其實又唔好講得好似好誇張先得。
即我將會離港工作遮，所以先講聲可能會少左上黎，唔係唔上，但始終上網既野話唔埋嘛，HAHA......
我會出發前先整個小update，唔得以為小弟咩都無做既，始終我仲記得有文未完。

直頭正到啪啪聲啦😬

嚇得阿星，以為龍師兄丢低大家，咁快啲出埋個update等大家回住味等阿龍師兄返嚟啦😬

師兄應該係我地呢度食得最多唔同產地佳麗既師兄。

HAHA.....行開陣遮行開陣遮。
都好既，我一直都無一個好既環境令故事埋尾，而家有機會啦~~~~

兩個你

                忙，絕對係可以令你忘記不快，忙，絕對可以讓你的時間過得更快。而人生有時有趣既係，你放低一份感情，獨處開心時，另一份感情可能又會找上門來探索你，看你想不想要，又或提醒你感情可以點處理。

                今日在國內，陪老闆出去應酬，客方係某區局長，還有書記，加A,B,C君的下屬大眾臉，國內聰明有禮的男人我見唔少，但其實你更要懂得同擺款老粗的人交手，你可以選擇奉承的態度面對，但我卻會以不落下風得黎贏得對方尊重的方法入手，我覺得這樣，方為真正的交際應酬。而一席飯，老闆有老闆級數既層次傾，而我身為下屬，亦會對佢手底既下屬打好關係，因為需知道，一件事放唔放行係上級意思，而件事行得順唔順就係下屬主意。我一杯，對方一杯，敬局長一杯，局長人已過50，早已沒想像中那麼好酒量了，就找身邊的她來頂酒，她是誰，不知道，樣子還可以但胸一定要大，看上去可以做局長個女，半推半就一杯，飲得不夠爽快又一杯，很快女的看上去已半醉，回不過氣來，我有點滿不是味意卻沒有抱不平，因為這不是江湖兒女的故事，我們都有做好自己角色應該做的事。還記得尾聲時那女的出去洗手間，剛好我也要去埋單，埋單時我見那女的跑了去後巷，我有點擔心就隨後跟上，原來她在嘔吐，這些場面我不是未見過，但緊記千萬唔好太過感性，我只遞上紙巾。

我: 還可以吧? ( 現在近看，少女one piece緊身裙，過了火的濃妝，跟她少女味完全不配搭，但深溝事業線夾出豐滿的上圍已遮蓋了一切問題，我猜少女都知自己的賣點，男人看她時是想看什麼。 )
少女: 謝，沒事。
我: 我走先。 ( 對，我語調是冷漠的，因為我不知她是局長今晚的情人，還是長期的女人，在國內，閑事，就是莫理。 )

                酒後，要傾的都傾好，醉醺醺的不是局長而是那個女的還有大眾臉下屬，那女的被局長抽晒水扶上車。而別過後，書記才一臉輕鬆神情清醒，飯局後相約我和老闆去按摩。

                在按摩店的大廳，我，老闆和書記在等，老闆人有三急行開左，書記後生時是老闆提攜的，所以二人感情非常之好，非官場單純以利益放在第一位可比，而可以在烈酒晚宴後仍然清醒的人，對方是個智囊，是用腦食剛才的一餐飯。

書記: 唔使同情頭先果個女仔架。 ( 我們也相熟，他忽然在溫馨提示。 )
我: 因為佢其實無醉?
書記: 呢D女仔，佢飲酒多過我地飲水，而且後生，你怕佢被人呃?佢飲少D都可能唔夠喉。 ( 國內人飲酒既能力，我早已知非正常人類級別。 )
我: 咁堅?但佢頭先真係謝晒喎。 ( 就係連我表情都露出馬腳一刻。 )
書記: 佢唔醉到死死下，咁咪呃唔到同情囉，如果佢飲咁多咁急仲頂到，點呃男人同情心同照顧下，無呢D，仲邊有下半場?
我: 明。 ( 我家陣狀態得5成，事實我都有D醉，所以我唔敢否定佢講既野正唔正確，但我好明白，有時有D野，認真便輸了。 )

