越洋賽秋季天皇賞揀三隻複式三重彩 年長馬之中本初之海跑東京二千應該難搞 秤先金積驥同大帝 尤其大帝 明顯要有步速先發揮到威力 威爾斯親王錦標就係無電兔結果俾步速玩死 搵返杜滿樂深慶得人 金積驥勝在可以留玩先行 跑法機動 三隻三歲馬比較鐘意野田猛鯨 東京優駿嗰場雖然一度攞位唔順但爆嗰下daah唔講得笑 臨尾腳軟無P似係哩半能力麻麻 但都彈甩地標圖形 久休復出跑二千啱啱好 至於春秋分本來計能力擺喺度應有一席 但李慕華今年跑大賽啲發揮嚇死人 寧願要返川田好過
PS：本初之海 金積驥同野田小子呢三隻有報道話已經接受大機構邀請跑香港杯 落實嚟嘅話主隊馬贏嘅機會係0.1％
第9場計形勢檔位上駿之星 平常心同駿馬風采呢三隻機會應該稍高 而今季各自又曾經碰頭 磅位計上駿之星比上場孭多11磅但嗰場泥地贏得實在出色 至於駿馬風采喺46場次同上駿之星跑田草千二檔位差又唔算輸得遠本來今場檔位有利 只係呢個種平均嚟講四五歲已經係黃金期而佢六歲未必再有貨賣 所以Q腳要返平常心 去光頭蘇後跑場泥地後上如箭跑贏時時滿意實在唔差 轉嚟谷戰檔位繼續理想三甲應有一席
第8場本來計績斛斗雲應該最四正但加到132磅幾麻煩 最多拖腳 紫菜福星升班而臨孭磅輕左而本場對手唔算太強而預計大紅袍電子傳奇喺前面走拉快步速絕對有力一戰 冷門搏下一定要跑形勢嘅赤馬雄風 上場泥地洗底但有段追下個態返嚟 檔位抽得靚而希斯呢啲馬季初唔搏之後仲難贏

[ 本帖最後由 KIRIN688 於 2022-10-29 18:45 編輯 ]

廣東讓賽「淪落」到由四班馬跑……正路馬是龍戰士及九龍神駒，前者上仗增程贏馬姿態好，後者正如你說抽一檔形勢好，會提升名次。第三選揀瑪神滿紛，四班贏過田草千八有級數，上仗三班第四，狀態已起，放頭馬能克服外檔，四班谷草同程利前置。金獅大將千八例衝，但過去檔差就只能爭三四，賭Q就揀不到。香港精神及悅風雲又是都有賽績根據而上仗失望之馬，不敢看好，希望不會像牛皇頭等次仗變身。

