兩組四班千二我都有留意，第五場人和家盛上仗1檔入Q，今次形勢相若，正路選擇。鼓浪精綵能力早在田草顯現，過谷草兩場都劣檔就跑法混吉但仍好追勢，今次7檔，非好非衰，戰意難測，肯拼則有贏面。三生好運抽最外檔雖難搞，實力狀態鬥志俱在，有賠率則仍可作保險腳，感覺比也是劣檔的童話好。

第六場正路是善傳香江及飛躍凱旋，都在田草上名輸得近，一放一追，以曾經交手的寶麗生輝參考，兩匹在此佔上風。國大合上仗正與善傳香江同場，感覺難反先，燉馬航會縮多過會去，但T都可兼顧。風繼續吹上仗不過不失今次轉劣檔，雞肋馬。

另外講兩場，第四場，1-4號馬之爭。胡椒軍曹重踏正軌贏馬再排好檔，首選。加州前程三班名次後但兩次輸得近，千二亦見過速度，降班抽好檔，用嘉熙減少負磅差異，不難一席。六六大順及富高八斗是否選一作保險腳，臨場看賠率。第三場，魅力漢子近戰表現穩定，上仗負於升班再贏的強手，檔位普通但前置馬易處理，今次有力補中。坪山新星上仗第三不俗，預期可反先檔位大幅轉差的請飲茶，請飲茶上仗失望，保險腳取獵狐者威，四班表現不遜於請飲茶，檔位及負磅相對較優。

又，摩仔一把年紀，相信快與告女成婚。

摩仔同告女係咁喺IG放閃 仲要去左威尼斯玩 真係識嘆
星期日主席賽馬日四條單棍
第二場蒲偉士碟四班泥地千二 先要跑同程準繩愛馬劍 上場田雞留得太後結果返嚟無威脅 佢停賽換何堯檔位適中可收復前失 對手之中雪茄鄭收硬第二次warning但都唔理咁多照搏 再大大跑返首本路程又好檔機會提升 埋門仲少有安排多個大閘俾嘉里摸熟隻馬 戰意無疑問
第三場四班千二第一組施偉賢杯 大舊石差一場非五班頭馬就成功護級 所以上星期五大勝而回嘅奮鬥齊心即刻又攞出嚟跑 計埋今場連續三場抽最外檔真係黑 但已經搵到最佳跑法 估計今場繼續沿用後追戰略 反正當初插班評分係80分 有理由相信仲有水位反彈 本來計班數喜傲龍落四班有利但換拉哥就好唔like 改要618場次大熱死火嘅喜悅精靈 嗰場初上1650都唔知點解憑乜嘢成為大熱 睇落似係千二千四後上馬 抖兩週喺從化重頭做起 搵返騎開嘅霍公子點都要拖

[ 本帖最後由 KIRIN688 於 2022-7-8 08:02 編輯 ]

第五場四班千二第二組李福深杯 鑽石寶寶同皇龍福將喺742場次碰頭結果鑽石寶寶贏 之後皇龍福將轉谷千二補中 所以負磅差距同嗰場差唔多 皇龍福將再抽12檔係麻煩 如果涼瓜把握到頭二百埋到嚟就有勝算 當然形勢上鑽石寶寶好跑但戰意就必然係皇龍福將高
第九場泥地三班千二葉錫安瓶 全季最後一場泥地有半數馬匹喺748場次同班同程碰頭 心水就喺呢場埋手 經過磅位同檔位調整後再睇片 首選揀喺嗰場初跑同程而大半條直路無騎過嘅旌鷹 嗰場馬入彎到直路頭嘅走勢相當洶湧 但喺直路坐足二百米box 一有位上就追返個第五反映泥地性能突出 今場抽六檔而前面有加州凱歌 八心之威 輗多福呢啲放頭拉快步速好好跑 Q腳方面再要牛皇頭 理由當然係雪茄鄭搵使費 出埋腎虧潘嚟跑有誠意 十檔就睇腎虧潘走位

[ 本帖最後由 KIRIN688 於 2022-7-9 16:13 編輯 ]

第二場四班泥地千二，愛馬劍就算計上場第四已經屬表現較好一匹，前仗贏馬水準就更高，副選則揀降班的合衷共濟，休息兩個月也復操了兩個月，在停操前在三班屢有接近表現，在此有班利，從化試閘反應算好，用嘉熙負磅不太重易適，檔佳，可望跑出水準，前駒最強對手。再大大上仗千四及前仗同程都應該跑得更好但失望，要撳制早就撳了，目前大熱亦欠吸引，但保險腳似乎未有更佳選擇，紅海福星今季表現亦反覆，賠率較好，臨場以賠率再決定。


第三場四班千二比較多選擇。奮鬥齊心上星期大勝而回，不肯定是大幅進步抑或場地之助，勝在仍有分頭。喜傲龍有賽績支持，雷神選騎正路，磅重檔劣換來賠率，目前是幾匹實力馬中最冷。喜悅精靈勝在同程穩穩陣陣，但不肯定是否能勝過上仗復甦入Q兼今次有好檔的閃電俠。有本錢可互串。