                接落黎，老闆同書記有野傾，佢地同一間房按腳，我嘛，我鐘意推油，轉了另一層，搵我一位相熟的技師，佢叫小花，真名?不會吧?亦沒有人有興趣知呢。當協助員開門時，小花就入黎，而我，正在除衫。

小花: 都係老規矩嗎? ( 小花是我少數相熟又信任的技師。 )
我: 係啊。 ( 老規矩，就係小花只同我按摩身，而手同腳，仲有頭都唔需要，尤其我唔鐘意人地掂我個頭。 )
小花: 咦，你無著衫同褲喎。 ( 我趴伏在按摩床上，小花已搽了油用掌心暖起來為我按。 )
我: 係啊，益妳，俾妳睇全相。
小花: 邊有得睇，得摸喳。 ( 小花笑住輕拍打我。 )
我: Sorry，罰我俾妳任摸。 ( 小花，盲人按摩師，先天問題，差不多屬於目不能視的程度，但佢係絕對既靚同斯文，真係非常可惜。 )
小花: 你飲左酒? ( 她鼻靈敏，亦細心。 )
我: 係，有D醉。
小花: 想嘔嗎?
我: 無，但頭有D赤。 ( 小花按起我的頭來，我有點介意，想示意唔好。 )
小花: 1分鐘，1分鐘唔舒服，唔掂你，好無? ( 我沒有反抗，就一分鐘吧，小花示意我轉身，面向上，因為趴伏係度易嘔，而且我平躺，她才好按摩，我瞓好後她則面對面upside down角度近距離和我按，因為她看不見，所以她也不知我在注視著她，原來…… 佢真係幾靚幾清秀。 )
小花: 你好繃緊，好忙嗎?你最近都無搵我既。
我: 去左歐洲做野。
小花: 嘩，唔怪之得啦，歐洲，我都好想去，係唔係好靚，好吸引呢?
我: 算係架，我都幾鐘意果度，但都係加拿大天氣最舒服，你去過外國旅行未? ( 雖然已返黎香港工作，但我心底總覺得加拿大係我第2個家。 )
小花: 我連香港都未去過，邊有機會去咁遠…….. 如果有日我黎香港玩，你可以帶我周圍去嗎?
我: 當然可以。 ( 我是真心答，還是客套呢?不重要，但小花要去香港玩，其實於她來說都是有一定難度的。 )
小花: 多謝。 ( 小花是一個不太有自信的人，她不是柔弱，但先天條件所限，使得她不敢爭取，加上她本身其實都係較沉默的人，這也是我揀她的一個主要因素，因為其他女按摩師，見你係香港人，真係好鐘意問野同講野……… )
我: 我真係好似舒服左，妳可以繼續。 ( 她按我頸背的筋腱位，非常痺但到肉。 )
小花: 係哩~~~~ 我都講你會舒服架啦，我按D穴位好準架，師傅都讚。 ( 另一個揀小花的原因，係因為10年以上既按摩經驗話我知，失明技師技術真係好好多，雖然收費貴，但佢地既穴位推油，係最標準同正宗。 )
我: HAHA…..係係，我被妳按，我都學到野同按人時都準D架。
小花: 你都會同人按?
我: 唔。
小花: 你做咩同人按摩既? ( 小花出發點係，佢打工先要，我又做咩要。 )
我: 我…….. Haha…… 妳估下 ( 我一時答不上我按摩係前奏，通常按按下就會按到對方想要，同對方做愛。 )
小花: 衰人，即係果樣野?
我: 咩遮，我係男人黎架嘛，唓，妳無既，妳男友唔想既?
小花: 我係專業架，你想要果D，去隔離果層啦，佢地先係邪骨。
我: 哦?呢度有邪骨架咩??又係喎，我都無問過添。
小花: 頭先帶我入黎果個人，係我同鄉，佢技巧唔好，搵唔到錢，但…… 果樣野好，咪….. 去邪骨場囉。
我: 果樣野好??
小花: 身材好啊，把口好啊，你係唔係要試下? ( 說時小花搣了我上胸一下，真心痛。 )
我: 唔使唔使，妳一個夠，雙飛唔啱我。 ( 說時我仲笑。 )
小花: 係唔係個個男人都咁咸濕既呢? ( 小花拍我心口一下。 )
我: 喂喂，嗱，我未邪骨過架下，試左妳之後都無轉人妳知嘞，就呢樣妳就知我一條心啦。 ( 無論邊個女仔都好，只要你同佢熟稔，佢又唔介意既，講野踩下線係絕對無問題，當然小花知我講緊按摩，只係我講笑講到好似同佢係情人咁。 )
小花: 算你啦，但係呢，男人真係會按到想要嗎?唔係籍口黎架?我朋友正骨時無人約，但一做邪骨，就好旺喇。 )
我: Haha…….呢個問題妳應該問妳男友啦，佢無想要妳咩?
小花: 佢係唔係都想要架啦，邊作得準架。
我: 妳放心啦，妳正骨好邪骨好，我都只會搵妳架。 ( 我在說笑，在國內要有女朋友實在太易，基本上我唔會隨便口花花的，但小花例外，佢知道我平時會刻意同人保持距離感，少有會說笑。 )
小花：口甜舌滑，咁你會唔會搵我做女友呢?你知嘛，其實幾多人對你有興趣架。
我: 吓，對我有興趣? ( 原本閉上眼的我都睜開眼問。 )
小花: 係啊，我識既至少都2、3個啦。
我: 咪住先，暫時黎講我都係搵妳按既多，何來會有其他人識我呢?

