 將王孭128磅上返二千 又叫薛恩返嚟戰力提升 首選 Q腳方向獵人成全日強陣 但浪漫勇士今個暑假備戰出問題要到依家先跑 反而飛輪閃耀同樣受惠賽制而最賺磅好跑 搏佢 婦女銀袋包Q嗰兩隻發財先鋒美麗同享都搏得幾盡下 隔兩星期再跑回氣時間短 T腳嘅話就要美麗同享
頭場三班二千米 錶之五知季內初出就跑谷二千二未開氣就跑咁長當時唔睇好 沿途三疊望空蝕到喊但居然唔斷得哂輸唔夠三個馬位 返嚟沙田大場又執埋一檔仲用蘇兆輝 首選 Q腳算難搞 決定信獵人成大賽日大搏殺嘅信心之選 既然喺愛爾蘭嗰場一出千六即贏 有理由相信呢隻馬根本係千八二千更好 換埋麥道朗更有信心
第三場都無乜懸念 健康快駒再撼同舟共濟單打獨鬥 計磅死數同舟共濟再贏機會不及上場但換個更好身手麥道朗威力無法估計 健康快駒勝在腎虧潘肯接而上季用得多今季仲有貨應該仲有揸拿
馬會短途福逸必成一面倒大熱 上場孭135頂磅都當金鑽貴人無到 今場呢兩隻形勢排檔一模一樣 但福逸再受惠賽制只讓五磅相當有利 金鑽貴人再抽外檔形勢進一步不利 高佬新就算受蟲草成名轉倉傳聞困擾但相信無礙福逸繼續搏殺 蟲草成名嗰場真係無乜籍口 跑啱哂都埋唔到身 如果最終真係拉走唔意外 顯心星同樣賺磅但13檔注定縮後兜大彎追形勢蝕底 Q腳之中會搏下隻有好檔嘅聚才 同上季同期比skip左精英碗留力呢場隔左七星期做嘢 換更好身手麥道朗仍然有機會殺入一席

[ 本帖最後由 KIRIN688 於 2022-11-19 19:45 編輯 ]

不管是否夠實力，像頭場的木火兄弟會繼續搏，機會馬。

大賽場合熱門馬天下，若稍有偏差亦不易有好分頭。我講另外兩場。

第二場冰雪奇遇上季尾梁家俊騎後上贏同程相當精彩，今季升班三場表現可以，回到四班潘頓搶騎應銳意出擊，抽到一檔較易操控內閃，正路選擇。勇敢夢想今季蘇兆輝騎先後一亞一冠，踏入正軌，今仗仍有好檔，前列份子。我為您初出，上星期試泥閘遇神仙新馬金馳及頂班馬走勢及時間皆好，檔位不俗，預期起步不久便放出埋欄，不明份子有力一放到底，兼顧。

第四場閃得快在三班雖因跑法局限常入Q入位而未勝，上仗坐包廂但仍有勢，輾轉落到四班兼遇弱旅，人好，應勝。綫路神驊近仗排好檔算穩定，今次相信亦大約是是必飛飛差一些的水準，若對手不濟會有一席，可保險拖一票，但棄亦無妨。錶之將來是另一降班馬，上仗一千稍近，狀態有點進展，上季排內檔跑同程一仗同到之馬不算差，外地則後上贏千二，今落班換蘇兆輝不似想混吉，有好檔，可博一席。精彩生活第一季已走接近表現但上季下沉兼後期不能出賽，今季復出一場放一場追，逐漸好轉，減分已多之馬，有權趁弱旅反彈，兼顧。