算唔算呢？最近睇咗篇文章有關唔同種類嘅名器，都幾得意，抄過嚟先得😬

新故事，Abby第1話～

Abby I

合約經理出難題
阿星另行諗計仔

要嚟嘅始終要嚟，執人官交低咗個工程項目嘅融資計劃俾阿星地搞，自己就已經印印腳飛咗去渡假。整個項目嘅目的有兩個，就係要揾到一間肯合作嘅銀行，同埋向一間大型生産商購買一台發電機組。由開始接洽生產商到Elly揾到相熟嘅外資銀行參與財務支持都相當順利，終於嚟到今日，要同大型生産商洽談商務同財務條件。Elly揾嘅，係一間魚生之國投資進注榴槤之國嘅投資銀行；而大型生產商，係阿星以前幫襯過嘅一間機械之國嘅知名發電機組生産商。今日主要目的，係要令到銀行同生產商之間互相認識，亦都要喺銀行同生產商面前簽署購買意向書。

生產商方面，由機械之國萬里迢迢飛過嚟嘅兩位銷售經理，一位高級工程司同埋一位合約經理；而投資銀行方面，由魚生之國嘅當地總裁同埋副總裁另加兩位榴槤之國嘅法律顧問；而阿星就同Cassy，Elly同埋項目經理四個人準備大殺三方。會議過程都算順利，直到最後，機械之國嘅合約經理突然提出要求阿星地公司付出500蚊印有富蘭克林像嘅錢嚟做責底，阿星望住呢位機械之國嘅機械人，真係唔知點解無名火起。阿星同佢話，阿星同佢哋做咗咁耐生意，都唔使俾責底錢，而呢位機械人先生嘅態度，同佢當時講嘅說話，令到阿星當刻火冒三丈。你估佢講乜？佢話：「我做咗25年，都未試過有客唔使俾責底錢嘅。」或者阿星相比起佢，都算係後生，相信佢應該比阿星大10年有多，而且人生經驗都應該好豐富，佢呢句說話，第一，表明咗佢對佢嘅工作嘅自負；第二，表達佢唔認為阿星一個後生仔（well，對佢嚟講，阿星係後生嘅）有咁嘅本事同佢洽商，第三，就係睇死阿星地嘅公司冇咁嘅財力喺項目上負擔一筆額外嘅費用。佢都係為公司好啫，萬一阿星地冇辦法找數，佢哋都需要蝕，大拿拿幾千蚊，小心啲係好嘅。

之但係阿星好話唔好聽都叫做係一個做生意嘅人，你要為難阿星，阿星都有應對方法，之但係你態度咁囂張，唔做啲嘢阿星做唔到生意之餘，仲會俾你睇小，作為一間公司嘅主管，係唔會咁容易屈服嘅，既然係咁，同你玩個小小遊戲先得。阿星打定主意，要為難一下呢位五十有幾嘅合約經理，所以問咗佢一個問題，將整個僵住嘅情況推上更高峯。
（待續）😬

[ 本帖最後由 star_platina 於 2021-7-9 12:45 編輯 ]

正吖，又有新女上場！師兄一定係因為壓倒機械個合約經理，令Abby對你另眼相看，繼而又比師兄收服！😉

合約經理出難題
阿星另行諗計仔

投資銀行嘅總裁及副總裁都一齊開會，一定係好大嘅project。而且對方合約經理要收500W做抵押金，應該是不尊重你當時的公司，而且你們是以前合作開的，他有這個要求，絕對是出難題了

榴槤之國篇嘅最後一位正式登場角色，之後嘅就只係番外篇咁咋😬

放好副題，故仔仲好睇😬

咁咪即係變成阿星七友

阿星係二打六，專門負責呢啲爛頭卒嘅工作，得罪人多稱呼人少果啲。有難題都冇問題，要解決好容易，係要點樣令對方做嘢，做得開心定頂住道氣咁啫😬

第七友冇乜接觸其他人，算係獨立角色😬