好值得回味嘅經歷，兩小無猜，做咩會散嘅？
咁你結婚果時中唔中意老婆架？到幾時先有搵第二個嘅念頭呢？點解會咁諗？係咪爭扎左好耐先去做？之後有冇後悔？

[ 本帖最後由 moliu1 於 2022-4-8 02:05 編輯 ]

嗰陣我仲有同其他女仔拍吓散拖，後來識咗之後做咗我老婆嗰個人。

性方面，我細個好怕醜嘅。大學嗰個女仔暗示過想做，但嗰陣我驚，所以佢冇主動之下我亦唔主動。

後來做咗我老婆嗰個，嗰陣佢主動，我哋就做咗，大家都係第一次。嗰陣時唔成熟，見都拍咗幾年咯，大家好friend，，好似兄妹咁嘅。佢話結咪結囉。但結婚之前已經好少性行為，大半年至一次，亦因為少做，大家一路都唔識，加上我次次入去佢都嗌痛，自然就唔enjoy，結婚之後就漸漸冇做。第一年已經開始同其他女仔曖昧、互flirt。好簡單，就係因為冇性生活。去到同第個人真真正正拍拖，有sex，係大概10幾年之後。絕對冇，反而極後悔結婚。我初初都仲當佢好似妹咁錫，而家對佢越來越唔耐煩，愛又唔做，又鍾意管我。

[ 本帖最後由 dcat20 於 2022-4-9 11:11 編輯 ]

多謝你詳細嘅回覆。有時人生就係咁，果個時候身邊係邊個，就會跟對方一齊。
拍散拖果d都冇做過咩？
同老婆少做，有冇同佢傾過點解決？買支KY？
結婚後都係到你講果兩個先開始有上床？其他有冇拖下手錫下？
如果有個你同佢都相愛嘅，你會唔會離婚同佢結？

有呀，之後咪結咗婚囉。有試過KY，但佢依然嗌痛，我覺得呢啲嘢要大家都享受，勉強冇意思。有啲只係曖昧，有啲有拖手、攬、錫。

總之，未同其他人上床之前，一路都好自制。

一旦試咗一個、兩個、三個，就開始上癮。

同第一個SP做過之後，打破咗心理關卡，膽就開始大。之後識過幾個，絕大部份有上床。有啲霧水嘅，只玩過兩、三次。有啲長啲維持一、兩、三年，但都light-hearted，唔係好上心、亦來往得唔係好密，直到遇上5年前識嗰個先至咁愛（就係呢度講第二個：https://www.188channel.com/viewthread.php?tid=70227124&page=4#pid900734216）。拍咗5年嗰個（呢度講第二個：https://www.188channel.com/viewthread.php?tid=70227124&page=4#pid900734216）大家好愛對方，佢想同我結婚㗎。但係我始終做唔出拋棄家人。雖然冇性、冇愛情，畢竟咁多年家人嘅關係。

[ 本帖最後由 dcat20 於 2022-4-9 16:09 編輯 ]

用左KY都痛就真係唔知點解，佢係咪性冷感果隻？拍拖做得密d果時係咪冇咁大問題？
你忍左十幾年先遇到第一個上床，都算幾自制喎。係之前果d未令到你想做，定係你去到一個位衝破左心理關口？
你講嘅第二個似係真愛喎，佢結左婚後有冇當你係朋友咁搵過你？佢係咪幾靚女架？
除左佢係單身，其他sp sl 係咪都係人妻？

佢係性冷感。拍拖嗰陣已經好少做，大概幾個月至大半年一次，因為大家之前都係處，冇性經驗所以就算冇都可以適應，不過個心會諗，尤其是之前明明有同其他女仔有拍吓散拖，有啲都暗示過想做，所以有少少後悔commit咗關係。不過嗰時我道德感幾強，所以一路自制，但係心裏面好想試吓同第二個。係心理關口+道德。我哋一路有見面，有出嚟偷情。我哋係好愛好愛大家，認定係此生最愛。佢一路都有好多人追，有啲仲係好有錢嘅人，但佢唔鍾意嗰啲人，一路想同我結婚所以拒絕哂啲追求者。

佢跟嗰個人之前半年一路同我談婚論嫁，其實我都好想同佢結婚一齊，但係同屋企畢竟咁多年，就算冇愛情、冇性，早已經係家人，加上呢幾年我事業、經濟跌入低潮，我唔想拖累佢捱苦所以唔敢隨便承諾結婚。我話要攪番好事業、經濟先，佢唔想等，話先結婚再慢慢攪都得啫，我唔係咁諗，佢就覺得我玩弄佢感情，於是好怨恨我，就將自己求其是旦俾咗一個追咗佢大半年嘅有錢老頭。

