食晏食埋麻油味Abby，第43話～
Abby XXXXIII
同Elly，Gina地唔同，麻油味Abby比佢哋都要年輕，甚至年輕過Miss Tang，27歲對阿星嚟講係一個非常之遙遠嘅年齡，呢個年齡，以麻油味Abby嚟講，佢專注喺工作上面努力，冇去啲酒吧蒲，又冇去識男仔，好似好自閉咁，有機會真係要問下佢平時有啲咩活動先得。依家當然唔問住啦，依家，做埋依家要做嘅嘢先。阿星見麻油味Abby咀唇上面嘅潤唇油冇哂，就同佢攞咗支潤唇油，打開個蓋，喺阿星個已經佈滿咗頭先喺麻油味Abby度搽滿潤唇油番嚟嘅咀度滿滿搽多一次潤唇油，合番埋個潤唇油嘅蓋嘅時候阿星同阿麻油味Abby話：「幫你搽番啲上去？」
麻油味Abby嘅笑容，令你會想將手上面嘅潤唇油幫佢搽哂上佢個咀度，甚至乎想將其他嘢都搽哂上佢個咀度，不過呢一刻，幫佢搽啲潤唇油就夠喇。所以阿星為佢準備咗充足嘅潤唇油搽咗上自己個咀度，費事一陣好似頭先咁，搽完夠得阿星用又唔夠阿麻油味Abby用咁尷尬啦。阿星呢啲嘢諗得好周到嘅。
然後喺阿星再次哄埋去想幫麻油味Abby搽潤唇油嘅時候，佢向後移，避開阿星個咀，然後同阿星話：「夜啦，我要走啦，你都返上去啦。」唔係啩，阿星成咀潤唇油，正準備幫你搽咀，你叫阿星返上去，咁阿星咀上面佈滿哂嘅潤唇油點算好？
「聽日晏晝你係咪會同我食飯？」麻油味Abby雙手輕輕按住阿星個心口，好似想阻止阿星有再進一步嘅舉動。唏，你真係唔熟阿星，如果阿星會有任何舉動，都會睇住對手嘅信號嚟做嘅。阿星點點頭同佢話：「係呀，頭先應承咗你啦。」應承咗你仲要上嚟阿星度確認，依家又要問多次，你都真係幾OCD得緊要。
正所謂：
麻子青春兼無敵
事業心重欠應酬
潤唇欲來開二度
副總再問約會期
查實又是強迫症
欲知後事如何，請看下回分解
（待續）😬
[ 本帖最後由 star_platina 於 2021-7-27 16:14 編輯 ]
