引用:
原帖由 dragonbone 於 27/4/2022 12:08 發表 
香水真係百聞不厭，而且人既嗅覺有記性，一個女生令自己心動，佢既香味體味都會記入腦。
呢種記憶，就係唔見當事人，出街如果聞到相接近，都會記番起果個人。
大部份既短髮女仔爽朗，有自己主見唔會太遷就男人而盲撐，我鐘意架。 ...
係，之前有位美麗令阿星難忘嘅女友，好中意用白麝香white musk嘅香水，簡單得嚟好襯佢，成日令到阿星起勢咁索，最近喺街不經意又聞到，令到阿星突然之間非常之懷念呢位女友，可惜阿星同佢無緣，只係交往咗一年咁大把，可惜可惜。
短頭髮嘅女仔或多或少都有一絲絲倔強，唔肯認輸，愛逞強好勝；骨子裡佢哋係好拍檔，只要啱佢哋脾胃，比孖寶兄弟仲要落力幫手，赴湯蹈火，正所謂：誓要去，入刀山，豪氣壯，過千萬…………完全唔會皺一皺眉頭，到最後只要攬一攬，摸一摸頭，讚一讚下佢辛苦啦，你簡直係力拔山兮氣蓋世，佢就會用一個陽光燦爛式嘅笑容，額頭微微流住汗同你話：「傻瓜！」😬
