第98話～

Abby XXVIII

叮噹……叮噹……叮噹………真係㩒到阿星好鬼死鬼煩，呢個人㩒鐘嘅節奏已經同阿星嘅心跳同步咗，搞到阿星個人跟隨㩒鐘嘅人㩒鐘嘅節奏個心都卜卜卜卜咁跳得鬼死咁快。呢啲咁唔為人着想嘅人真係非常之討厭，叮噹……叮噹……叮噹……咁，阿星真係好鬼忟憎，最後忍唔住起身一路喝呢個咁鬼討厭嘅人”Will you fxxking stop?”一路行過去大門度，隨手喺開放式厨房度攞咗把菜刀，準備一見唔對路就兜頭兜面劈落去。

門打開嘅時候，呢個咁討厭嘅人繼續喺度㩒，阿星打開門嘅時候，即刻大聲喝停佢，點知果句粗暴嘅英文只係講咗兩個半字，嚴格嚟講，係兩個字加一個英文字母。阿星當時就係講緊”Can’t you fxxking understand English at all?”嘅“Can’t you f.....”就已經停咗，而且阿星嘅粗暴，嚇親㩒鐘嘅果個人，仲要嚇到佢停咗手，隻手仔仲停留喺門鐘個制度，望住阿星。查實大家都知道，阿星係一個斯斯文文嘅麻甩佬，雖然係個麻甩，都仲叫做係一個斯文人，呢啲咁粗暴嘅方式對待人，真係好少有。

門口外面嘅人，可以話係俾阿星嚇親，而且咁夜闌人靜嘅時候，阿星咁大聲，嘈到人之餘亦都有啲唔好意思。見到㩒鐘果個人俾阿星嚇到聲都唔敢聲，而且對面屋個鄰居亦都打開門睇下阿星咩事，阿星唯有即刻打開個鐵閘，一手捉住㩒鐘嘅人㩒緊鐘嘅小手，拖咗佢入屋，然後即刻輕輕力關門。㩒鐘嘅人俾阿星捉住隻手，一手拖咗埋身，完全冇反抗，仲好安靜咁伏喺阿星個肚腩度。講咗咁耐，大家應該都知道呢個咁鬼麻煩，搏命㩒鐘搞到阿星講粗口嘅人係邊個喇啩？

正所謂：

門鈴依然響不停
英雄火冒三千丈
欲將來人地正法
突見櫻花站門前
手執玉手抱入懷
現場氣氛歸平靜

金翅唔知搞邊科鳥
（待續）😬

[ 本帖最後由 star_platina 於 2021-8-24 11:17 編輯 ]

早晨  星爺，寫好了   又來鳥 .....  金翅唔知攪邊科鳥！！      

門鈴依然響不停
英雄火冒三千丈
欲將來人地正法
突見櫻花站門前
手執玉手抱入懷
現場氣氛歸平靜

[ 本帖最後由 boar36 於 2021-8-24 10:06 編輯 ]

人都就走，再唔俾就冇囉。

哈哈，將來人就地正法咁鹹濕😬

俾啲咩呢，錢？😬

唔將佢就地正法 .....   難消心頭之憤

會違背對父親大人嘅承諾啦😬

佢趕住你走前俾個人你呀。

金翅真喺難捨難離鳥！！

打破 同違背承諾嘅喺 ----> 櫻花麻油子 喎!!