小花: 你今日就一個人一間房遮，之前你同你老闆一齊時，佢地幫你老闆按，望住你被我按架嘛，咁佢地又聽住我地講野喎，佢地對你好有興趣架。
我: 咁緊要?
小花: 係架，接待果個小妹妹以前做按腳，唔鐘意先轉左做大堂之嘛，佢都有問起你，你唔多出聲，一出聲又好好笑，佢地個個都好開心見到你架。
我: 咁……咁我應該唔出聲定出聲好啊?咁佢地咪好羨慕妳囉，我黎親都揀妳。
小花: 話時話，佢地有問我拎你手提，你想唔想我俾。 ( 我覺得國內既女仔，同香港女仔最大既分別係，國內女仔好清楚自己要咩，亦勇於爭取……..
我: 嗱，妳千萬唔好啊，我唔鐘意呢D。 ( 但感情上我好怕咁進取既女仔，一向如是。 )
小花: 你唔鐘意佢地?定唔鐘意咩先? ( 我的回應，可能屬少數，但我真係唔想。 )
我: 哈哈，咁我有妳嘛，仲點會要其他人呢? ( 我在口花地回應，小花聽出我唔喜歡就是。 )
小花: 你又幾特別，有女仔主動都無興趣?我同鄉講做左第2樣之後，而家好多客講話想做佢男友架。 ( 我心諗，梗係啦，男人都想有免費床友。 )
我: 咁搶手，頭先佢入黎時無睇真添。
小花: 要唔要叫佢入黎啊，衰人。 ( 她在拍我。 )
我: Haha……咁又唔使。係呢，你都未答我你有無男友。
小花: 哈哈，你夠未答我你有無女友。
我: 我有無女友無關係架，我同你做情侶既事，但唔發展成為情侶咪得囉~~~~ ( 我講時有D無賴，學起Bella當初同我旅行時傾既要求，但原來同一番說話，出自男人口時，感覺係完全兩回事。 )
小花: 唓，你咁講即係你有女友啦。
我: 係? ( 我在聯想起來……..聯想什麼? )
小花: 一定係啦，你講得呢句，唔係有女友都一定有老婆，唔係邊會咁講喎。
我: 哦，真係架咩? ( 我其實一直無細心研究當日Bella同我講呢句說話既含意，大不了，佢都只係有男友，而今次籍小花的理解，原來心裡所想不中亦不遠矣。 )
小花: 係啊，你試下呢句係我講，你會點?
我: 我會講好啊~~~~ HAHA……. ( 小花拍了我一下，因為她知道男人為求女生應承，就是不介意。 )
小花: 真係衰。但你遲左喇，我真係有男友，仲遲D會返去鄉下同佢一齊開店。
我: 咁真係走寶，如果有兩個妳就正啦，一個返去，一個仲係呢度我每星期都可以見。
小花: 哈哈，可能有兩個你好D，咁樣我可以帶一個返去，其實我好鐘意同你傾計，你令我認識好多野。 ( 小花已唔止一次講，佢識既男男女女，學識上眼界上大多數同自己都差不多層次，佢唔係講我有咩了不起，但當時既我對佢黎講，我接觸既天空係新鮮有趣得多，我知她心裡，係好希望可以同我一樣往外走一走，可惜的是她的出身限制左佢。 )

