引用:
原帖由 guthrie 於 2022-7-12 17:15 發表
「突出兩支大光管」即係著短裙露吓腿啫吓嘛?吓,咁都被人話?又係差啲...
不過,長輩思想保守都正常嘅,體諒吓啦。
以後見面著得斯文啲咪冇事囉。掉返轉頭諗,食煙確係唔健康喎。佢嘅擔心亦唔係蠻不講理嘅。 ...
係o既
之後我都儘量著返條褲
單純d 咁諗, 可能因為果日唯一o既行程就係去佢地屋企拜訪同食飯啦, 係佢姨丈生日
全部都係親戚, 人又多地方又細坐得埋, o係d 男性長輩面前揚吓揚吓咁, 人地望唔望好?
呢個係事後'反省' 番o既結論, 當其時諗到o既只係想折磨一下大王
等佢有得睇冇得食
至於煙草o既事, 其實曾經有過一段時間就係我同大王, 都只係對方o既屋企人知道我地食煙呢個事實
但我屋企果邊不知幾撐佢囉!
只係拍緊拖隻字都未提過未考慮過結婚果陣我同我阿媽行街有次去買餸,
d 煲湯料打孖咁買我問佢搞乜, 佢居然話煲多一煲俾大王打包, 食埋咁多煙做o野又忙, 飲多啖湯補吓身
頂你我咁大個女佢都未試過整多成煲俾我帶走o既