阿星中意又食鹹魚又食青菜，兩樣一齊擺入口😬

又嚟想像吓先  ....... 鹹魚就一定喺鹹嘅；青菜就灼、炒都得，咁即喺帶有水份， 兩樣一齊擺入口，咁 結果就會喺  ----->  咸濕  咸濕  啦喎    

耶～～～師兄講出咗星底話啦😬

毋須介懷，呢樣喺 男人嘅本能嚟嘅  

又食飯，講下故仔先，第19話～

Abby XIX

阿星一手捉住麻油味Abby嘅手腕，就好似爸爸捉住個女咁樣拖住佢行，麻油味Abby可能唔多慣俾人咁樣拖，或者啲追求者應該係問：「麻油味Abby小姐，在下可以握住你隻小巧可愛柔軟冇骨嘅手嗎？」禮貌謙卑嘅態度，係大家認為要對女士嘅態度，但係阿星會話適時顯露一點點嘅男性粗…………獷，係粗獷，唔係粗魯，粗口同埋粗枝大葉。阿星就咁拖住阿麻油味Abby穿過人群，行到去party房度，Miss Tang同Elly喺度傾緊偈，見阿星拖住麻油味Abby行入嚟，都掩住咀笑。

「有咩咁好笑呢你兩個？」阿星望住Miss Tang同Elly問。「你呀，又追女仔。」Miss Tang指住阿星拖住麻油味Abby嘅手話。然後呢啲時候，Elly當然又係滋滋油油咁開聲啦：「你都就走啦，仲咁頑皮嘅？你留低我哋仲唔夠，又要識女仔。」阿星一聽到Miss Tang同Elly咁講，知道佢哋都想喺剩低嘅幾個月入面盡量多同阿星一齊，如果加多個麻油味Abby，真係會分薄咗，況且阿星要安排啲行李又要搞好多嘢，雖則話有Miss Tang幫手搞，都仍然有好多嘢阿星要自己搞，堅係唔得閒。

「冇冇冇，頭先人多驚佢過唔到嚟所以先拖住啫。」解釋還解釋，握多一陣隻軟滑無骨嘅手腕先講，阿星呢啲抽水唔抹咀，假如有一日大家見到阿星身邊有女伴而冇抽水嘅話，阿星應該係病咗。麻油味Abby一路都任由阿星握住佢手腕，呢個時候終於開聲：「係我俾佢捉住嘅，如果唔係佢唔會捉到我咗。」唔，後青春期嘅一絲抗爭。Miss Tang走埋去麻油味Abby度勾住佢嘅手，同佢話：「我哋講笑啫，星星同我哋係咁玩嫁。」麻油味Abby跟住Miss Tang坐低咗，阿星都行返去坐喺Elly同Miss Tang中間，麻油味Abby一路問Miss Tang嘢，一時Miss Tang聽完之後會彈開望住麻油味Abby，然後又哄番埋去繼續傾，而Elly就用大脾掂住阿星大脾，再用繞住嘅腳尖輕輕咁喺枱底下面掃阿星隻腳。阿星望下佢，佢咀角微微向上，眼神好明顯係有笑意，衰妹，你陰啲陰啲整鬼阿星咁曵嘅？

正所謂：

美伴喜見護佳人
道出離別將在即
取笑還展男本色
麻子解說箇中由
艾莉暗情勾星星

欲知後事如何，請看下回分解
（待續）😬

[ 本帖最後由 star_platina 於 2021-7-16 13:13 編輯 ]

俾啲本能先～

[ 本帖最後由 star_platina 於 2021-7-16 14:26 編輯 ]

星爺，搞定鳥，寫得有些少牽強 哈哈    

美伴喜見護佳人
道出離別將在即
取笑還展男本色
麻子解說箇中由
艾莉暗情勾星星

又喺人間凶器，好胸 兼 大胸  

正呀師兄😬

人間胸器，胸惡，胸狠，胸猛😬