引用:
原帖由 80後廢青人夫 於 2020-9-9 22:30 發表 
要睇你有辦法既
關於運動我認真咁講.雖然唔知你身型點,但既然你唔滿意就一定有不足既地方.以下幾點你要記住第一.運動無捷徑,唔好諗住狂操一段時間就可以變成點樣點樣.尤其係無做開運動既.有d人減肥可以堅持成年都好似無咩進展.因為長期無運動頑固脂肪係進展慢,但唔係運動無用.而係要過左樽頸位先見到成績.往往係你放棄一刻其實就係臨門一腳,你要識得咁樣去鞭策自己.因為最快既捷徑就係堅持.
第二唔好諗練死一忽就得.你要記住全身肌肉係互相協調既.練死一個部位只會令你辛苦同進度慢,而且效果亦唔理想.你可以重點練你想練既位例如胸.但唔代表其他位唔使練.
第三如果要減肥第一係飲食,第二先係運動.飲食控制到.唔運動都可以瘦.飲食唔控制.你可能練到嘔血都仲係曾志偉.好簡單既公式.攝取不多過消耗你一定瘦.糖份第一敵人.其次脂肪煎炸零食類.上網搵資料.
希望幫到你.但以我經驗十個有九個堅持唔到,三分鐘熱度.我希望你係另外個一個.