黑撚到 悅風雲偏偏就贏🖕 好彩金獅大將影相第四

此場12匹，上次我投注過的正正只有悅風雲及特醒，後者檔佳兼增程更合，但又是上次欠勢

星期三結果跑唔成 啲子彈留返星期日朝直播美國育馬者杯草地同經典大賽 本地賽事就7,8,10呢三場心水 美麗系大軍壓境但戲肉嗰場G3婦女銀袋隻美麗同享孭到135磅又係買唔落手 基本上1,2,3,4呢四隻唔會考慮 稍後先寫 搞左BC嗰兩場先
BC經典賽總獎金600萬美元 得八隻跑形勢簡單 預計成為大熱 出道五場未輸過嘅航線喺舊年因為出道遲趕唔切跑美國三冠 之後贏馬好似食菜咁食 上場太平洋經典初上二千但一樣當其他馬無到差唔多炒成廿個馬位 難怪國際評分上到139 跑法未必一定要放 可以守好位彈性好多 配腳方面睇落係得核心之上同奧運呢兩隻 核心之上喺美國三冠頭兩關都得第二 直到上場卓華時錦標贏 跑法同樣彈性但未曾撼過年長馬係考驗 另一隻奧運喺上場馬會金杯贏得都幾輕鬆 計賽績證明似乎比核心之上更可信啲 睇臨場 至於喺肯塔基打比贏核心之上嘅致富出擊喺卓華時錦標再撼核心之上毫無威脅 之後面對年長馬跑魯卡斯經典賽僅僅輸俾強版查理係咪對丘吉爾園場跑高好多打問號 出道以嚟跑十一場只贏兩場唔似係馬王級份子 今場難以睇好
BC草地總獎金400萬美元 歐洲大軍喺呢場賽事戰績彪炳 對上兩年大利威同伊比爾族都為歐洲隊揚威 但今年最高評分參賽歐洲馬萬勝飛就唔睇好 老實講今年係走下坡 雖然英皇錦標跑第三但輸好遠 所以去凱旋門完全不堪一擊 臨退役前最後一場搵返FRANKIE都係盡人事 另外兩對歐洲大軍 古摩嗰對都係為跑而跑 波爾明雖然係上屆第二但都要拜對手失準 今年嚟講應該唔係高多芬嘅手腳 高多芬嗰對主帥騎威國之榮呢隻喺葉森打比輸完即刻過美國 上場沙拉托加跑賽馬會打比搵FRANKIE客串都可以全無對手 轉嚟堅蘭跑呢場仲要有賺三歲馬磅位之利 首選 最強對手一定自己友隻桀驁之戀 早已經同杜俊誠合作贏柏林大賽 過到嚟美國必然係高多芬嘅雙保險 主隊馬之中嘅希望應該係上年跑BC馬女草地輸俾唯獨愛你跑第三嘅好鬥女神 正宗哩半馬但今年BC馬女草地跑千九米所以向難度挑戰跑呢場 勝在跑法主動可以跟前跑而抽二檔更有利 高多芬要捧杯真係問過呢隻

[ 本帖最後由 KIRIN688 於 2022-11-4 18:33 編輯 ]

本地賽事第八場先 烈風同縱橫天下估計會係大熱次熱 其他馬匹好多似是而非 本來加州紅森跑千四肯定好過谷千二但退出 唯有向老苗嘅阿根廷PP金多富埋手 年頭已經開操但一直無做快跳 傷患紀錄只話佢四月做公公 直到今季先有正常操練前後試三個大閘都係蘇兆輝包哂 路程短走勢唔算差 阿根廷嘅水準無法估計但既然已經跑到千六 初出千四已經要留神 唔敢話贏得但如果有十幾廿倍拖Q諗得過
尾場美麗系新貨南澳打比盟主美麗宇宙由摩仔買返嚟 早已經俾腎虧潘摸住試閘 揀呢啲日子初出肯定全面出擊  Q腳再追多次一先生 上場一棟都無可能隔唔夠兩星期休息未抖夠 呢次隔左一個月多啲整返個閘 班德禮騎返上去隨時回馬槍

[ 本帖最後由 KIRIN688 於 2022-11-5 17:49 編輯 ]

我講另外兩場，其中有美麗系。第四場，先選美麗喝采，在65分左右已經屢次同程跑近，應該已找到支持點，藉檔劣或其他路程再減分降班，今抽得好檔，對手普普通通，有力開齋。次選競駿翩翩，贏馬回到此班後此程兩次第五負於強手，前後接近同到之馬亦有實力，水準可以，前置馬有好檔換上十磅仔易跑，預期可跑快兩三馬位便是前列份子。保險腳在翔龍再現及星洲駿馬之間揀了前者，星洲駿馬上仗首戰同程檔劣頂足一條直路贏馬姿態算好，今次操練則斷斷續續，能否跑出水準則屬疑問，目前位置票相當冷落；翔龍再現早前以大超級姿態贏千六，其後一次起擒慢閘，一次大失準，今次休後季內初出縮程，有好檔，不妨博變身。另外能文能武及揚揚大道近戰近而無威脅，等待進步；鎂之妙及精明勇駿則評分有點緊，爭位。

第五場，添濼意上仗第二次出賽已有大幅進展入位，會續進，今次排位更好，爭勝主角，首選。駿龍駒同程表現穩定，正路配腳。保險腳揀閃得快，雖屬失望之馬，但跑同程偶然遇合適步速會入Q，有好檔，感覺仍比轉排外檔的紅運泰斗好。

