既然師兄要求,星期日出一下,第5話~
Abby V
櫻花女致電拜師
怕惹麻煩拒心思
邊個係麻油味呢?出前乜丁?電話另一邊嘅,係魚生銀行,靠父蔭而爬到上副總裁嘅麻由美小姐,嚇得阿星,以為佢真係麻油味咁大劑。麻由美小姐,你咁夜打嚟,阿星唔係幾方便喎,即係咁,辦公時間以外可唔可以唔好要阿星同你傾公事呢?麻油味小姐………麻由美小姐話今朝開會嘅時候阿星發爛渣,令佢好驚驚,但係父親大人話俾佢知整個都係一個局,所以麻由美小姐想問下阿星係唔係。阿麻由美san,呢啲策略性嘅技巧,阿星係唔會教任何人嘅,父親大人睇得明,唔代表阿星要講解俾你知。
阿星好婉轉咁推辭咗佢嘅請求,同佢道個歉,講咗一個浪漫廢話耍開咗佢(咩係浪漫廢話?即係一啲不著邊際,而且長篇大論,可以講到慷慨激昂令人聽到興奮莫名,但係聽完好似冇聽過咁)。不過睇嚟佢並唔係只得個樣,要靠父親大人先可以生存嘅普通富家女,佢不停追問究竟阿星點樣可以喺一個困難嘅境況入面扭轉形勢,越問越尖銳,暴露咗佢一邊同阿星講嘢,一邊喺度即時思考。呢個係視覺型傾向(visual preferred)嘅人慣用嘅技巧;中意一路講一路諗嘢,而且講嘢好鬼死鬼快,呢個類型嘅人,亦都係阿星最唔中意應付嘅類型。阿星係自我對話型傾向(auditory digital preferred)嘅類型,傾向於先思考,思考完先開聲,對比視覺傾向嘅人,佢哋會覺得阿星慢吞吞,而且諗到成個諗樣咁都未諗諗完。算啦,除咗第二啲嘢快之外,阿星呢樣嘢係慢,你由得阿星啦。
麻由美雖然語氣有啲唔耐煩,但係佢仍然耐心聽阿星講完。啲叔叔係咁上下㗎啦阿妹,你揾啲後生仔陪你傾計啦。不過最令到阿星意外嘅,係佢嘅鍥而不捨,喺阿星講啲唔講啲嘅態度底下,麻由美好主動咁要求阿星收佢做徒弟,唔好喇啩,阿Miss Tang一個已經搞到阿星好唔得閒,況且阿星仲有幾個月就返東方之珠,暫時唔會再返榴槤之國,除咗Miss Tang想跟住阿星學嘢之外,其他嘅女士都已經開始揾到佢哋嘅方向,慢慢踏上自己嘅旅程。點推佢好呢?
(待續)😬
[ 本帖最後由 star_platina 於 2021-7-11 10:49 編輯 ]