星期三晚繼續四場單棍 其中三場四班賽事聽晚先寫 簡單講尾場先 幸福至上跑谷戰似乎跑高啲 雖然加左磅但獵人成啲馬一起又係連硃炮發 Q腳聰明導彈 上次真係睇小左 咁都可以又衝一段真係眼拙 同班德禮合拍 比上場減四磅更好跑
PS
香港金杯報名馬
將王 勇戰神駒 勇猛神駒 超級軍團 金鎗六十 幸福笑容 精神威 飛輪閃耀 時時有餘 達心星 玖寶


支鎗喺董事杯大意失荊州 估唔到照去金杯 將王有無機會殺低支鎗呢？

女皇銀禧杯報名馬
健康愉快 夏威夷 加州得迅 嘉應之星 顯心星 福逸 高大威猛 幸運快車


支鎗跑金杯 夏威夷係咪可以再下一城？

[ 本帖最後由 KIRIN688 於 2022-2-7 20:33 編輯 ]

腎虧潘趁拉哥停賽係咁數胡 聽晚手馬之中比較特別係肥文一對初出PPG都騎 睇晨操第八場隻好時節老早喺十月已經摸住操左十幾課 以一隻初出PPG計真係幾重視 雖然未試谷閘但電腦都幫埋一檔 想唔大熱都難 單Q要返勝在同程準繩可以守好位嘅歡樂好友 至於肥文另一隻初出金鑽貴人 第三個閘俾腎虧潘試左後搶埋 同好時節一樣未試谷閘但又有好檔幫手 最大勁敵當然係銳開嘅辣得驕
本來揀尾場守尾門 嘩乜家陣係大熱Q 算數 改為揀第五場另一組四班千二 四平八穩量化歡騰有好檔跑法簡單 腎虧潘嘅喜悅精靈原本白頭佬益嘉里 結果墮馬焗換 不過睇嚟隻馬幾尺寸 質素未必高 頂盡T腳 搏下冷柒頭叻倉嘅精明勇駿 開始接近而上場351場次同程終於有嘢睇 巴度似係主動攞馬騎親試 馬房要護級唔敢怠慢

至於第四場四班千八又係睇檔位做人 勝利波幅此程算準 而上場332場次望空留唔到結果中段放出返嚟大敗 反而變相用力唔多 今次一檔好跑而威哥全晚大軍壓境 單Q搏質新 其實都唔算新 南五但因為之前大傷 所以呢場只係第四次出賽嘅熹柏龍 鵬哥搞得都算唔錯 平時操馬都無乜幾何用嘅彈草閘兩段都出埋 係時候郁手

[ 本帖最後由 KIRIN688 於 2022-2-8 18:49 編輯 ]

我也看好肥文一對初出PPG

第八場好時節試閘輕鬆迫近另一四班田草頭馬而拋開其他對手，今場初出對手普通，除非不適應谷草或夜賽，應可取勝，目前大熱但不超買。歡樂好友如不能貼欄便很易失Q，形勢上很可能被好時節頂在二疊，估計帝豪之星放頭拉散馬群，較外檔的實力馬較可能切入二疊，一是幸運旅程，上仗已沿途三疊後上不及得亞軍，形勢不似差過上次，另一是龍騰飛翔，有田草績未必差過泥地，有得追。6-2-1-5

第七場金鑽貴人試閘雖未如好時節搶眼，但跟隨高班馬點到即止有追勁，現在排得中內檔易跑，亦有權一出即勝。辣得驕跑銳氣，贏歡樂好友之馬不超級，要兼顧的前列份子但非絕穩。秒秒精彩今季三班表現輕微有進，今回到四班抽好檔，若順利放出，不易有多少匹馬能追越，亦兼顧。6-1-5

另外兩場只提供號碼及短述：第五場2-1-9-4，郎仟師上賽有級數，可期一放到底，冷腳兼顧鈁糖武士，初出追些少，兩匹已出賽同父馬次仗皆爆大冷門。第六場8-3-5-9，大金庫上次降班路短追得不俗，千二會更合而檔好，對手包括勇創派對亦不算很強，後者勝在準繩而形勢好。

