引用:
原帖由 dcat20 於 2020-8-5 11:54 發表 
講嚟講去，咁你咪即係自嗨囉
我識得嗰個喺呢啲場做part-time小姐嘅女仔，佢講唔少啲小姐喺小姐房入面講啲客嘅嘢我知。
佢哋基本上真係將啲客當水魚㗎咋。
人客最好抱住使錢消費尋開心嘅心態就好，唔好當正自己真係風流倜儻。
有啲客外型好少少，加上喺呢啲場玩慣，態度輕佻啲，啲女投入啲交足戲俾佢哋，佢哋就當正自己係人哋playmate咁。其實大部份女對佢哋都一視同仁，唔會特別鍾意佢哋。
假如真係條女條仔，就唔係喺呢啲場識㗎啦，亦唔會幫襯條女做嘢間場。
我識嗰個女仔講嗰個喺佢做嘢間場只係做咗半個月part-time嘅女仔就係本身有條拍咗幾年拖嘅仔，但因為好需要錢，而條仔俾唔到佢，唯有偷偷出嚟做，諗住識到個主僱照顧佢可以解決經濟憂慮，到時條仔留得就儘量留。
佢只係做咗冇耐已經有好幾個人媾佢，其中大都係啲好多錢嘅阿叔、阿伯，有個富二代稍為叫做ok靚仔。呢個女仔就透過微信同佢哋聊，聊到佢哋個個都以為自己可以做到人哋條仔。
於是佢就視乎邊個提出嘅條件最好去決定俾邊個照顧。
靚仔啲、後生啲嘅人客係最易𠱁，因為佢哋覺得自己吸引到女，於是啲女唔使好刻意𠱁佢哋，就可以令佢哋自嗨、投入。
但係做得呢啲場，你估啲女真係想喺呢啲地方媾仔咩？佢哋多數生活條件差，想喺呢度搵水魚㗎咋。
玩伴？咪攪笑啦，客就客啦。
[
本帖最後由 dcat20 於 2020-8-6 07:40 編輯 ]