                以前來說，國內的女生其實可能只係學識上眼界上唔夠我地香港女生比，但心態上往往都很成熟很清楚知道自己要什麼和正在做什麼，目測不過22歲的小花如是，至於一開始說起的那位陪酒少女也是。

                呢一小節將會彈去約干年後的一次聚會，我好記得那次聚會是男人的吹水晚飯，正如我開首說，做我地呢行，係國內錢唔係最重要，人脈網絡先係最關鍵。平時往來國內，我會選擇坐船或直通車，而坐船雖然貴但舒服，亦因而識左一班一同往來兩地既香港人，大家工作性質雖然不同，但人在外，就份外投契好傾，始終出外，真的是靠朋友講關係。

                出發前好有趣，明明只約了連埋自己7個人既飯局，但搞手卻訂了大房，只是國內就是地大房大，我起初也不以為然，到打開房門時才知道，原來佢地6個男人，每個人都帶自己的”女友”出黎威、一齊食飯。那麼前後就共13人( 得我自己一個人無攜眷 )，所以就唔開一間大房都講唔過去。席上我地當然有講有笑，我亦當然每個女人都望下。場中6個男人，平均年齡介乎40~55歲，男人上得國內，唔係食煙自不然就鐘意飲酒，粗口橫飛+招招積積都係常態，但他們的女伴，全都不過30，大部份都20~26之間，普遍一定後生加好身材，而她們當中，有一位份外面善有印象，細看下，哦~~原來是之前和局長食飯時那位陪酒少女，她看見我時也征一征，當然我們沒有什麼相認的場面，但見她身旁的，正正是我們7個男人中，算最老實唔會串串貢的港宅時，我也在想，這個組合，有沒有問題呢?

        整個飯局，就是大家有說有笑，有的爛口在拋某某鬥酒，有的就說說笑在講自身的理想偉論，奇怪我沒有反感，反而有一種今朝有酒今朝醉的痛快感。男的在喪飲，女的也不是善男信女的豪邁起來，就只有果位港宅，不懂避酒的他一早已半醉，他的女友(即陪酒少女)為他擋酒，沒多久兩人就退下火線往梳化坐埋一旁。到散席時，因一早已說好我開車做柴可夫，所以飲得最少的我，就負責運送工作。

        港宅老早已醉得自己行都行唔到，所以泊好車我在扶攜情況下送佢回家，他的女友自然也陪伴左右。( 放心，以下劇情並沒有日劇那些什麼男主人醉倒了，女主同幫忙而來的朋友大戰300回合的畫面。 ) 放了港宅上床後，陪酒少女也禮貌式給了我一杯水，剛才閑談中知道她叫小白，現在細心看，其實她樣子真的雪白而且也算不錯，加上沒有了上次見時那種濃妝艷抹，現在再見倒順眼得多呢。

