一呵就七直😬

又到星期一，第86話～

Abby LXXXVI

呢個故事，係一個成人嘅故事；呢個故事，係講一個女仔嘅故事；呢個故事，亦都係一個鹹濕佬嘅故事。話明係成人故事，成人嘅情節多多少少都有啦，大家亦都欣賞唔少；鹹濕佬嘅故事，講到呢度，大家應該都知道呢個鹹濕佬有幾鹹濕，之但係佢仲可以有幾鹹濕呢？至於女仔嘅故事，當然係講一個女仔點樣去做一啲事做到成功為止嘅奮鬥勵志故事啦，都講咗咁耐，究竟呢個女仔嘅努力，會唔會成功呢？

呢啲天氣咁熱嘅地方，去食餐便飯，要阿星著西裝去同人地食又真係隆重咗少少嘅，雖然阿星唔介意。Gina同Miss Tang陪住阿星到阿星著衫出門口，Gina先返屋企同女食飯，而Miss Tang都約咗人要出去。Miss Tang幫阿星打埋條呔，就好似啲人妻送老公出門咁，而Gina一路同阿星喺度吹水，一路叫阿星小心麻油味Abby嘅要求，得啦，你哋幾個咁麻煩都俾阿星執到咁上下啦，你哋成班搞阿星阿星都應付得到，佢一個阿星會搞唔掂？

阿星同Gina同Miss Tang地講完拜拜，就去攞車揸過去公司個購物中心度，麻油味Abby約阿星喺上次間咖啡店度等。再去多一次曾經經歷過一啲事件嘅地方，會令到當時發生嘅事件所帶嚟嘅感覺再次帶番出嚟，呢個係心錨（anchoring）嘅基本原理，只要當時嘅事件印象夠深刻，感覺係即刻會返嚟嘅。唔知道麻油味Abby係咪知道咁樣嘅原理，可以令阿星嘅感覺再次加強。不過阿麻油味Abby有張良計，阿星都有過牆梯，就算你識得加強心錨嘅效力，阿星又咁啱識得拆心錨；即係話就算你附加一個心錨嘅效果俾阿星，阿星都可以神不知鬼不覺拆你心錨嘅。

咖啡店入面，麻油味Abby一早已經坐咗喺度，枱面有兩杯咖啡，一杯係佢嘅，咁另一杯如無意外應該或者可能有機會係俾阿星㗎啦？麻油味Abby一見到阿星，舉起手搖搖，笑容滿面咁示意阿星過去，阿星當然行過去同佢攬下啦，杯咖啡仲係熱嘅，你咁醒，知道阿星幾點到嘅？麻油味Abby話：「好簡單啫，我叫佢哋每5分鐘就冲一杯出嚟換咗舊果杯咪得囉。」咁都得？

正所謂：

美伴各事散會去
櫻花心錨施故技
經理洞識妹策略
麻油張良星過牆
溫熱咖啡候君臨
呀妹果然好計謀

金翅兩個過招鳥
（待續）😬

[ 本帖最後由 star_platina 於 2021-8-16 09:11 編輯 ]

😏落心機🤭落咀頭😌落足藥🤭😅對象係😅重要嚇人👍🏻

[ 本帖最後由 月影偷情 於 2021-8-16 07:40 編輯 ]

早呀師兄！有人好心急咁喎！

簡直嚇星😬

早呀師兄，乜你好心急咩？😬

早晨 星爺，寫好了 又來鳥  ......  金翅過招鳥！！   

美伴各事散會去
櫻花心錨施故技
經理洞識妹策略
麻油張良星過牆
溫熱咖啡候君臨
呀妹果然好計謀

阿妹果然好計謀，金翅堅係過招鳥😬

終於講返abby，好想睇最後係點推倒佢。

最後係阿星俾佢推倒囉😬