初次去街
其實約定左星期六海港城等之後，我同C9無再喺wechat傾計，又無拎電話，真係講個信字。咁我12點半左右就wechat佢，比個餐廳名佢，教一教佢點行過嚟，當時其實我已經坐低左，因為我要早d攞位，想坐窗口位，望到維港。咁心大心細等佢覆，過左一陣，佢都係覆左"好"。又繼續心大心細等等等，好在差唔多1點，見到C9出現，行左入嚟坐。
一見面，氣氛有小小尷尬既，咁我話估唔到真係可以茶記之外既地方見面，咁佢話佢都估唔到，因為平時d客口花花吹水就多，真係約出嚟就未試過。咁我心諗都係聽住先啦，然後佢就話個景好靚呀，好舒服，我見佢個樣都係真心既，我咪答佢話怕佢平時可能忙返工，少出嚟relax，所以唔食cake住，搵左呢間野，又有景睇，又唔係食茶記既野，咁佢聽到都開心既，咁落單叫野食，個侍應(又係C9)，神助攻，話我好有心搵呢張枱，誇張到話我12點嚟到攞位....
間野係韓國野，有叫炸雞，我一嚟就想破冰，同佢講放心，中意就用手食，最緊要自然，然後自己就用手先，咁好快，就變返喺茶記果時既"親切感"。有講有笑，內容太多，um... 寫到好似寫小說咁。
C9係大陸嚟既，十幾年前，當時二十歲，都係果d跟條香港佬，結婚生仔果d，咁我都唔會詳細問人地屋企d野，佢話真係落到嚟香港，就真係忙住做野同湊女，真係好少出嚟行下，我見有機會，咪問佢今晚有無時間，唔洗趕返屋企既話，可以帶佢周圍行下，萬聖節喎~ 咁C9話今晚個女約左同學去玩，老公返廚房，所以都唔洗煮飯，可以一齊行下。
都食到3點幾，我地太好傾，總結係大家都開門見山，唔想煩到屋企，又唔係為左性，又唔係為左情，即係佢而架個女大啦，佢多左時間，好開心有我陪佢周圍去，諗到野玩呀，食呀可以搵埋佢，佢都好豪爽，話AA制(咁第一餐我請既)，咁我都答佢話好，我都想有個伴，老婆唔打邊爐，但自己就想打無得打，就可以搵佢，都幾right timing。
即係唔係sp, 又唔係sl，only friend for now~
咁之後既野都想知？真係好電車男喎....