佢同咗嗰個人一齊之後好傷心，晚晚喺屋裏面喊，連人哋都察覺到。

佢去咗嗰個人屋企之後好掛住我，大半個月左右開始搵番我。最初我日日中午去佢公司樓下同佢食飯，俾佢鬧（鬧我唔肯娶佢），然後再過一個月開始再上床。之後每星期見兩、三次，其中一、兩次係開房。唔係，淨係9年前識嗰個賣衫嘅（後來俾我攪大咗嗰個）係人妻，其他都係單身。我本身唔想攪人老婆，不過自己都已婚，單身女仔一般唔想同有婦之夫搭上，而我唔想呃人，一開始就會俾對方知道自己已婚，所以遇到肯同我拍拖、上床嘅對像有難度。

第一個sp之前嗰啲都只係曖昧，即係大家都知道對方對自己有好感，所以交往。有兩、三個承認有愛意，亦有啲有男朋友嘅純粹for fun，會拖手、擁抱、講鹹濕電話，甚至幾乎發展到上床，但都克制住。直至同第一個做咗再同第二個、第三個，之後就徹底打破心理關口。

曾經遇過好鍾意嘅，想同佢做SL，但佢知道我已婚，同我唔會有結果，就叫我唔好當佢係女朋友。佢好獨立，對結婚冇乜渴望。佢話佢喜歡我嘅，如果唔係都唔會同我發展到有性關係，不過大家分享吓性歡愉好喇，唔好放感情落去（即係fwb嗰種），所以一直把控住。直至喺茶餐廳識呢個，我同佢都把控唔到，大家放哂全部感情落去。

[ 本帖最後由 dcat20 於 2022-4-10 08:57 編輯 ]

你講茶餐廳同個老頭一齊住, 佢地當時係結左婚? 搵返你幾耐先斷? 或者係佢先放棄?

你而家同時裝店仲有冇上床?
FWB係幾好, 但要雙方都控制到個關係係個平衡點度好難. 如果要keep得長就更難.
ching不如講下你點遇到得一個sp, 開始嘅經過係點?

當時未。佢哋舊年4月頭傾妥條件一齊，4月尾搬過去住，舊年尾結婚。

佢哋最初傾條件嗰陣話唔拍拖，直接結婚，結婚前唔會有性行為。肥佬喺屋企裝修好一間房俾佢分房瞓，大家只係一齊生活，培養吓感情先結婚。佢去咗肥佬度之後，好後悔將自己賣咗俾個唔鍾意嘅人，加上好掛住我，本來打算住兩、三個月就話都係唔結婚喇，然後就搬走嘅。

點知肥佬唔守信用，有晚飲醉咗酒，半夜用鎖匙潛入佢房。幸好肥佬唔係好得，但係都算食咗，冇理由白白俾咗佢，就唯有結婚。冇斷到，我哋仲有一齊。偷偷出嚟見面，但越來越難，老頭開始懷疑，看得好緊。冇，佢要湊仔，周時冇時間。

試過同佢約會，佢都要帶埋個仔出嚟。試問咁嘅情況下點攪嘢呢？

佢試過叫我去佢屋企，諗住𠱁個仔瞓晏覺，就可以喺屋裏面做。但我話咁樣唔係幾好啩，一陣俾佢屋企啲鄰居、看更見到講閒話，又或者個仔醒咗見到就大檸樂。通常發展到上床嘅都係一開始已經對大家有好感，上咗床覺得夾嘅話就好容易想同對方唔淨係性關係，唔覺唔覺就開始想佔有對方，結果攪到段關係好難。一係就離到婚明正言順一齊，一係就嗌交、分手。我同茶餐廳識嗰個舊年4月差啲分手㗎喇，嗰陣大家都好傷痛，我有抑鬱症，要去睇心理學家。佢亦都有抑鬱加焦慮，所以同咗老頭之後好唔捨得我就搵番我。好多時係直覺，覺得呢個人對自己有些少好感，就試吓嘍。

賣衫個人妻同茶餐廳識呢個，都係原本陌生人嚟，我嗰陣都係膽粗粗試吓撩㗎咋，得就得唔得就算，冇諗到居然抄到牌。跟住喺手機傾傾吓覺得對方對自己好似好有意思，於是就嘍出街食飯，正常約會咁㗎咋。但係如果對方鍾意你，互動嘅過程中好快你就明確察覺到，咁唔使好費勁、亦冇咩技巧，就可以同對方好快去到下一步。至於上床，我自己從來唔push嘅。通常都係對方要求，我就配合。