戲肉嗰場講真 美麗同享雖然上場嘉里跑得差 但隻馬本身咁多古怪嘢仲要初上千八又135磅 你買埋我份 要返韋賊兩隻算數 都靈太陽係咪季內初出唔得要跑一場熱身先好今場有答案 玖寶唔識評 但今場形勢似上場沙田錦標咁 步速唔荒快仍然繼續賺形勢 型6一對發財先鋒有磅位之利 T腳

星期三谷戰研究三場一千米
第八場嘅三班就係上星期打風無得跑所以今週專登加返呢場原組再戰 而犧牲左五班1650唔拆組 上星期如果唔打風嘅話心水就係天火同人同皇龍上將 但檔位重抽之後檔位外移 揀英雄豪邁先 個檔由上星期六檔變今次三檔形勢截然不同 當然上場65場次初出同程三疊望空都係輸俾神仙一對難怪腎虧潘攞馬騎 加埋布文麥道朗殺到呢排腎虧潘諒佢唔敢玩嘢 Q腳又係要有好檔嘅奇寶 上季四月後抖暑之後今季喺從化操兩個月 睇上季成績似乎谷一千比千二更好衝 抽二檔而神仙少有搵火車潘 留意飛數
第五場嘅第四班一千 勢成大熱必然係黃腳鱲 已經係揀無可揀有近績 呢組對手其實好水要揀Q腳其實好困難 本來佳運發落班照計係有利但馬本身又係早熟無進步 仲要得一味前置 出閘有乜意外係咁先 扒冷門諗一輪 最後揀神舟時代 同程跑過一場不入三甲基數太少難作準 三個幾星期前復出跑直路賽無乜前速但反而有啲後勁 左穿右插之下跑第七輸三個馬位左右實在唔差 呢場有令才 怪獸媽媽 萬事有 佳運發呢啲放頭前置步速相信幾快 谷一千排外檔影響唔算大 足足有四百米直路大把時間攝位 殺入一席肯定和味
第七場二班一千 單係快馬隨便數已經有南區寶 艮志騰雲 利氣生財 經典之星呢四隻 向後上馬埋手 再追多次宜春輝煌 今次上班輕磅又好檔 同上場65場次三班135磅係兩個世界 嗰場起步縮後兜大彎蝕位返嚟所負唔多 同場跑第二志勝時機俾自己友夾完再衝入Q反映狀態起得早 同樣賺步速要殺入一席唔難做到

[ 本帖最後由 KIRIN688 於 2022-11-9 07:04 編輯 ]

今日好幾場大部份馬揀不上手，變成個別馬匹非揀不可，黃腳鱲便是。我講另外兩場。

第六場龍船狀元上次田草劣檔放入跑第四但僅負短馬頭，今次轉谷草更有利放頭又有好檔，另外兩匹放頭馬都不會搶得快，不難一放到底，首選。疾風明駒最後頭馬在田草千八以前置好位跑法取得，壓倒當時初起的前駒，應是最佳路程。今季兩場千四入位，可見狀態已回起相當，回到千八，有好檔，跑法夠機動容易適應谷草，亦有力爭勝。保險腳在多多勇駒及皇帝金之間揀，賽績所見都是跑千八最合之馬，多多勇駒大後上跑法似乎不合谷草，皇帝金則贏過同程，加上檔位及賠率考慮，取皇帝金。

第二場合夥年代上季尾贏同程，加五分不算多，今季在千四熱過身，表現還可以，抽一檔遇弱旅已夠贏，首選。彩虹之光上仗一檔輸近，今次仍有好檔，不期望有進但對手亦不見得更好，相若水準已有一席。蟲草之凰上仗形勢大好而僅能維持同速，贏科超影似退步亦輸到怕，保險腳可考慮辣得驕及健康馬，前者狀態及檔位俱好，增程或有疑問，年長馬則較大可能合適，後者實力在此夠惡，田草千六以前置跑法入Q，谷草未必吃虧，試泥閘則不願走，狀態有疑問，但可能當日前面太多踢起的泥碎所致，若用合夥年代膽可一併兼顧。