小白: 多謝你，唔該晒。
我: 唔使客氣，我應承左車你地架嘛。
小白: 哦…… 其實，你認得我嗎?
我: 認得，X局長果次嘛。
小白: 我講多謝既意思係，多謝你無亂講野。 ( 小白眼神在閃爍。 )
我: 哈哈，你都認得我?
小白: 你地香港黎既男人，無論衣著談吐，同我地本土既其實仲有分別，我地女仔一眼就已經睇得出，同埋都幾留意，其實我既姐妹都係。
我: 妳既姐妹? (我當然知小白講緊既唔係親生啦。 )
小白: 頭先食飯時，有幾個都係我以前既好姐妹，我地互相照顧，幫忙，一齊住，一齊生活一起賺錢好幾年了。 ( 一起賺錢……..? )
我: 我想問……… 妳地大家都真係鐘意對方才一齊? ( 我問得好白，港男，人到中年，月入2、3萬，但唔型，老土，而當中口臭，大肚腩又或地中海7成點都中1樣，如果仲要鐘意煙、酒或賭既，試問咁樣既男人，會吸引年青，有身材，樣唔差既女生青睞嗎?係香港好難囉，雖然係國內得，但我只諗到鐘意男人既錢居多。係，我都戴有有色眼鏡。 )
小白: 一齊係因為鐘意對方，我係，我諗我班姐妹都係，至少呢一刻，佢地都係。其實女人好簡單，我地都想要個會氹自己，令自己開心，愛鍚自己既男人。你知嘛，同樣使得起錢，你地香港男人既要求其實簡單好多。 ( 小白，答得好白，我亦只係將一個明知故問既問題要多一次肯定既答案。 )
我: 都係既，我係呢度識既女人，佢地都講香港既男人都比較有風度。
小白: 你今次係唯一一個單身出現既，你有老婆?係呢度識既?
我: 我有女友，係香港。
小白: 咁你係國內要唔要都想有個女友，以你條件，可以喎。
我: 哈哈，咁會唔會太複雜。
小白: 其實係你以為複雜遮，今晚餐飯，一半以上既男人都已經係香港結左婚，有老婆，唔通我地會唔知咩，只係只要諗得簡單D，佢地唔介意，開心咪一齊囉。
我: 真係唔介意架咩?
小白: 我會好介意，但佢地講班男人係國內既時間仲多過香港，結婚真係只係一個名字。
我: 港宅唔知妳既過去?咁妳而家做緊咩? ( 我在提問，因為港宅係好仔，我唔想佢俾人呃。 )
小白: 我同朋友夾份賣台式奶茶，我已無做以前果行好耐了。
我: 咁好好啊，而家既妳俾我感覺都好唔同，好似換左人一樣。
小白: 係?我只想從新出發。
我: 港宅係我朋友，佢好仔黎架，所以過去既野唔重要。
小白: 多謝，佢對我亦好好，所以我會好珍惜佢。 ( 有過經歷既女人，係唔係當停落黎時就會知，咩先叫好呢?港宅並唔係咩野優秀既男人，但絕對算唔上複雜多心，可能而家呢個配搭，都係一個唔錯既組合。 )

                學識不多卻知道自己要做什麼的陪酒少女小白，雖看不見卻絕對清楚眼前路點行既小花， 2個少女我都有不錯的印象，佢地最後點樣我當然唔知道，我只關心，當Bella由台灣回來時，我有好多問題想問。究竟我認識的Bella是我一如所料的她，還是有另一面鮮為人知的她呢?我都好想搞清楚。

                唔好意思今回沒床上情節，但人生總無可能每一個你認為吸引的異性都可以上床。事實如果女生真係正，基本上大把人追總有人要，我想講既係，如果要等你出現佢仲好似餓左好耐而一見就上床，呢D劇情，應該睇戲先會常出現。

https://www.youtube.com/watch?v=ta5Q0vv9DIk

千祈唔好咁講，女伴們睇得起先俾個機會阿星咋😬

龍師兄嘅故事扣人心弦，令人感覺到絲絲嘅愁善感，其實有冇床戲已經變得唔重要，整個故事已經勾住讀者嘅心思，好正😬

咁啱我又响外面做緊野。遲啲先返香港。