卡士蘭驚爆得唔夠好咋😬

[ 本帖最後由 star_platina 於 2021-7-10 00:22 編輯 ]

星師兄你好呀，謝謝分享👍👍

師兄客氣，好夢😬

早晨,星爺,有冇故事睇😜

咦，師兄想睇，當然有啦😬

星期六，有節目，第3話～

Abby III

發難之後印象深
寒暄幾句問婚姻

阿星伸出手同個女仔副總裁握手，個女仔見阿星伸出手，亦都好禮貌咁伸出手嚟同阿星相握。大家有冇留意，除非你係大人物，如果唔係，女人一般係未必會伸出手同你握手嘅，就算係西方國家都係一樣。所以千祈要小心，如果會客嘅時候女性客人冇意欲握手嘅話，千祈唔好立亂伸出手要求握手啦。

女仔嘅手一般都柔軟，而且細隻，女副總裁嘅手亦都一樣。呢隻手如果攞嚟摸阿星塊面嘅話……………唏，你哋又偷睇阿星諗乜。阿星只係摸到一個女仔柔軟嫩滑嘅手啫，並冇人性剋制唔到獸性，顯露出本來面目嘅衝動。

握完手之後大家再次坐低，魚生銀行父女坐一邊，阿星同Elly坐喺另一邊。總裁父親大人對阿星好似幾好嘅感覺，由頭先鬧完機械國嘅人之後，總裁父親大人對阿星嘅態度好似有啲明顯嘅分別。頭先係阿星惡咗啲嘅，但係父親大人同女兒大人好似都好受落。查實阿星平時唔係咁㗎，迫於無奈，唯有發難。阿星好人嚟㗎嘛，你唔好迫阿星先得㗎。

呢個會都係講啲寒喧嘢多，話唔好意思你地同機械國嘅生意有阻滯，我地銀行隨時願意與貴司合作之類。言談之間父親大人將話題帶到去婚姻之上，問阿星結咗婚未。阿星外表依家雖然比較“突”（大家知個dut音），但係年輕時代都叫做“樣正常”，要結個婚都唔係困難嘅。父親大人一聽到阿星話已經有家室，即刻改變話題，又再圍繞喺公事之上。好啦，你問嘢問得咁不著邊降，總有原因嘅，阿星又唔點破你，反正你哋願意喺呢個項目上支持阿星地，呢個先係重點。
（待續）😬

[ 本帖最後由 star_platina 於 2021-7-10 14:59 編輯 ]

星爺真好人,為咗D老粉絲有得睇😀,如果星爺答未婚,總裁可能會話今晚一齊食飯,再了解星爺多D,然後叫副總裁同你多D交流😜

如果當年你答未婚，Abby可能做咗你老婆😁

發難之後印象深
寒暄幾句問婚姻

唔敢講，任何事情都有可能發生，但係阿星真係唔敢話會唔會😬