簡直啱到不得之鳥啦師兄😬

收工啦各位，第17話～

Abby XVII

呢個人，係一個阿星成日見，又好耐冇見嘅人，佢，係應承咗會喺阿星面前做阿星嘅擁有物嘅Elly。Elly今晚竟然同Miss Tang同埋嚟到Gina嘅酒吧，真係令到阿星好驚喜。Elly見到阿星，即刻起身過嚟同阿星攬住，然後Miss Tang又走過嚟一齊同阿星Elly三個人攬實實，完全忘咗企喺度睇住阿星地三個喺度做大龍鳳嘅麻油味Abby。

阿星攬住Elly同Miss Tang一陣，然後大聲同佢哋講：「介紹個朋友你識，Elly你識佢啦。」然後指指阿星背後嘅麻油味Abby。Elly見到麻油味Elly有啲意外，但係仍然保持端莊嘅態度同麻油味Abby打招呼，而Miss Tang ，就走去望下麻油味Abby，然後同佢用英文打招呼。麻油味Abby用中文同佢話其實佢識講廣東話嘅，然後Miss Tang已經一手勾住佢，拖佢埋嚟坐，不過就係Elly坐喺阿星右邊，Miss Tang坐喺阿星左邊，然後先到麻油味Abby坐喺Miss Tang隔離。阿星好忙碌咁同Elly同Miss Tang交流，已經冇辦法再照顧麻油味Abby，然後Miss Tang起身去幫大家再買啲嘢飲離開，麻油味Abby先坐埋嚟少少，同阿星講：「你啲朋友全部都係女仔嚟㗎？」吓，頭先阿星咪講咗你知阿星去見啲女仔朋友囉，你冇聽清楚嘅咩？

Miss Tang攞住幾支啤酒同埋Gina行入嚟，阿星留意到麻油味Abby見到Gina啲紋身之後對眼並冇離開過，直到阿星攬住Gina蜻蜓點水咁錫咗啖，佢先知咩事。以Gina嘅個性，一定即刻同佢打成一遍，而且問長問短，好鬼死鬼多嘢問，總之有Gina喺度包冇悶場。

飲到咁上下，阿星起身去厠所，麻油味Abby亦都跟住起身話去厠所。阿星帶住佢去到女厠，行到去門口，麻油味Abby突然捉住阿星隻手，問：「你啲朋友都好熱情喎。」咁你想知啲咩呢？

正所謂：

喜見艾莉現真身
眾美擁星齊相敘
冷板櫻花在邊旁
酒過三巡如廁去
麻子趨問英雄史

欲知後事如何，請看下回分解
（待續）😬

[ 本帖最後由 star_platina 於 2021-7-15 17:57 編輯 ]

星爺，又攪惦鳥，請過目 ☺

喜見艾莉現真身
眾美擁星齊相敘
冷板櫻花在邊旁
酒過三巡如廁去
麻子趨問英雄史

哈哈，過癮過癮😬

星爺今晚又要大戰連場😜

過癮好 定喺頂癮  得意呢  ☺

阿星都好期待😬

星師兄應該一一講解阿星的女伴！然後問麻油甲子想唔想成為一份子🤣

三樣都好，師兄寫得過癮，大家就會高興地笑；寫得頂癮，大家就會心微笑；寫得得意，就會喜哈大笑😬

咁強勢嘅女仔，未必能夠接受身邊人有另一個女伴，更何況係幾個咁多呢😬