引用:
原帖由 moliu1 於 2022-4-20 07:57 發表
佢鬧交姊妹冇幫佢咩?
由佢同老公開始鬧交,你同佢相處左幾耐先正式一齊?關係維持左幾長?期間老公有冇搵返佢?
佢當時離左婚,佢有冇同姊妹講佢有拍拖? ...
佢要問手續呀、援助呀嗰啲,我主動話幫佢嘅。
佢同老公開始嗌交嗰陣我未識佢,識咗佢初頭借口陪佢去搵社福機構、搵工、搵地方搬等等見面,之後開始得閒冇事約飲茶,大概半年左右就發生佢去咗打牌我搵佢唔到件事,佢知道我鍾意佢。佢話對我有好感嘅叫我俾啲時間佢。
嗰次之後其實都算正式拍拖㗎喇,不過係要再過兩、三個月至上床。
佢老公偶然有嚟搵佢,亦試過飲醉酒上去鬧事攪到報警。佢有時返去探佢個仔,我都趁佢老公唔喺屋企嗰陣上過去幾次,都識佢個仔。
姊妹知道我同佢,試過中秋節一齊上去前夫屋企食飯(佢老公唔喺度)。
我同佢正式一齊兩年後識咗女朋友(茶餐廳識嗰個),之後一路都冇同佢正式分手,不過越來越少搵佢,佢漸漸感覺到唔妥。佢問過我好幾次我唔認,亦冇講分手,但佢越來越冇癮。
我識咗女朋友三年嘅時候,舊女友識咗個男仔,有主動話我知,嗰陣我個心早就完全喺哂新女朋友度。於是我亦都講俾佢知道呢幾年我一直有另一個女朋友,仲好愛好愛,佢就嬲到屌咗我一鑊勁嘅,然後封鎖咗我。
幾個月之後佢同嗰個男仔分手,佢想同番我復合,於是大家有幾個月叫做一齊番,有做愛。
然後我幾乎晚晚喺女朋友屋企談婚論嫁,我一路有講舊女友聽事態進展。舊女友覺得冇癮,就接受咗一個有婦之夫包養。
呢個時間可以當係真正分手,由正式交往起計有6年。
但係我同佢最好嗰段時間只有2年,之後我個心、個人,大都去哂新女朋友度,所以只係名義上仲係男女朋友,同埋間中仲有上床。
同埋正式交往5年嘅時候佢同過一個男仔一齊,然後我講俾佢知我呢幾年有另一個女朋友,呢段時間開始我同佢已經唔算係男女朋友,只不過大家仲有聯繫、有見面,佢想復合,我哋上過兩、三次床,但係呢段時間已經唔算一齊。
佢接受咗嗰個有婦之夫之後,我一直同佢有聯繫。舊年4月,茶餐廳識嗰個剛剛同嗰個老頭一齊嗰段時間,我因為好傷心,上過去舊女友住嗰度(喺照顧佢條友租俾佢)傾訴,忍唔住做過兩次。
佢話仲愛我,不過我已經唔愛佢,所以佢就接受而家呢條友,但係佢唔愛呢條友嘅。剛剛上星期,我同佢訊息,佢話呢幾個月佢漸漸對包佢嗰條友有咗感情,開始鍾意咗條友。
[
本帖最後由 dcat20 於 2022-4-20 13:02 編輯 ]