引用:
原帖由 dragonbone 於 28/3/2022 16:22 發表 
唔知大家有無睇奧斯卡，今次焦點唔係個獎，而係Will Smith上台打人一野，講真，美國佬最叻就係把口，更叻就係煽風點火，攞人地傷口黎開玩笑，有人講Smith打得好，又有人講佢唔應該出手，我想講，美國佬最叻就係出口傷人，傷人出手當然唔啱， ...
其實都係講緊3個：Acceptance（接納）, Acknowledgement（認同）, Appreciation （感激）。當呢三個要素都做到，自然就會出口讚美。中國人傳統，老豆永遠唔會讚仔女做得好，其實少少嘅讚美，就可以令佢哋做得更加卓越，更加優秀，更加完善。
唔知師兄有冇睇過一個社會行為學嘅實驗：有兩個老師分別被分配到兩班普通嘅學生嘅班房入面，其中一位老師被告知班入面嘅全部都係資優學生，而另一位老師就只係話一班普通學生。教學一段時間之後，被告知教緊資優學生嘅老師所教出嚟嘅學生，成績大大超前另外一班，由此可見，只要對人有鼓勵，每個人都能夠做得更加好，更加多，更加卓越。
所以話，讚美下，可以令到對方做得更加好，阿星成日讚老婆靚女㗎，如無意外應該或者可能有機會阿星老婆先到今時今日都仲咁靚😬
