食個靚飯，睇下靚女，望下靚相，爆閃Erieann～完鳥～
Erieann II
呢餐晚餐，除咗阿星要同兩位成熟嘅美女有唔少嘅身體接觸之外，Erieann 同Cassy家鄉話嘅唇槍舌劍加上英文就令到阿星真係唔多食得落飯。查實食西餐係冇飯嘅，食扒食沙律食薯仔嘅啫，咁但係唔通同你講阿星食唔落沙律食唔落薯仔咁咩？完全冇哂整個意思囉，照用番飯呢個字眼啦，好冇。
查實阿星唔多知佢兩個喺度爭持啲乜嘢，而大部分時間阿星留意到Erieann嘅態度都係佔上風，而Cassy就好似有少少洩氣。喺食完頭盤大家喺度飲紅酒（呢支係阿星至愛，澳洲出產嘅Cabernet Sauvignon，入口微酸，回味帶苦刦，就好似人生，睇到人地好，感覺酸溜溜；回顧人生嘅時候發覺苦刦令人回味。揸住杯紅酒，阿星可以諗好多嘢，人生短暫，阿星混混噩噩咁過咗應該都有接近一半，荒唐過，努力過，有過師父，做過人地師父，結識過好嘅女伴，有分離，有相聚，一杯紅酒都可以形容得到。正喺阿星感慨人生旅程入面走到嚟榴槤之國，識到Cassy地幾位女士，都叫做夫復何求嘅時候，Cassy突然間捉住阿星隻手。Cassy隻小手軟滑似無骨海南雞就遠近馳名㗎啦，佢咁用力揸阿星嘅手，除咗同阿星做愛嘅時候之外其實都好少。阿星俾佢一揸就由人生感慨入面揸番出嚟呢度酒池肉林。
咩樹呢阿Cassy？Cassy繼續用佢嘅家鄉話大聲同Erieann喺度唔知爭論緊啲乜，但係佢捉住阿星嘅手就越揸越緊，仲要開始有汗添。阿星望下Cassy，表示詢問，同時亦都將原本揸住喺左手嘅紅酒杯放低，將手都放埋上去Cassy捉住阿星嘅手上面拍兩拍，然後望住Erieann。
「阿星你話好唔好？」Cassy望住阿星咁問。通常佢問得出，一定係有啲嘢，但係Cassy一路望一路用佢夾喺阿星兩隻手掌中間嘅小手揸咗阿星一下，然後好深情咁望住阿星。你咁望法，阿星又點會話唔好呢？所以就點點頭，開聲：「好～～！你話好，阿星點會話唔好呀～～。」咁但係好啲咩呢？Erieann用佢對大到唔知點同地心吸力抗衡嘅雙乳………係佢對又大又深嘅黑眼睛先啱，用佢嘅一雙眼睛望住阿星，然後舉手叫侍應埋嚟話：「我哋唔食啦，所有未嚟嘅嘢同我送上我房度，再開多兩支紅酒！」做咩？散水？阿星都未食正餐，俾阿星飲埋杯紅酒先啦唔該？
（待續）😬
[ 本帖最後由 star_platina 於 2021-6-16 09:05 編輯 ]