閃電俠檔好本來有考慮 但涼瓜之前騎幾次全部無影 所以先要返奮鬥齊心

屌 即刻贏埋 有無搞撚錯🖕

閃電俠之前欠態無影不作準，有分頭真要互串；奮鬥齊心現證上仗靠地利，記存濕地高大半班。


第七場我投注了大勢至富綫路神驊包剪揼互串，綫路神驊逢內檔必近，可惜嘉熙多手用鞭，打到閃入去聞屁股，雙手推騎堅持拉出外疊一定有Q

最後兩戰 煞科跑星期六都好耐無試過 睇報名有賭頭
谷戰最後一日心水5,7,9場
第5同7場單棍 尾場鐵角 第5場家樂飛駒依家跑四班谷戰始終有份量 雖然換阿仔但抽三檔好跑 Q腳方面搏下鹿鼎記 官方個血統簡評話佢可以跑到一哩 驗證返上場千四係衝得唔錯 增程更合 PAUL蘇散倉在即要搵水尾
第7場 796場次賽前有貼燊榮之星 全程無cover情況下輸俾連連行運 一先生三個幾馬位表現算唔錯 當然唔排除場地之助但以愛爾蘭馬嚟講算適應幾快 倒反映調低插班評分後有一定成效 轉跑谷千八晚間作賽無咁熱唔會太辛苦 抽三檔更易守好位 Q腳方面都係要同燊榮之星一樣都係北四馬嘅威威鬥士 又係跑際遇呢次檔位比上場好好多 機會提升
尾場鐵角其中一隻都係火車潘有份嘅包裝大獎 上季喺希斯贏馬爆缸掃埋結果今季俾柒頭叻嗰邊養返三W剃眼眉 似乎搵到贏馬竅門 上班輕磅執三檔好好跑 603場次同包裝大獎串Q嘅幸福至上早俾腎虧潘操幾課唔似收夠籌 雖然10檔但本場有合約精神 電訊巴打 手到回來呢啲前領馬喺度步速估唔會慢 正常發揮唔hea騎應有三甲 三重彩腳馬爾代夫 今季雖然未勝但整體算準繩 近六戰嘅評分喺三班要孭131至135磅不可話無影響 難得今場評分賽事係95至75終於可以上班跑 阿仔騎過兩場都接近反映人馬合拍

[ 本帖最後由 KIRIN688 於 2022-7-13 05:48 編輯 ]

第5場家樂飛駒有3檔跑正宗路程一席甚穩，跑法上可能要跟在盈嘉輝之後，後者上仗檔差被迫守較後二疊兼轉彎蝕位而追得近，今次排2檔預期中置貼欄，亦有力一爭，馬房護級鬥志堅。鹿鼎記上場千四不過不失，蓋以冠亞軍計屬弱組，增程變數則有可博之道，但12檔難跑，保險腳個人取回世澤歆星，跑法主動，因而水準穩定，上兩仗亞軍檔位亦普通，今次檔雖更差但估計仍可複製跑法，目前算有分頭。


第7場我亦選燊榮之星，初出不俗，正路預期再進，田轉谷對手減弱兼檔佳守好位跑法賺形勢。威威鬥士上仗早貼欄形勢其實不差，之前稍跟前之表現不及留後，初起時亦輸過千八，潘頓轉騎路路醒估計不會「死錯人」，後者有降班之利，近仗還可以，狀態一直有水準，快馬不多，千八前置較易克服檔差，變冷值博。波爾多上仗12檔沿途蝕位而追得不俗，今次檔位未至太差，退出後亦多一場琢磨，有望再進，兼顧。


另外講第3場，同有友連仗田草一千近，年長後前速減而長力增，估計目前已可應付轉彎，谷草對手較弱而算有好檔，有力重敲勝鼓。嘭嘭聲亦先在田草一千近，上次同程檔劣入位，今次好檔，預期有更好表現，次選。胡椒軍曹近兩仗一冠一亞有根據，上仗二疊保Q，今次檔位稍差但如夠快切入二疊仍有機，保險腳。其實有考慮再跟愛任性，有本錢可拖一票。

星期六煞科戰
第七場講起 三班千四計檔極速飛彈比上場好跑但134磅睇怕都係止於接近 比起嘉應精彩孭多十磅而檔位差唔多之下嘉應精彩秤先 750場次初出名門望族喺嗰場睇落腳慢去到最後200開始撻上嚟但臨到終點塞車 增程上千四更合腳法而本場對手未算強 有埋一檔更好跑
第八場一班千六 又係睇爆唔出樣 兩大分別騎都靈太陽發財先鋒另外加埋笑哥兒控制大局 賭單Q化算啲 都靈太陽跑千六仍屬射程範圍 上場G3精英碟火車潘出彎跑法備受抨擊 換腎虧潘必然拼個明白 發財先鋒同笑哥兒一樣前置但相比起嚟發財先鋒跑法單一 用埋拉哥更欠分頭所以寧願繼續追笑哥兒
第十場二班千二 神仙出三隻而拉哥繼續騎連連歡呼 都係秤先風火戰駒 分數差唔多見頂勝在今季fit 而呢個種嘅黃金期短 符合神仙一季揸乾作風 搵周仔應該係搏埋呢場收工 Q腳方面徒弟型佬全兩隻其實難揀 駿馬風采二班同程上過名但今次九檔隨時被頂出三疊望空 以戰養戰跑法機動又好檔但未跑過二班 睇飛做人
尾場全季最後一場三班千六又係睇落爆唔出樣 信心之選 隱形翅膀同自勝者強應該係呢三強控制大局 四重彩腳勉強提供埋川河冠駒

[ 本帖最後由 KIRIN688 於 2022-7-15 16:06 編輯 ]