其實我覺得叻既女人，係會有D地方刻意慢兩拍，再睇個男人點出手去處理事情。
叻既女人，係會睇出男人細唔細心，目的為乜，有料無料。
而佢地係會好易排斥其他女人，同性知己真係唔多，感覺似係唔同level傾唔埋，要好圓滑又或豁達得黎叻先易接受其他人。

師兄真係篤中要害，全部中。要做一個強悍嘅女人好容易；要做一個喺特定時間就變蠢而且不著痕跡嘅女人就真係好難。有少少智慧嘅女人會嫌棄男人唔得大個，唔識長大；而有大智慧嘅女人會適時俾位男人上，造就機會等男人發揮，令到男人對佢又敬又愛，仲諗住係識到個腳頭好嘅女人咁好彩，其實女人喺背後為男人精心安排😬

去你間鋪就知你文學修養高啦，所有活動都好有畫面，令人置身其中！

點可以唔讚你呀👍🏻

Custom made 先係VIP 👏🏻👏🏻👏🏻👏🏻

咁嘅男士，心心眼呀❤️

不過學識，型同高度都好緊要㗎吓。我身邊都有風度、談吐優雅…..但樣衰衰冇學識，著對heel 同佢一齊行都高過佢….唔知點解，真係冇乜安全感

去間casual 餐廳，waiter 係鬼，唔識溝通，英文餐牌唔識睇….果吓感覺好尷尬

阿吉貓真係識講笑，呢度每位師兄都唔嘢少，仲間唔中有啲師姐師妹喺度撑下場寫佳作，阿星呢啲係班門弄斧，屎忽痕學人寫故仔啫。

細個嘅時候成日俾老師話阿星作文唔用心，原來以前用錯方法自己唔知，文章寫得好唔好原來在於靈活運用五感去形容，令人睇完能夠代入。阿星年介叔叔之年先嚟學識呢個寫作技巧，真係有啲恨晚之感，如果當年阿星會作文，今日應該已經練成鐵劃銀勾，係一個小說家，但係仲寫唔寫得出鹹故呢？😬

太高嘅男士又有限制嘅，阿星同女伴行出街就好礙眼喇，係人都唔想俾人話電燈柱掛老鼠箱㗎啦，當阿星攬住女伴嘅時候，就好似試過俾人話電燈柱攬住老鼠箱喇，都好滑稽㗎。

查實依家香港嘅生活模式，識三幾句英文都有需要啦，如果講得流利就會加分，再落嚟就係如果有當地口音就更加令人好奇喇。阿星諗緊要唔要開個YouTube頻道教人講英式英語，用英國各地唔同嘅口音去講同一句說話，又或者教人一啲只有當地人先識嘅俚語，好似啲人會話：你頭先係咪放屁呀？正式英文會話：Did you fart?，東倫敦嘅人就會話：Did you drop your gut?如果係香港人，應該唔知佢講緊乜喇。

阿星好中意同啲打電話嚟嘅電話銷售員傾偈嘅，例如佢哋打嚟有人一接電話講咗Hello之後就會一輪咀唔停咁講，而阿星就會喺佢哋講到口沫横飛（想像佢哋係）嘅時候截停佢哋，同佢哋用啲頗流利但唔多純正嘅英式英語同佢話：Wait wait wait, can you tell me in English again about what you were trying to tell me?

大部份時間銷售員朋友都會冚線當冇打過俾阿星，而有小部份嘅朋友就會問阿星：Do you want to borrow money?而阿星都會好有禮貌咁同佢話：Oh, that. Sorry I am ok with that, thanks for calling.然後好禮貌咁收線。

間唔中會有一兩位銷售員會好有趣地問阿星：Do you speak Chinese?你問到咁，阿星冇理由唔同你繼續打趣嘅：How about “no”? Do you speak English at all?

去到咁嘅時候，通常銷售員朋友仔都會打退堂鼓乘機收線。咁耐以來阿星未試過有人喺呢啲情況下同阿星講多過三句英文，阿星係咪好衰咁呢？下次用法文會唔會好啲？Bonjour, ça va?😬

[ 本帖最後由 star_platina 於 2021-11-12 12:05 編輯 ]

所以我成日覺得，如果已有家室，一個男人既失敗，唔一定關個女人事，但一個男人既成功，女人是功不可沒，如果女人都同個男人一齊打江山固然睇得出，如果個女人係默默背後支持，我傳統掛，我係好欣賞呢種女人架，但呢家野真係可遇不可求，難過搵pink lin.

師妹，Copy & Paste既幾步曲追女法我廿年前已識用，用到悶。
對人好對自己好，我都已無心機玩呢種環保send。
好記得廿年前有套風塵3俠，阿梁朝偉會同自己細佬講野，細佬即條J，佢細佬會投訴偉仔悶，好搞笑but truth.
所以識玩專屬mode，對方又或自己先有新鮮感同精神呢。

HAHA......師兄你又衰既。
除左行騙，其實好多時打黎我都會聽架，因為對方都係搵食，打通左要過一定時間佢公司先會俾錢，(就算sell唔到野)所以我通常會由佢講，咁上下我先收線。當然，其間我又唔係次次都會聽內容，可能仲放低電話由佢講添。