好時節對比金鑽貴人彈甩贏 表現大失所望 實力老退嘅馬功臣幾乎贏佢 成場馬腎虧潘都無乜跑錯 似乎評級要向下調
跑星期六 又少一日時間刨 簡單講尾場 少爺仔連勝三場都用唔同跑法 尤其上場全程望空居然仲可以彈甩贏 實力可能比想像中更強 上千六雖然排最外檔都難以批死 電路三號終於返嚟千六 今年可以頻密出賽反映健康趨穩定 馬房作風都係擇肥而噬 睇飛數
第五場四班直路賽 得力寶駒睇落得直路賽有競爭力 一檔影響不大反正搵到cover實會衝一段 腎虧潘騎初出嘉應福星做哂嘢先出嚟跑試閘有前速 11檔九成放頭 不過預無錢分 冷門繼續追上場重重意外搞到大力勒避當無跑過嘅連利福將 真係俾我賽前講中12檔貼看台追係有危機 呢次10檔好少少 睇班德禮發揮
第七場戰熊三千轉去白頭佬後連田草都幾乎贏 係咪反映霍老爺練馬功夫水皮？換返阿仔騎交出上場水準應該得一兩隻可以贏佢 其中一隻本來就係超音鼠 但家陣退出 改要波蔡組合翩翩君子 12檔表面不利但馬本身可以留守中後追 前面有團結精神 上校 心之行 呢啲快馬開路會好跑

[ 本帖最後由 KIRIN688 於 2022-2-11 12:24 編輯 ]

第九場繼續搏金爵士 紐西蘭個績已經跑到千四 所以方仔安排增程合理 連續兩場谷戰跑得好 當中上場谷千二隻馬根本自動波標上嚟 薛恩連空氣鞭都費事打啱啱好第四結果倒屎又係當睇唔到 轉交莫丹尼接手而騎者啱啱開齋 加上腎虧潘騎綫路之星必然引好多捧場客 分頭相信唔會無乜肉食 綫路之星有質但133頂磅對本場對手又似乎讓唔起咁多 倒不如搏升班輕磅跑法多變嘅美麗在線

[ 本帖最後由 KIRIN688 於 2022-2-11 20:35 編輯 ]

好時節與金鑽貴人一對都想贏，但可見證騎師也未必全知馬匹能力。好時節暫時出腳過直，纏鬥時比試閘明顯。

第七場戰熊三千退出，該場已無投注價值，估計六六大順會有進一步表現。


第八場承接前場放頭之勢，揀醉眼光及滿冠熊，前者方興未艾，後者似已回起，保險腳寶尾馬好好心得。

唉 睇漏加州十大原來上場塞車 咁樣走左寶 另外阿SIR今日過身 當年佢同魔頭為爭冠軍練馬師鏈餐死 令人津津樂道 RIP
星期三晚繼續四場三班賽單棍 老苗手馬似乎唔錯 第二場二千二出夠三隻 個人睇都係高瞻遠矚同飛天神駒比較似樣
第八場伊臣355場次初跑同程際遇不利幾乎贏 呢場形勢應該幾好跑 順利出閘擺前走控制步速已經有一大半勝算 單Q繼續追高耀智星 前場中上場再買結果場地不利中外欄追 今次檔位好得多希望馬雅唔好縮咁後
尾場老苗搵冠寶駒守尾門 算四平八穩 單Q要返凌駕 跑法機動 比上次都係加一磅 影響不大

重心場次第四場待續
PS：付上相關連結 簡SIR身故後南早訪問魔頭 對簡SIR有好高評價 當年魔頭攞冠軍（應該係90/91馬季) 簡SIR喺一次訪問都讚魔頭練馬叻 識英雄重英雄

有個江湖傳聞唔知係咪真  話簡SIR退休後魔頭就買歐洲PP問題向簡SIR徵詢意見 係咪同之後魔頭雄霸馬壇成為杯王有無關係呢樣就不得而知

https://www.scmp.com/sport/racing/article/3167007/brian-kan-remembered-iconic-person-who-could-move-mountains

[ 本帖最後由 KIRIN688 於 2022-2-15 16:20 編輯 ]

第四場隻維港奔流又頂磅再抽外檔 雖然換腎虧潘但風險遠大搏彩價值 四重彩先諗 谷C千二都係秤內檔馬著數 神駿馬車有一檔必然好過上次八檔 同樣富祿亦受惠檔位形勢好跑 三選俾多次機會天行健 似乎未夠氣量應付1650 縮返嚟千二希望貫注力好啲

第四場比較混亂，神駿馬車三班從未入Q，包括取得貼欄第三卡，但也未試過有內檔，或許可嘗試憑貼欄第二卡有突破。富祿、天行健以至威之星都非常接近。

我講第一場，五班一千屬較低水平賽事，估計前置幾匹可包Q，陽明冠爵有好檔，可以重演前次贏馬形勢再贏，首選。次選蒜頭本色，季初早段失常地慢可能狀態未足但追得不俗，今有好檔，不管置在前駒前面或跟隨前駒，亦可有一席。兩匹怪獸揀一匹，要怪獸廚神，希望有田泰安守好位，怪獸媽媽似搶到放頭但轉倉後長力更退一步。電子寶貝及精算赤焰不似早段能跟貼對手，爭三三四四，賭Q不取。