小故事
今日想同大家分享一個小故事
（有小小長，純個人意見，不喜勿插）
小弟約2個前係某討論區識左一個女仔，佢唔係好靚，但佢入得廚房、出得廳堂、更上得大床。大家開始了解，無所不談，佢知我有家庭，亦都肯同我一齊。雖然佢心裡面係非常之介意，有時亦會表現出黎。但大家炒炒鬧鬧咁一齊左差唔多一年既開心日子，最後因d無聊野分開左。
分開呢年幾，我地都無delete對方既wechat 同IG，我不時都會去睇佢既野，去睇下佢既近況。之前試過將同佢影既相send返比佢，睇下佢有咩反應，點知佢冷冷咁回覆我：「thx」。當時覺得佢應該都有拍拖，所以都費事理我，我都覺得唔緊要啦，大家都分開左，佢有佢既生活都好既。
最近佢搵返我，大家本以為可以最一齊返，最後都因為我既問題都唔可以係一齊。同時，佢將我既wechat同IG delete左，我亦唔可以再睇倒佢既野。我試過挽留，但硬件上改變唔倒，佢亦唔接受，加上佢識左個條件好好男仔。所以我最後都放棄了。
雖然好難受，但我知道自己唔可以咁自私，愛佢既就要放手，要祝福佢，希望佢幸福快樂。