我亦試過同supplier或者商業聚會識嘅人攪上。有啲只係攪過一、兩次，係胡里胡塗之下。通常係本身有多少好感，攪咗之後就要求做男女朋友，我話唔好喇，之後就冇再攪。亦有啲keep住，但講明唔係男女朋友。我試過鍾意咗其中一個SP（就係上次講嗰個好獨立嗰個），開始對佢着緊咗，佢有啲怕咗，就漸漸冇搵我。我本來同佢幾好嘅，佢要做些少嘢會搵我陪，又會叫我上去煮飯俾我食，明明好似拍拖咁，仲攪埋嘢，佢都仲話佢唔係我女朋友，叫我唔好當自己係男朋友，嗰陣幾懊惱。

[ 本帖最後由 dcat20 於 2022-4-11 23:28 編輯 ]

茶餐廳老公睇得緊都搵機會出黎，Ching都係幸福喇。而人妻有個仔又真係幾難上到床，佢個仔幾大？放阿爸阿媽度囉？咁計落你都有兩個SL，都唔易分配時間喎。仲有冇散餐？
有工作關係果d其實都幾驟忌，都係靠試探咁先進一步？
一兩次就完果d係咪玩家？定你唔啱？之後有冇影響工作關係？

今年7歲。佢兩公婆父母都唔喺度㗎喇。賣衫嗰個冇攪嘢好耐啦，今年2月14日佢仲有問過我係咩日子。我哋冇見面最少都成年喇，前年已經冇同佢做啦。

舊年年頭，佢同老公嗌交走出嚟搵酒店住嗰段時期，叫過我去酒店陪佢嘅。嗰排我同茶餐廳識嗰個因為結婚嘅事情開始鬧分手，佢話如果我唔應承離婚同佢結婚的話，佢就會作賤自己，求其是旦接受嗰個有錢嘅肥佬老頭追求，所以嗰排我根本冇心情攪其他女。

舊年4月頭佢一應承同老頭一齊，就即刻俾老頭接管。我極度痛苦，抑鬱到要睇心理學家、食5-htp，直至5月中佢開始搵機會偷偷出嚟同我開房，我先至有番性生活。

而家茶餐廳識呢個都好難出到嚟。

今年3月頭我租咗一個星期酒店做嘢，佢藉口去姊妹度幫手，朝朝一早嚟酒店陪我，直至夜晚7、8點。嗰排我日日做吓嘢又攪吓嘢，我哋好似冇明天咁日日攪兩、三轉。老頭有時打電話嚟，我哋做緊愛佢唔接電話，老頭開始思疑，就管得好嚴。

跟住3月中到而家我哋都冇再見面。

我而家冇其它sp喇。通常係supplier或者商務聚會識，同公司冇乜關係嘅人。其實好多時候開頭已經明顯感覺到大家有好感，同埋雙方都有互動。好多時大家冇諗住做嘅，只係對對方有好感，有時約出去吹吓水，吹吹吓漸漸有啲嘢。然後有一次，情況、氣氛驅使之下，大家興起就做咗，純屬偶然。做完之後覺得又唔係拍拖（佢哋知道我有屋企），大家又各有各忙，冇見面就冇再做。

玩家反而keep咗段時間，就係我想由sp轉sl嗰個。純粹計攪嘢，佢係我試過嘅對手中最正，正過我最愛嗰個（茶餐廳識嗰個）。

同佢喺生意場合識嘅，佢對我有好感於是得閒約我出去吹吓水，漸漸friend起嚟。之後佢有時要去做啲嘢會搵我陪，買衫影俾我睇問我意見，開公司叫我幫佢諗名、諗廣告，有時叫我上佢屋企煮嘢俾我食，感覺好似拍拖咁㗎。連佢有一個好姊妹有時去佢屋企住嘅周時見到我都話我哋係拍拖，佢從來冇更正。

有次我上佢屋企食飯，佢生意賺到筆錢心情好靚，就嘍我做咗。我超級鍾意佢嘅，嗰次做亦都超正，想佢做女朋友嘅。

佢話幾喜歡我嘅，但唔係愛我，只不過有時有需要想搵條友開心吓，而佢覺得我ok，所以心情好嗰陣就搵我執一劑，但佢唔想同我做男女朋友。我因為好鍾意佢，唔覺意想當佢係女朋友。佢唔想咁樣，同我講過幾次佢唔係我條女，但我仍然忍唔住好緊張佢，佢覺得煩，漸漸唔搵我。

[ 本帖最後由 dcat20 於 2022-4-13 11:58 編輯 ]