引用:
原帖由 dragonbone 於 23/11/2021 18:13 發表 
所以應該搵人開個post，講下女生點樣keep到條仔對自己既熱情，男人又keep到女方對自己仲係火辣辣先係。
嘩，師兄，高難度動作嚟喎呢啲。阿星最多只敢講教人喺有8成把握嘅情況之下去追男仔追女仔，但係人性係多變嘅，喺一段關係走向穩定之後，人，無論男定女，都習慣將事情恆常化：覺得事情係必然嘅，覺得所有事都係老奉，覺得對方付出係正常；而自己就冇責任去付出。
更加多嘅時候，其中一方會不停付出，甚至付出咗都唔出聲，甚至縱容對方變本加厲，甚至只會啞忍去祈求關係嘅延續，直到有一日，不停付出嘅一方覺得好攰，好傷心，好不忿，然後怪責對方只係不停需索，從來冇為佢諗過，考慮過，體諒過。
分開，好似都係必然嘅結果，一個人不停付出然後不斷指責對方嘅不是，另一方甚至唔知自己做過啲乜就已經俾人怪責，關係變得扭曲，變得奇怪，變得令人灰心。咦，阿星好似越講越興奮，講到唔知去咗邊添。
人性係多變嘅，要開始一段關係好容易，但係維持一段感情好困難，除咗雙方都需要為對方設想之外，放多啲心思喺對自己好，令自己成長，打扮下自己都係一個好方法；成個人只為對方付出而做到忘記自己，並唔係愛嘅表現，識得愛自己，先會有能力愛其他人。😬
