PTGF還PTGF吖。

但係睇吓呢度嘅話，擺到明10個帖有9.9個係男人開，佢哋係搵SL/SP㗎。俾你係PTFG，睇到呢度咁樣嘅，會唔會喺呢度搵食吖？

我識得幾個女仔，唔係PTGF，佢哋有SL/SP，都唔會喺討論區識人㗎。我自己有過幾個SL/SP（最長嗰個玩咗5年（玩到有感情，佢想同我結婚，我唔可以，先至冇再繼續），都係喺出面識，唔係喺討論區搵。

幾年前喺討論區識過一個想搵人偷食嘅主婦，約出嚟飲茶。一見面，大嬸嚟㗎，即刻冇下文啦。

[ 本帖最後由 dcat20 於 2022-4-1 17:52 編輯 ]

睇怕網上交友或搵SP 好難了,

你認識既在酒吧識? 還是熟落左既朋友慢慢演變而黎?


ANYWAY, 旨在吹下水

我嘅SL/SP之中有一個識咗有8、9年。佢賣衫嘅，我喺佢舖頭見佢cool cool哋、寸寸哋咁，我貪得意撩吓佢就抄咗牌。

初初約出去食吓飯，跟住佢有時約咗女仔朋友出去食飯叫埋我去，我哋會拖手、會喺街kiss。識咗半年先至上床，識咗一年至知道原來佢有老公，係出嚟偷食嘅。然後過咗幾年，有一次我攪大咗佢，佢話要keep個BB，同老公離婚同我結婚。我唔肯，於是就嗌咗交。呢幾年我哋有聯絡但冇見面。

另外一個拍咗5年，係中午食晏嗰陣喺茶餐廳搭檯識嘅。我撩佢傾偈，知道原來大家都喺同一座建築物返工，於是我話得閒一齊食飯，就抄咗佢牌。

識咗一個星期左右我就約佢去夜街，嗰晚大家鍾意咗，但係最初佢話我有家庭，大家做朋友算喇，唔好再進一步。點知之後大家都控制唔到，識咗一個月有一晚去夜街kiss，於是確認咗關係。識咗兩個月就上床。

初期佢問我係咪一定唔可以同佢結婚，我話係，大家只做SL/SP，假如佢遇到合適嘅人追佢，而佢想結婚嘅話，佢可以嫁人。點知一齊咗一年之後，佢開始想同我結婚，耐唔耐為咗呢件事攪到好唔開心，而我亦都發覺有咗感情，越來越唔捨得佢。

前年10月開始，佢要我同佢結婚，俾半年時間我，如果我唔同屋企離婚，佢就同我分手。我一直冇正面答佢，佢好嬲，覺得我玩弄感情，就接受一個有錢人追求。

佢同咗嗰個有錢人一齊之後好唔開心，個個星期偷偷嚟同我見面一、兩次，當然亦有開房。

呢個真係愛，大家都好傷、痛苦嘅。

呢兩個之外，仲有啲零零星星嘅。

有啲喺朋友，間中去吓街食吓飯嗰種。試過因為玩大咗於是做咗，但只係一、兩次就冇。

至於我識得嘅有SL/SP嘅女仔朋友，佢哋啲SL/SP都係生活上接觸識嘅，例如有法律需要搵律師於是同個律師搭上，或者屋企裝修於是識咗個判頭。

我識得嘅人之中好少喺酒吧識SL/SP。我估喺酒吧識嗰啲多數傾向只係ONS，最多只係SP，而我哋呢種大都傾向長期、穩定、有感情，唔淨係性，係有性關係嘅SL多個純粹SP/炮友。

我喺網上（討論區、Fb、IG，甚至LinkedIn都有）識過好幾個女仔，反而做咗朋友。有啲會叫我做阿哥，我叫佢做阿妹，有啲會叫老公、老婆，會出嚟食吓飯，亦會講鹹濕嘢、分享吓性知識，其中有兩個仲玩過cyber，但係真係做就一次都冇。

[ 本帖最後由 dcat20 於 2022-4-3 20:55 編輯 ]

你件 SP 睇黎免費先係最貴喎...
佢再搵番你, 佢會唔會係報復, 一方面令你認為真愛喎,
若果你選擇離婚和她在一起, 計劃通後她再飛你, 你就GG

幸好你無, 多謝分享

前一個SP，其實佢翻搵過我兩次。

頭一次就係攪大咗，佢話要keep個B同我結婚。我死都唔肯，我話你有老公，我點知個B係咪我嘅。佢就好嬲，話佢同老公已經大半年冇攪過嘢，話我推卸責任。我哋就嗌交，最後佢去養和攪掂。

嗰次我諗住佢會嬲咗我唔啋我。

但係過咗一輪佢又好似冇嘢咁搵番我，之後我哋有時見吓面。

然後過咗大概年半，有一輪佢同老公嘈交嘈得好勁。嗰段時間佢又話想同老公離婚同我結婚。

我喜歡佢嘅，但講唔上愛佢，一路只當我哋係比SP好些少，未去到SL嘅層次，我亦都從來冇講我愛妳呢啲嘢。

於是我就直接話佢知，我絕對唔會同佢結婚。

有一日佢同老公吵大鑊走咗出嚟，由港島南區過到嚟太子搵我，我幫佢上網用仲平過租賓館嘅價錢租咗間星級酒店，冇幫佢俾錢，叫佢自己俾。我話假如佢係都要離開佢老公，我係唔可能照顧佢生活。

佢叫我陪佢喺酒店過一晚，我唔肯，於是又嗌過交。我唔係咁愛佢，所以冇諗住留住佢，嗌交嗰陣唔留餘地，諗住實玩L完。

之後佢同番老公一齊，過咗一排又搵番我。

嗰次之後我一路冇再同佢上過床。我嘍過，佢話好，我就話搵日。但之後我冇搵佢，一直不了了之到而家。

我識得一啲女仔本身做嘢搵唔少錢，老公做生意亦都好有錢，佢哋搵SP唔講錢，但係追求真愛，咁樣其實仲辛苦過建立喺錢上面。明明初初只不過屌得開心，但係屌屌吓就開始唔想淨係SP，想要愛，但係假如玩到要同老公離婚咁大鑊佢哋又玩唔起。

我喺茶餐廳識嘅第二個SL/SP又係想結婚嘅。初初明明講好唔可以結婚，但係一齊好開心就自自然然好想完全佔有。

所以唔講錢嘅的確正如你所講仲貴。

我嘅定義，無論SL、SP，都唔講錢嘅。假如一涉及錢，就係交易、買賣，例如最近袁小姐同鍾先生嗰種關係。

[ 本帖最後由 dcat20 於 2022-4-17 20:20 編輯 ]

多謝呢個分享，精彩。
你都幾易係街識人架喎👍🏼

五年果個又點樣結束？

有呀，不過冇女加我炸

我細個嗰陣好內向嘅。

大學嗰陣同一個有錢女拍拖，佢父母移咗民，留低佢同家姐喺香港。佢間屋大到淨係間房已經大過我阿媽屋企。試過夜晚同佢去街去到兩、三點，佢叫我去佢屋企瞓。我去到，佢上埋嚟我瞓嗰張床，仲入埋被竇裏面，但我都冇攪佢。我話好眼瞓想瞓覺，點知佢不停喺我身邊講中國文學同詩，講到天光。

嗰陣我仲係青頭仔，好正經，驚攪咗就要負責任。

完全冇諗過自己結咗婚之後會變成一個咁嘅人。

[ 本帖最後由 dcat20 於 2022-4-3 21:03 編輯 ]

冇分開，仲叫做一齊。