又到星期一，又係一個星期嘅開始，大家努力，故事入面嘅主角都好努力。第6話～

Abby VI

再三請求終允約
性格各異補長短

最後阿星抵受唔住佢係咁問係咁求，唯有應承佢聽晚收工出去飲杯嘢。麻由美小姐話俾阿星知，如果聽日唔同佢出去飲嘢，就要等到佢去完楓葉之國旅行之後，即係三個星期之後先見。你講到咁，阿星陪你心急下，見下面先講。臨收線之前，麻由美話俾阿星知，佢其實有個英文名叫做Abby，媽媽係榴槤國人，所以其實佢有一半華人血統，亦都識講廣東話，問阿星識講冇。你真係太過睇少阿星，雖然廣東話並唔係阿星最耍家嘅語言體系，不過並唔阻止阿星嘅口沫橫飛技巧，即管release horse 啦，阿Abby！

話唔教話唔教，今日Abby一早就打短訊嚟問長問短，又問如果咁嘅情況可以點樣一步一步做到所想嘅效果，問到阿星有啲忟。阿星喺MBTI - 16型人格入面屬於N型人，通常只講概念，講策略，講大方向，俾人地自己意會之後自己做事；而Abby就好明顯係一個S型人，一步一步，有板有眼，規規矩矩，最好捉住佢嘅手仔帶住佢嚟慢慢做，咁就very good喇。呢兩個極端嘅傾向，某程度係好合拍嘅，因為只要有大家嘅共通點，就可以跟據大家嘅共同動機，互相配合，取長補短，擦出火花。

下一步，就係要摸下（摸索下呀，阿星每次食咗字，你哋就又諗鹹濕嘢），究竟麻油味Abby喺16型人格入面，係屬於4個氣質層入面嘅邊個傾向，同埋睇下佢想同阿星學咁多嚟做乜喇。大家可能好奇，16型人格咪16型人格囉，又有咩氣質層搞咁多呢？其實除咗基本嘅16個英文字母各自代表4個層面入面唔同嘅傾向，4隻字母砌埋一齊造成嘅唔同人格傾向類型之外，仲有兩個英文字母喺每一組4個英文字母砌成嘅人格類型入面分析4組唔同嘅氣質層。氣質層會大概話俾我哋知如果有呢兩個字母嘅話，有好多嘅嘢我哋就算唔做，都會自然流露，表達出嚟。講咗咁耐，大家係咪唔知阿星講緊乜呢？係咪想知道跟住落嚟麻油味Abby會發生啲咩事呢？係咪想知道其他女伴喺呢個故事入面佔嘅戲份有幾重呢？咁係咪要繼續睇落去先知道呢？準備好報名未？
（待續）😬

[ 本帖最後由 star_platina 於 2021-7-12 08:42 編輯 ]

副種菜🤔種乜,會搵你種😏🍅🍎🍊🤭你種特別D🤭…😁😁🤣😅

佢咁急搵你想搞乜😒.…

果副適宜晚間耕種嘅身體，應該係好好種😬

每個人做每件樹都有動雞嘅，佢嘅就係………………慢慢睇落去就明😬

又係想了解下生物多樣性,試下共享共存一體,果類🤭🤣😅

[ 本帖最後由 月影偷情 於 2021-7-12 08:15 編輯 ]

“又係，想了解下，生物多樣性試下，共享共存，一體果類”咁寫都得喎😬

早晨,星爺報名睇下集😜

“又係，想了解下，生物多樣性，試下共享/共存一體之類”

係用文字包裝後,覺得好似專業D🤭🤣😅😅…🤣🤣🤣

[ 本帖最後由 月影偷情 於 2021-7-12 08:33 編輯 ]

Abby都應該係進取型，心急！
師兄要慢慢深入了解🤣