引用:
原帖由 stellaluna 於 2022-7-13 04:28 PM 發表
😂😂😂蛇蛇會一滴不漏咁啜晒d汁
香港人嘅標準係普遍都食得好辣
我都食好多泰國、韓國嘢㗎,但就係無進步過🤔,我甚至會辣到嘴唇腫腫哋⋯ ...
我以前都係咁,少少辣都會唇腫同成頭汗!
我記得細個有次同表弟係灣仔覓食(晚飯)。唔知食乜好,誤打誤撞走咗入一間印度餐廳。入去攞起餐牌先發現:天呀,咁貴嘅?刨勻哂餐牌。最後決定點最平嘅一味嘢:兩碗椰汁飯!各承惠$25(嗰時覺得好貴)!
當椰汁飯上枱嘅時候。我一睇:呢碗似係白飯嚟咋喎?聞一聞:冇椰汁嘅!再索一嘢check真啲:真係白飯嚟喎,有冇搞錯!
問個印度人侍應,佢攞住兩碗飯入廚房問。返嚟佢話:岩駕!野雜飯呀(印度口音)!
唉唔,是鬼但啦!兩老表又餓又趕(食完去演藝睇show)拿拿臨啃碗白飯!食咗兩口先知唔掂:啲飯確實係有椰汁!好鬼甜!呢個唔係問題,最大鑊嘅係,原來碗飯仲好鬼辣!但太餓又唔想嘥咗換飯,唯有夾硬用水沖咗落肚!食到成身大汗,兩條友。
我諗其實碗嘢應該係唔辣嘅(對今日嘅我嚟講)。但嗰陣真係辣到頂唔順!
下次去日本,想挑戰地獄拉麵最辣嗰級!